Kadib weeraradii khasaaraha badan dhaliyay ee xalay ka dhacay hotello kuyaal magaalada Muqdisho ayay dowladda Federaalka isku dayaysaa in ay qariso xaddiga khasaaraha weeraradaasi ka dhashay.
Horjoogayaasha maleeshiyaad Dowlada Xamar ayaa warbaahinta madaxa banaan ee magaalada Muqdisho amar kusiiyay in aysan sheegi karin khasaaraha ka dhashay weerarka islamarkaana ay qaadan karaan oo kaliya warka kasoo baxa saraakiisha wasaaradda arrimaha gudaha DF-ka.
Maanta barqadii ayay ciidamo wajiyada soo xirtay waxay gacanta ku dhigeen tiro saxafiyiin ah oo war u raadsaday isbitaalka Madiina oo la dhigay inta badan dadkii dhaawacyadu kasoo gaareen weerarkii Hoteellada.
Cadaadiska cusub ee lagusoo rogay warbaahinta madaxa banaan ee Muqdisho ayaa u muuqda mid aan waxbadan ka bedeli doonin faafinta runta maadaama ay jiraan warbaahino ka madax banaan oo aan aqoonsanayn DF-ka islamarkaana si dhaqsi leh wararka ku gaarsiinaya caalamka.
Voice Of Somalia 