Qunful bey kujebiyeen xabsigay hora u qaadeene
Qawlaysataa lagu saliday dhiig qur quri yaale
Qol baa lugu xirtoo waa yadii qaab xun loo dilaye
Qaar jeex ayaa lugu ridiyo cuduro qaar koode

Waxaa biyo qaboow loogu shubay loona qaawinayey
Waxay ugu qabteen korontadoo qaylo uga yeertay
Qadaad keey qateen oo biyeheey quusi nahayeene
Danbi uusan qabin inuu qirtaa qaab kan loo yiriye

Galleydaa la qooyaa xabsiga lagu qariidaaye
Qabsimadii ayaa wada qalaloo qadadii loo diidye
Mana qaab mayoo wiilku waa qurac sal kiisiiye

Qaanuun ma qabo waxa kan aad qiil ka dhigateene
Qaatiliin waxaa lugu fasaxay qoladay sheegteene
Qowl nin meel kusoo qorana waa lagu qisaasaaye

Qabiilaysi waa kii narogay qoon simaadna lehe
Miisaanadii ayaa naga qaldamoo weli qaloocaane
Been qayaxan ayaa lagu qabsaday kiisas aan qabane

Qullateyn kabadan beenta ay soo qora hayaane
Qabiil kama fogiyo qoonsi iyo aano qoladeede
Qarax yada kuwii siday ayaad qolo ku dayseene
Saad u qaadateen baan rabaa inaan yar qeexaaye
Qatli baa ka fudud erayga uu wiilku soo qoraye

Qasnadaha wixii yiil raggaan qirishna reebeynin
Hanti qaran ha joogtee ragbaa qoys u dhaadhacaye
Dhul ka qaadis qow laysatiyo qaaqle taladiisa

Qaan gaar nin kii ihina garay waxaad qilaawayne
Boogihii ayey qaadayaan qoloftii saareede
Qalfoof beena qaran qoys noqdaa lagu qaraab taaye

Quus baan ka joognaa inay qayr ka taliyaane
Qarankii awoodiisi baa qaabkan loo dhigaye
Qaaradaha waa laga og yahoo way qawadayaane

Qaafil dhega la’ muu ahan dad kuyoo qayladii timide
Qaar baa yiri qabiil buu ku galay cali qisaastaane
Xumaan hoosta laga soo qasiyo qaa’id taladii dheh

Qab qabowga aad haysatiyo qaranka shaarkiisa

Aniguu iqoonsaday hadaad qiil kadhiganayso

Dig taatoori qayr beele iyo qolo war keedii dheh

Inaan soo qatimo baan rabaa gabaygaan qaaf kaaye
Waa dheri qaxaa waxa kan iyo shaar qabiil tolane
Ninkii qayrki loo xiirayoow adina soo qoyso
20.6.2015
Sujuud.

Voice Of Somalia-Somali Leaks