Cabdiraxmaan Xoosh Jibriil oo kamid ah xildhibaanada Baarlamaanka fadhigiisu yahay magaalada Muqdisho ayaa sheegay in DF ay ku fashilantay hawlihii loo igmaday, sida:- hiigsiga 2016, ammaanka iyo arimo kale.

Wuxuu sheegay in arimahaasi iyo kuwa kalaba ay sabab u yihiin, dowladda oo shaqo ka dhigatay musuqmaasuq, nin jecleysi iyo kala dambeyn la’aan, isagoo dhaliisha ugu weyn dusha ka saaray Xassan Sheekh.

Xoosh waxa uu qiray in dalka uu ka taliyo N/key, laakin waxa uu arrintaas u sababeeyay karti xumada DF. Sidoo kale waxa uu ka dhawaajiyay in ciidamada shisheeye ku fashilmeen hawlihii loo xilsaaray, marka laga yimaado xasuuqa oo ay si joogto ah u geystaan, waxaase jirta in Xoosh uu shisheeyaha ugu garaabay iney maalin walba ku baaba’ayaan dalka, isagoo tusaale usoo qaatay dhacdadii weeneyd ee LEEGO.