Markii ugu horraysay xildhibaanada dawaaqiidda baarlamaanka dowladda Federaalka ee fadhigoodu yahay magaalada Muqdisho ayaa xaqiijiyay in ciidamada shisheeye ee duullaanka ku jooga Soomaaliya aysan wax amar ah ka qaadan DF-ka.
Guddiga difaaca baarlamaanka ayaa boqolaal xildhibaan ka hor sheegay in saraakiisha ciidamada shisheeyaha AMISOM ay u xaqiijiyeen in wax xiriir ah uusan ka dhaxayn iyaga iyo wasaaradda gaashaandhigga.
“Kadib baaritaan dheer oo aan sameynay saraakiisha ciidamada AMISOM waxay noo xaqiijiyeen in xariir wanaagsan uusan kala dhaxayn wasaaradda gaashaandhigga iyo taliska ciidanka xoogga”ayuu yiri Xuseen Carab Ciise oo ah madaxa guddifaaca ee baarlamaanka DF-ka.
“Ciidamada AMISOM marka ay Al Shabaab ka qabsanayaan magaalo kalama tashtaan saraakiisha Soomaalida oo kaligoodu ayaa maamula magaalooyinka taasina shaki badan ayay abuuri kartaa”ayuu hadalkiisa sii raaciyay Xuseen Carab Ciise.
Ciidamada Xabashida Itoobiya ayaa magaalooyinka ay xoogga ku qabsadeen ee dhaca Koonfurta iyo bartamaha Soomaaliya waxay ka dhiseen maamullo si toos ah u hoos taga magaalada Jigjiga ee Itoobiya gumeysato.
Waxaa meesha ka baxay sheegashadii beenta aheyd ee madaxda DF-ka waxaana rumoobay hadalladii mas’uuliyiinta Shabaabul Mujaahidiin oo shacabka Soomaaliyeed uga digayay halista gumeysi ee ciidanka Itoobiya.
Liibaan Jeexoow Cabdi
SomaliMeMo,Muqdisho
somalimemo@yahoo.com
Voice Of Somalia 