Hoggaamiyaha Dowladda Federaalka Xasan Sheekh Maxamuud ayaa walaac ballaaran ka muujiyay is ballaarinta sida xowlliga ah ku socota ee Xarakada Shabaabul Mujaahidiin iyo taageerada ay ka helayso shacabka Soomaaliyeed.
Isagoo khamiistii lasoo dhaafay boqolaal odayaal dhaqameedyo ah iyo saraakiil amni kula hadlayay degmada Afgooye ee gobolka shabeelaha Hoose ayuu canaan kala dul dhacay saraakiishiisa ciidamada iyo dadka dega Sh.Hoose.
Xasan Gurguurte wuxuu ka carooday khudbad uu jeediyay mid kamida salaadiinta beelaha Afgooye oo si aan gambasha laheyn u sheegay in ciidanka dowladda Federaalka iyo kuwa AMISOM ay dib u dhac dhan walba ah u horseedeen gobolka sedaxdii sano oo ay joogeen.
Daqiiqado kadib waxaa cod baahiyaha qabsaday Xasan Sheekh oo si adag uga jawaabay eedaymaha loo jeediyay maleeshiyaadka dowladda wuxuuna qiray in ciidamada Xarakada Al Shabaab ay ka wanaagsanyihiin ciidamada dowladda u qoran.
“afar wiil oo alshabaab ah ayaa maamulaya deegaan ay laba kun oo shacab ah deganyihiin,alshabaab dadka iyo deeqa umadda Soomaaliyeed ayuu wax ku yahay maahee dowlad federaal wax masiiso marka waxaa loo baahanyahay in aan wax qabsano oo aan cadawga la dagaalano”ayuu yiri Xasan gurguurte.
Hoggaamiyaha dowlada Federaalka ayaa carrabka ku adkeeyay in shacabka Soomaaliyeed ay taageera u hayaan Al Shabaab islamarkaana ay shabaabku wax ku yihiin isgarab taagga ay ka helaan soomaalida.
“Al Shabaab dadka iyo deeqa shacabka soomaaliyeed ayay wax ku yihiin” Xasan gurguurte.
Sidoo kale Xasan Sheekh wuxuu sheegay in ciidamo katirsan DF-ka oo bilo ka hor lagu dilay degmooyinka Awdheegle iyo Mubaarak ay badankood isku jufa ahaayeen.
Liibaan Jeexoow Cabdi
Voice Of Somalia 