Shacabkaa mashquuloo
marna Muufo iyo Shaah
iyo Maraq eryaayoo
midda weyn ka maagaye

Haddii ay mar toosaan
maskaxdiyo maankiyo
muruqooda maalaan
tuug kama macaasheen

Marxabeyn shisheeyiyo
maqaayadaha la dhoobtiyo
muran iyo isjiid jiid
hadeey meel ku xooraan

Duul masaafo soo jaray
oo meel fog uga yimid
Dekaddiyo Madhaarkii
maal kama gurteen abid

Haddii ay midoobaan
oo maqaamka guud iyo
maslaxooda eegtaan
nina uma muraadeen

Mashaqada waxaa baday
iyo midig la taagtaba
mujrim iyo aqoon gaab
kala maanacaayee

Haddeey maamul goboleed
intay maya yiraahdaan
gebigood midoobaan
mahadhaba magaarteen

Masjidyada ilaah iyo
musxafka quraankiyo
haddeey miidda dhowrtaan
nina kama maroojeen.
W/T; Xagaleey