SOOMAALI GALBEED-Ciidanka gumaysiga Ethiopia oo masjid qadiimi ah oo Jigjiga ku yaalay dumiyay

Wararka ka imaanaya magaalada Jigjiga ayaa sheegaya in ay ciidmada gumaysiga Ethiopia dumiyeen Masaajid qadimiha oo lagu magacaabo Badiici kuna yaala xaafada 05 (Jaraaqato) oo soo  hor jeedka Hospital ka Kaaraamardha ee magaalada Jigjiga, ciidamada gumaysiga Ethiopia ee shacabka Soomali Galbeed dulmiga joogtada ku haya,dhaqan xumadana ku caanbaxay ayaa shalay dumiyay Masaajidkaas oo kuwa ugu waaweyn ka mid aha.

Sababta ay aaskrata gumaysigu masaajidka u dumiyeen ayay ku sheegeen inay meesha wado ama jid  ka dhigayaan,dadka degaan ayaa sheegay in qorshaha Masjidka lagu dumiyay uu yahay mid lagu lagu bahdilayo  shacabka Muslimka ee Soomaali Galbeed.

Xogtan la helayo waxay sheegaysaa  in duminta laga leexinayo xaafadaha ay Xabashidu magaalada Jigjiga ka daganyihiin halka aan Soomaalida loo aaba yeelaynin dhismayaasha muhiimka ah ee ay Masaajidadu ka midka yihiina la bartilmaameedsanayo.

Si kastaba ha ahaatee duminta Masaajidka iyo Dufsiyada Quraanka  ayay shacabku aad uga xumaadeen balse ma awoodaan inay ka hadlaan, ciidanka gumaysiga ayaa u taagan waxyelaynta iyo dhibaatayn shacabka Soomaalida Galbeed   oo ah kuwa  aan hubaysnay waxayna  Allaah ka baryayaan  in dhibaatada ka saaro gumaysigana uu ka dul qaado.

Voice Of  Somalia-SOMALI LEAKS