Shaqaalaha Garoonka Diyaaradaha Muqdisho oo Mushaar la’aan aawgeed Shaqada Ujoojiyay.

Image result for garoonka diyaaradaha muqdisho

Kumanaan katirsan shaqaalaha garoonka diyaaradaha caalamiga ee Muqdisho ayaa ku dhaqaaqay shaqa joojin guud kadib markii ay waayeen lacagihii mushaarka ay u qaadan jireen.

Guddoomiyaha guddiga shaqaalaha garoonka diyaaradaha ugu weyn dalka Soomaaliya ayaa sheegay in shaqada ay hakiyeen laga bilaabo maanta oo isniin ah 29,8,2016.

Shaqaalaha garoonka diyaaradaha Muqdisho ayaa sheegay in shirkadda Turkiga laga leeyahay ee Favori ay diiday in ay bixiso mushaarka shaqaalaha.

Boqolaal katirsan shaqaalaha garoonka diyaaradaha ayaa lagu arkayaa iyagoo hor tuban garoonka, tallaaban ayaa imaanaysa xilli musuq maasuq daran uu hareeyay dhammaan hay’adda dowladda Federaalka.

Shaqaalaha ajaanibta ah ee ka howlgala garoonka diyaaradaha caasimadda ayaa lacago mushaar ah si joogta ah u qaatay halka kuwa soomaalidu ay dhaqaale la’aan la duruufaysanyihiin.

Shirkadaha Turkiga ayaa gacanta ku haya dekadda Muqdisho iyo garoonka diyaaradaha oo ah labada kaabe ee u dhaqaale badan dalka Soomaaliya.

Bankiga dhexe ee Muqdisho ayaa laga xaday lacago ku dhow hal milyan oo dollar halka wasiirka maaliyadda uu lacago badan lunsaday.

Xilligan kala guurka ah ayay kaabayaasha dhaqaalaha dalka gacanta ugu jiraan dowlado shisheeye iyo Xisbiga Damul Jadiid oo doonaya in markale uu hoggaanka u qabto Dowladda Federaalka.

Liibaan Jeexoow Cabdi