Ballan si hoose loowada galay oo leysaga baxay Dastuurku malagu xallin karaa?‏

 

32561477Maalmihii ugu dambeeyey waxaa aad loo hadal haayaa khilaafka soo kala dhexgalay Madaxwenaha iyo Raisal wasaaraha oo heerkii ugu xumaa gaaray. waxbadan ayaa la falanqeeyey oo wax laga yiri hase ahaatee waxaan lays weydiinin arin muhiim ah oo meesha kujiri karta.

 

Taasoo ah inay jiri karaan ballamo hoose oo dhexmaray Madaxweynaha iyo Raisalwasaaha waqtigii xulashada uu kujiray madaxweyne Xasan Shiikh ee uu soo doortay Cabdiweli Shiikh Axmed.

 

Sida ay dadka badankiisu maleyn karaan waxaa jirtay baa laleeyahay inuu madaxweynuhu xubnaha wasiirada ku darsaday dhowr wasiir oo xilal cayiman loo dhiibay oo ay dhici karto in lagu ballamay inaan raggaas laga taaban Madaxweynaha Raisal wasaaruhuna uu aqbalay oo ay sidaas raali isaga ahaayeen.

 

Sida loo badinaayo ragga dhinaca Madaxweynaha ka socday waxaa kamid ahaa wasiirkii hore ee arimaha gudaha Cabdikariim Guuleed iyo wasiirka hadda qalalaasuhu kabilowday ee dastuurka Faarax Cabdulqaadir.

 

Haddaba inkastoo ay jiraan arrimo kale oo dhowr ah oo inta badan hore looga faalleeyey inay sababeen isqab qabsiga madaxda sare haddana marna faallooyinkaas kuma aanan arag qodobkaan aan hadda halkaan kuqoray oo ah heshiiska hoose ee ay dhici karto in laysaga baxay.

 

Haddii uu arinkaasi jiro sidee qodobada Baarlabaanku iyo doodaha Xildhibaanadu ku xallin karaan khilaafka , mar haddaan xeer jajab lagu deyeyn?

 

Xaggee buuse kabaxay qodobkii Dastuuriga ahaa ee shalay murankii SAACID iyo Xasan Shiikh u ogolaaday in baarlabaanka la horgeeyo?

Mise xildhibaanada ayaan ahayn kuwii shalay gartaas galay ee saacid jagada ka qaaday? Guddoomiye Jawaari maxaa iska bedelay R/wasaare Saacid Shirdoon kadib?.

warbaahinta Soomaalida maxaa su,aalaha ku yareeyey??

 War jiraaba cakaaruu iman.

W/Q; Xagaleey.

10469770_597874013649838_2393164234511796223_n

Voice Of Somalia-Somali Leaks

WARBIXIN:-Xasan Sheekh oo Shaaciyay in aysan Wada Shaqeyn Karin Cabdi Wali Sheekh iyo Jawaari oo Khilaafka Kusoo Biiray.

32536908

Waxaa fashil iyo is mariwaa kusoo gaba gaboobay kulamo xasaasi lagu sheegay oo magaalada Mudisho ku dhaxmaray diblumaasiyiin ka socotay waxa loogu yeero beesha caalamka iyo hoggaanka DF-ka.

Wafdi uu hoggaaminayay safiirka Mareykanka eeSoomaaliya James P. McAnulty ayaa garoonka diyaaradaha Muqdisho kulamo kala gaargaar ah kula yeeshay Xasan Gurguurte iyo Cabdi Wali sheikh oo khilaaf daran udhaxeeyo.

Ilo wareedyo ayaa sheegaya in wafdiga caddaanka ah ay ku guuldareysteen in ay xal ka gaaraan khilaafka udhaxeeya madaxda DF-ka,Xasan Sheekh ayaa wafdiga caddaanka ah u xaqiijiyay in marnaba aysan wada shaqeyn Karin Cabdi Wali sheikh xalka gaarista khilaafka jirana ay udaynayaan dhanka baarlamaanka.

“mawada shaqeyn karno R/wasaaraha kala aragti duwanaashiyaha noo dhaxeeya aad buu u xoogganyahay sidaasi daraadeed waa in xalka aan udeyno hay’adaha dastuuriga”ayuu yiri Xasan Sheekh oo wafdi Mareykan ah lahadlayay.

Wararka ayaa intaasi ku daraya in Cabdi Wali sheikh uu wafdiga caddaanka ah ku dacweeyay Xasan Gurguurte oo uu ku eedeeyay in uu caqabad ku yahay golaha wasiirrada.

Dhinaca kale guddoomiyaha baarlamaanka Jawaari ayaa markii ugu horreysay khilaafka kusoo biiray,warar lagu kalsoonyahay ayaa sheegaya in Jawaari uu diidanyahay tallaabada Xasan Gurguurte uu ku dhisayo maamulka sedaxda gobol ee Baydhabo kaasi oo haddii Shariif Xasan Madaxweyne ka noqdo ay halis gelin karto kursiga Jawaari.

Guddoomiyaha baarlamaanka ayaa usii janjeersanaya dhanka R/wasaaraha inkasta oo uu ka cabsi qabo in haddii Cabdi Wali Sheekh daaqadda ka baxo uu xumaado xiriirka kala dhaxeeya Xasan Gurguurte oo loo badinayo in uu xilka sii heyn doono illaa 2016-ka.

Dowladaha sheedda ka maamula Soomaaliya ayaa ka walaacsan khilaafka ka dhax jira hoggaanka DF-ka waxayna dhinacyada is haya ku cadaadinayaan in ay wadashaqeeyaan.

MAQAAL:-Cabdi Cadde “Ninka Madaxa Xiiran Ma ogola in uu Gurguurte Ka Amar Qaato Khilaafku wuxuu ku dhammaan doonaa sidii Geedi iyo Yuusuf”.

32512982
SiyaasiyiintaiyowaxgaradkamagaaladaMuqdishoayaakahadlayisqab qabsiga markale soo kala dhax galay  madaxda kooxda Villa Somalia ee dabadhilifyada u ah shisheeyaha Soomaaliyakusooduulay.
CabdiCadde ookamid ahruugcadayaasha kudhaqanmagaaladaMuqdishoayaakhilaafkacusub eesoo kala dhaxgalay Gurguurte iyo C/WaliSheekh u arka mid  halis gelin kara jiritaanka waxuu ugu yeeray xukuumadda Kartoonka Villa Somalia.
“Waa wax lawada ogaa in dhabarka ay isku jeedin doonaan madaxda DF-ka sababtoo ah waxa isku keenay waa masaalix gaar ah ma ahan dan soomaaliyeed,maalmo ayay warbaahinta isku marin doonaan warar liddi isku ah kadibna waxaa kala xukmin doona madaxdooda oo uu ugu horreeyo N.Kay marka yaanan isku oomin ka hadalka kuwaan liita”ayuuyiriCabdiCadde.

Marka dib loo eego taariikhda DF-ka ee bishii October 2004 lagusoo dhisay xerada doofaareey ee duleedka magaalada Nairobi waxaa ku cad khilaafaad soo jireen ah oo soo kala dhaxgalay madaxweynaha iyo R/wasaaraha waxaana lafilayaa in madax ku sheegyadu ay kusii socdaan wadadii ay jeexeen Cali Geedi iyo Cabdullaahi Yuusuf!.

Qodobada ugu muhiimsan oo ay isku hayaan Gurguurte iyo Cabdi Wali Sheekh ayaa ah awoodda dhanka maamulidda golaha wasiirrada balse iskuma heystaan maamulidda dalka sababtoo ah iyaguba way ogyihiin in dal ay maamulaan uusan jirin.

“Ninka odayga ah ee madaxa xiiran ma ogola in uu wax uyeero xasan sheikh waxa kaliya oo ay isku hayaan waa maamulidda golaha wasiirada maadaama aysan jirin wadan ay maamulaan waxaan filayaa in wax ku dhammaan doonaan sidii Col.Yuusuf iyo Cali Geedi oo kale ama Shariif iyo Farmaajo”Cabdi Cadde.

32513046

Abuurista khilaafaadka waxaa ku lug leh qaar katirsan dowladaha gacanta ku haya DF-ka ee ciidamadoodu soomaaliya ku suganyihiin danta ay leeyihiin ayaa lagu sifeeyay helidda R/wasaara cusub oo ujeedooyinkooda fuliya.

Waxaa loo badinayaa in Cabdi Wali uu meesha ka bixi doono kadibna waxa beesha caalamka loogu yeero ay Nin kale keeni doonaan.

Shacabka soomaaliyeed ayaa isku raacsan in Hoggaamiyihii ugu liitay ee soo mara xukuumadda Villa Somalia uu yahay Xasan Sheekh marka dhan walba laga eego sida dabadhilifnimada,dadnimada waxaana Gurguurte lagu xusuustaa mawaaqiftiisii liidatay ee uu ka qaatay Xasuuqa shacabka Soomaalida ee xaafadda Islii iyo ciidanka gumeysiga Itoobiya oo uu ku tilmaamay walaalo shacabka soomaaliyeed leeyihiin sidoo kale kaabayaasha dhaqaalaka dalka ayuu shisheeye ugcan geliyay Tusaale ahaan Dekadda iyo Garoonka Muqdisho oo dowladda Turkigu maamusho!

 32512990
Voice Of Somalia-Somali Leaks.

 

XAGAL-DAACU WAA HALKEE:Ma Madaxweynahaa? Ma Raysalwasaarahaa? Ma Xildhibaanadaa? Ma Dastuurka? Mise Waa…?

32498442

Maalmihii u danbeeyey waxaa si weyn loo hadal hayey khilaafka u dhexeeyey Madaxweynaha Jamhuuriyadda Federaalka ah ee Soomaaliya Xasan Shiikh Maxamuud iyo Raysalwasaaraha xukuumadda Federaalka Cabdiweli Axmed Maxamed, inkasta oo khilaafku ahaa mid la hadal hayey bilihi u danbeeyey ayaa Madaxweynuhu noqdey ninkii u horeeyey ee afkiisa laga maqlo jiritaanka dhabnimada khilaafka mar uu waraysi siinaayey Idaacadda Codka Maraykanka.

Khilaafku ma ahan wax ceeb ah, kala aragti duwanaanshuhu waa wax rabbi ku uumey aadmigiisa, waxaana uu qur’aanka ku yiri “marna kama suulayaan in ay is khilaafaan”, Soomaalidu waxay ku maahmaahdaa carab iyo ilko ayaa isugu dhaw iyaguna waa is qaniinaan iyaga oo u soo xigta markii kuwa wada shaqeyn dhextaalo ay shaqada isku qabsadaan, Inkasta oo macnihii dowladnimo Soomaalidaba isaga yaraadey ayaa caalamku kuwada shaqeeyaa kala aragtid duwanaanshaha “let’s agree to disagree”, Imaam Xasanul Banaa ayaa laga sheegaa hadal ah “Aynu isugu kaalmeyno wixii aan isku waafaqsanahay, isla amrkaana isugu cudur-daarno wixii aan isku khilaafsanahay, Haddaba waxaa dad badan is weydiinayaa tan iyo Dowalddii ugu horeysey ee kumeel gaar ahayd ee lagu soo dhisey Carta Jabuuti ee uu Madaxweynaha ka aha Cabdiqaasim Salaad Xasan waxa hoggaamiyaashii Madaxweynaha loo doortey ay markasta luqunta isula galaan Raysalwasaarayaashii ay iyagu magacaabeen ee dastuurku siinaayey, maxaa loo waayey hal mid oo ay ku wada shaqeyn karaan waxa ay isku waafaqsan yihiin iyaga oo kala aragti duwan sidii Adan Cadde iyo Cabdirashiid 1960 -1964, Sidoo kale waxaa dadku is weydiinayaa Xildhibaanadu miyaaney ka xishoon waxa cauurtu ogtahay ee ah Mooshinka laga macaasho iyo in ay ka beensheegaan wixii ay u dhaartaan, hadbana la saftaan kii jebkiisu buuxo, goorma ayaa la arki doonaa Xildhibaanada oo ga-qaada khilaafkana xaliya iyaga oo aan mid meesha ka saarin.

Sidoo kale dad badan waxay su’aal ka qabaan Xildhibaanadu iyaga ayaa doortey Madaxweynaha ee shacab ma soo dooran, maxaa loo arki waayey Xildhibaanada oo dariiqa ku soo celiya madaxweynaha haddii uu ka baydho, haddii uu diidana xilkaba ka qaada sida dastuurku siinaayo.

Marka aan u soo noqono gunta khilaafka hadda dhexyaala Madaxweyne Xasan Shiikh iyo Raysalwasaare Cabdiweli Shiikh ayaa ah mid ka baacweyn sida loo maleynaayo, labada masuul ma dhexyaalo khilaaf weyn oo xalkiisu noqdo in mid buurta laga tuuro sida labadooduba sheegeen ee baroortu orgigaga ka weyn waxaa la isku hayaa masiirkii dadka iyo dalka Soomaaliyeed 2016 wixii ka danbeeya.

Hadii Madaxweyne Xasan Shiikh uu raadinaayo Raysalwasaare ka tarjumaaya talooyinkii horey loo siiyey kaas oo ka tanaasula dhamaan shaqooyinka iyo salaaxiyaadka dastuurku siinaayo wuxuu haysan lahaa Raysalwasarihii hayinka ahaa, hadalka macaanaa isla markaana shaqooyin badan oo uu lahaa oo dastuurku siinaayey uga harey Madaxweynaha ee Cabdi Faarax Shirdoon (Saacid), laakiin Xasan Shiikh waxa uu Saacid ku galay waxay ahayd in uu beesha caalamka oo dhabarka u sii jeedineysey soo jiito mar kale kalsoonina ka helo denbiyada iyo musq-maasqua dowladiisa loo tiiriyeyna uu dhabarka u saaro xukuumaddii Saacid.

Khilaafka hadda taagan waxaa saldhig u ah oo aan ku soo koobi karnaa afar qodob:

  1. Dastuurka Federaalka oo la doonaayo in wax badan laga beddelo ka hor 2016 loona diyaariyo in uu sugayo afti dadweyne, iyada oo meelaha sida weyn loo faro gelinaayo ay ka mid yihiin awoodaha Raysalwasaaraha iyo maamulada Gobolada.
  2. In la fashiliyo nidaamka Federaalka ah ee lagu heshiiyey.
  3. In hoos loo dhigo Awoodda Raysalwasaaraha, lana muujiyo qumanaanta Madaxweynaha markasta.
  4. Iyo in loo gogol xaaro sidii awoodda dalka loo sii haysan lahaa 2016 kadib, loona fashilin lahaa doorashooyin ka duwan kuwii hore in ay dhacaan

Dastuurka iyo wax ka beddelkiisa

Xerta Damul-jadiid ee ka agdhaw Madaxweynaha sida isaguba uu fadhi Telefishan ka qirtey waxaa kamid ah qorshayaashooda ugu weyn ee ka hor 2016 in dastuurka federaalka wax weyn laga beddelo ama dib loo wada qoro, waana sababta keentey in Wasaaradda Caddaaladda iyo Dastuurka la isugu daro Faarax Cabdulqaadir oo ah maskaxda Damul-jadiidka, Dastuurka hadda jira oo horey si dhuumaaleysi ah wax looga beddalay kii la isku ogaa, isla amrkaana ay ansixiyeen ergooyin lagu sheegey cod xanaabarayaal ayaa ah mid xerta Damul-jadiid ay u aragto mid dadka Soomaaliyeed korka looga keeney, una baahan in wax weyn laga beddalo.

Fashilinta Federaalka

Qorshaha labaad ayaa ah in la fashiliyo nidaamka Federaalka, lagu furo tawshiish, gobolo aan is qaadan karin la isku raro, kuwo hore maamulo uga tirsanaa kuwa kale loo soo wareejiyo taas oo abuureysa xasilooni darro, dagaal iyo khilaaf aan dhamaan, waxaana ay taasi soo dedejineysaa in dib loo dhigo nidaamka federaalka iyo dhismihiisi, iyada oo beesha caalamka la tusaayo sida nidaamka federaalka ee Soomaaliya uu  yahay BARIGA DHEXE waxaana tusaale fiican ugu filan Gobolka Mudug qorshihii ay u dejiyeen, waxaa dad badan is weydiinayaan in Raysalwasaare Cabdiweli Shiikh lagu maago gobolka Mudug ayuu kala jarey!!, Puntland waxay dhisneyd 17 sano, dadka Mudug dega ilaah ayaa is bedey laakiin waxaa la is weydiinayaa waxa beesha Koonfurta Mudug degtaa 1998 -2006 ay sugayeen oo Puntland wax ugu darsan waayeen taas oo ka talisa inta badan degmooyinka Mudug, Dowladda Federaalka ahse ma in maamul horey u jirey la dumiyo ayaa uga fududaatey in Waqooyiga Mudug loo soo wareejiyo Koonfurta Mudug oo ah maamul aanba jirin, arrimahaani waxay ifafaale u yihiin carqaladeynta nidaamka Fedeaarlka iyo duminta kuwii horey u jirey ka hor 2016, laakiin dadka Mudug degaa iyagaa toodii ka tashtey ogna sida xoolona uguwada daaqayaan ayna kuwada noolaan karaan sidii ay horey ugu noolaayeen.

Doorashooyinka 2016

Marka hore waxaa habboon in dhab ahaan loo fahmo Soomaaliya waa Qaran madaxbanaan, waxayse ku tiirsan tahay taageerada beesha caalamka gaar ahaan Qaranada Midoobey, Midowga Yurub iyo Maraykanka, waxay bixiyaan waxa ugu hooseeya ee ay ahayd in maamul qabsado oo ah musharaadka ciidamada iyo tababaradooda.

Qorshaha 2016 waxa uu ahaa barnaamijyada ugu waaweyn ee Dowladda Xasan Shiikh looga fadhiyey in dalka la xasiliyo, Dasuurka afti loo qaado, shacabkuna soo doorto Xildhibaanadii baarlamaanka  2016 markii u horeysey tan iyo sanadkii 1968. Xildhibaan taageersan qorshaha madaxweynaha  ee raysalwasaaraha looga takhalusayo  oo lagu magacaabo Xildhibaan Cali Nuur Boodaaye oo waraysi siiyey VOA ayaa sheegey in nidaamka 2016 ee doorashooyinka uu la mid yahay geedkii orodka lagu koray in orod  looga soo degaayo waxaana uu ku tilmaamey qorshe aan soconeyn, hadalka Mr. Boodaaye maaha mid uu keli ku yahay waxaa la qaba xera Damul-jadiid.

Wasaaradda Caddaaladda iyo Arrimaha Dasuurku waxay noqotey mid ciyaari karta doorweyn marka la eego isbeddelka dalka gelaayo 2016, waana midda keentey in Faarax Shiikh Cabdulqaadir oo kamid ah kaadiriintii Xisbigii Madaxweynaha iyo weliba maskaxda Damul-jadiid in laga soo wareejiyo Wasiiru Dowlaaha madaxtooyada oo la keeno Wasaaradda Caddaaladda iyo Dastuurka, kadib markii raysalwasare laga dhigey Cabdiweli Shiikh Axmed, Wasaaradda Caddaaladdu waxay noqotey hawlbowlaha isbbeddelkan. Dad ku dhaw Raysalwasaaraha waxay sheegayaan in Wasaaraddaasi noqotey mid isaga ka baxsan iyo xukumadiisaba toosna u hoostagta Xafiiska Madaxweynaha.

Xerta Damul-jadiid waxay qabaan sida Xildhibaan Cali Nuur Boodaaye in doorashooyin shacab aysan dhaceyn 2016 beddelkeedana ay noqon doonto sidii hore, waxaana doorkii ” Technical Selection Committee” ee sanadkii 2012 qaadanaya wasaaradda Caddaaladda iyo Arrimaha Dastuurka, tan ayaa wood u siineysa in ay awood ku yeeshaan baarlamaanka imaandoona 2016. taas oo awood u siineysa in awooodda dalka ay sii haysaan 2016 kadib.

Sida la yiraahdo Qiiq ma jireen haddaan dab la’aan, Raysalwasaruhu wuxuu dilaaciyey halkii u danbeysey waxaana uu sameeyey isku shaandheyn loogu danlahaa qaar kamid ah kaadiriinta Damul-jadiid ee fadhiyey Wasaaradda Caddaaladda, Arrimaha dibadda iyo Maaliyadda, waxaana uu fariin cad u direy beesha caalamka si indhaha loogu hayo waxa socda.

Raysalwsaare maqaar saar ah

Qodobka u danbeeya ayaa ah fulinta talooyinkii horey loo siiyey Madaxweynaha ee ahaa awoodda raysalwasuha.  waxaana ka mid ahaa sida uu daabacay Cabdi Caynte oo hore talooyin u siiyey Madaxweynaha.  Cabdi Caynte  ayaa ah Madaxa hay’ad ama machad (Think-Tank)oo loogu magacdaray (the Heritage Institute for Policy Studies (HIPS), hay’adan oo talooyin ka bixin doonta arrimaha siyaasada iyo go’aanada dowlada ayaa bishii Janaayo 2014 looga dhawaaqay magaalada Muqdisho. Hay’adan oo lagu tilmaamay midii ugu horeysay oo nooceeda ah oo Soomaaliya looga dhawaaqay.

Inta badan wadamada horumaray ayaa hay’adaha noocaan ah ee xog aruuriya ama loo yaqaan Think Tank badanaa dowladahooda talooyin kasiiya arrimaha siyaasada, waxaana aad looga yaqaan dalka Maraykanka oo uu horey usoo degenaan jiray Cabdi Caynte oo mar soo ahaa suxufi.

1- In Wax laga bedalo Dastuurka Federaalka Soomaaliya, isagoo qoraal dheer oo talo bixin ah oo uu Madaxweyne Xassan u qoray kula taliyey in Dastuurka Federaalka Soomaaliya uu yahay mid aan taageero ummada ka heysan isla markaana ay dusha ummada uga keeneen hogaamiyayaashii Dowladii hore ee Kumeelgaarka ahayd.

2- Taladiisa labaad ayaa ahayd in xilka Raysalwasaaraha uusoo magacaabayo uu noqdo mid awoodiisa ay kooban tahay oo aan faraha la gelin siyaasada sare ee dalka.
http://horseedmedia.net/2012/09/11/somalia-appointment-of-president-hassan-sheikh-mohamud-signals-change-and-challenges-by-abdi-aynte/

Inkasta oo Cabdi Caynte ay isaga qaldantey marka Madaxweynaha loogu yeerayo mid la doortey iyo marka kale ayuu u istcmaaley in aysan suurta gal ahayn Madaxweyne la doortey uu ka awood yaraado  Raysalwasaare isagu magacaabey, Madaxweynaha waxaa dooortey Xildhibaano la soo xuley oo aan la soo dooran ee ma aysan dooran Xildhibaano shacabku soo doorteen oo xanbaarsan codkii shacabka waana midda u diideysa in madaxweynuhu sifada uu siiyey leh., waana midda Qaramada Midoobey hambalyadii Xasan Shiikh Maxamuud 10.09.2012 ay u isticmaaleen  “Secretary-General Ban welcomes selection of new Somali president”

Dad badan ayaa aaminsan in Raysalwasaare Cabdiweli Axmed Maxamed uu ku noqdey madaxweynaha timirba laf kama fileyn, waxa uu dalka yimid isla maalintii lagu dhawaaqayey magaabistiisa waxaana uu ahaa nin ku cusub siyaasadda, Mooshinka ka dhanka ah waxa uu si toos ah dhabada ugu xaarayaa in la helo rasysalwasaare ku qanca in aanu faraha  gashan arrimaha sare ee Dowladda ee ku qanca magac keliya, iyada oo la fulinaayo talooyonkii horey loo siiyey Madaxweynaha, waana halka dastruuka ula booca leh loogu tukubaayo.

Haddaba waxaan dhihi karnaa khilaafku kama imaan isku shaandheyn xukuumadeed, kama imaan saraakiil la beddelo ee waxa uu salka ku hayaa talada dalka 2016 wixii ka danbeeya, iyo in meesha laga saaro nidaamka federeaalka ah ee in badan oo Soomaali ka mid ah ay xal u arkaan iyo wax dib la isugu aamini karo.

Maantey iyo shalay

Maantey waxaa Xamar ka socda wixii shalay ka socdey, odayaal gur-guuranaya oo goor-xun soconaaya, shirar aan kala joogsi lahayn iyo gor-gortan dhaqaale iyo awoodeed.

Xildhibaanadii 2012 wixii ka soo doogtey hillaac ayaa u baxay saxansaxo udgoona sanka ayey la raacayaan, isbeddel, wasiiro ama lacag ayaana muska u wada yaal, waxaase maanta ugu daran in Beesha caalamku indhaha ku hayso waxa dhacay, maxayse tahay fariinmta aan adduunka u direynyo kadib Mooshinkii Saacid sanadkii hore iyo kan hadda abaabulkiisi soo idlaadey? Soomaali sidaan ma ku sii wada joogi kartaa? Mise waa…

Hussein Farah

Voice Of Somali-Somali Leaks

32434807 (1)

Dagaalkii Villa Somalia oo u Wareegay Hoteelada Muqdisho

32442817

Iyadoo uu wali taagan yahay Khilaafkii u dhexeeyay Madaxweynaha Soomaaliya iyo Raiisal wasaarihiisa ayaa waxaa soo baxaya hardan dhanka xildhibaanada ah kaasoo dhinac waliba uu doonayo inuu helo xildhibaano badan oo taageera fakarkiisa.

Xiisadda ugu badan waxaa ay ka taagneyd Xarunta madaxtooyada ee Villa Somalia balse hadda wax weyn ayaa arrintaasi iska baddalay kaddib markii hotelada Muqdisho gaar ahaan kuwooda ugu waaweyn ay noqdeen barta uu ka dhaco gorgortanka siyaasadeed ee dhinacyada is haya .

Madaxweynaha Soomaaliya ayaa lagu waramayaa in xildhibanada taageersan fakarkiisa ay gaarayaan illaa 150 xildhibaan halka dhinaca kalena xildhibaanada taageersan Raiisal wasaaarha ay iyaguna haatan marayaan illaa 50 xildhibaan iyadoona aad mooddo in xildhibaanada taageeraya raiisal wasaaruhu ay labadi maalin ee ugu dambeysay isa soo tareen.

Warar lagu kalsoonyahay oo  la helayo ayaa sheegaya in xildhibaano badan ay maalmihii ugu dambeeyay magaalada Muqdisho dib ugu laabteen kuwaasoo doonaya in ay dhinacooda kala saftaan dhinacyada khilaafku ka dhexeeyo.

Hotel Xayaad  ee ku yaala agagaarka KM4  ee magaalada Muqdisho ayaa  lagu soo waramayaa in ay ku shireen oo ay isugu tageen  Xildhibaanada taageersan Raiisal wasaaraha .

Warar isi soo taraya oo laga helayo aqalka madaxtooyada ayaa ku warramaya in ergayga gaarka ah ee Qaramadda Midoobay ugu qeybsan arrimaha Soomaaliya, Nicholas Kay uu weli isku dayayo xal u helidda muranka siyaasaddeed ee soo kala dhexgelay madaxda sare, kuwaasoo khilaafkoodu markale sii xooggeystay kaddib isku shaandhayn lagu sameeyay golaha wasiiradda qaarkood waxaana isku beddelkaasi dhinaca xilalka ah uu saamayn ku yeeshay ku dhowaad 10 xubnood oo isugu jira wasiiro, wasiiru-dawlayaal iyo wasiiro ku xigeenno dhammaantood ka wada tirsan xukuumadda imminka jirta ee uu hoggaaminayo ra’iisulwasaare Cabdiweli Sheekh Axmed, hase ahaatee lagu tiriyo xulafo dhow oo uu lee yahay madaxweyne Xasan Sheekh Maxamuud.

Dhinaca kale, Midowga Afrika oo inta badan ku lug leh soo celinta nabadda iyo xasillinta waddanka Soomaaliya ayaa si cad ugu taabtay labada masuul ee muransan in ugu yaraan xalku noqdo “gacmo geel jire hoos loo dhaqay”, taasoo shacabka uga dhigan shuushoow bax.

Soomaaliya oo aan la hayn dawlad si rasmi ah u shaqaysa muddo ka badan 20 sanno ayey caado u tahay cilaaqtamiddu cidkastoo la ciirsado!

Si kastaba ma ahan arrin cusub in markasta oo dhaca Khilaaf xildhibanadu ku yaacaan hoteelada si markaasi loo diyaariyo mooshin mana ahan waxa ku cusub dhagaha shacabka Soomaaliyeed , (Habar dhali weyday aleelo ku waalatay !!!! )balse waxanoo dhami waa wax shacabku ka dheregsan yahay isla markaana  sii caddeyneysa sida madaxda Soomaalidu wali aanay daacad uga  ahayn in dalka iyo dadkuba dhibaatada ka baxaan .

Beer-lula Haji

maxaadhacay.net

t_770570004pizapw1414665687

Voice Of Somalia-Somali Leaks.

RAFASHADA SIYAASADEED. W/Q CABDI SHAKUUR MIRE.

 

32425909 (1)

Ma sah-lana in la saadaaliyo halka ay ku gabagaboobi karto ciyaarta siyaasadeeda xilligan ka socotay Muqdisho. Heer kulka magaalada ayaa maalmahan jawi ahaan aad u kululaa. Waa u dhaqan xilligan oo kale kulaylkaasi Muqdisho. Hase ahaatee waxaa intaas dheer jabaqda ka soo yeeraysa Villa Somalia.

Waxaa aad u muuqda is -herdiga siyaasadeed ee Madaxweynaha la doortay Xasan Sheekh Maxamuud iyo Ra’isul wasaaraha Cabdiweli Sheekh Axmed oo uu magacaabayMadaxweynuhu. Maxaa khaldan? Muxuu muranka iyo khilaafka la sheegayaa salka ku hayaa….Maxaa la isku hayaa?

 

Waxaa muuqda in wax badan oo aan laga war-haynin jiraan. Ma heshiiskoodii hore ayaa labadan nin xumaa..? Boowe maxaa kuu baxay? Warde Belo.. Miyaan dhahnaa? Now Now… iska eeg miyaa xaalku … Mise Areey si quman isaga daymoo? Mise sidii Maki Xaaji banaadir ayaan dhahnaa Bacdaa dhuuqso…?

 

Ra’isul Wasaare Cabdiweli Sheekh Axmed kolkuu ka soo rakaabsanayey diyaaradii uu u soo raacay Muqdisho ee hamiga ah inuu soo doonto jagada uu caawa ku fadhiyo muxuu niyada iska lahaa? Siyaasada qof waliba si ayuu ku soo galaa ma ahan wax si sahlan lagu helo awooda hogaamintu. Qof surun iyo wado dheer ayuu u soo maraa, waa loo soo rafaadaa…. Maal iyo maskax badan ayaa loo huraa.. Ogow e ciyaar ciyaar laguma helo.. Ragga qaarkiis dhiig ayeyba u daadshaan  wali

Laakiin la kala nasiib badan…. Cabdiweli Sheekh Axmed si fudud ayuu ku helay isagoo ahaa shaqsi aan hore looga baran masraxa siyaasada.. Wax qarash ama dhaqaale ah oo ka badan tigidhkii diyaarada uu ku yimid Jeda/ Sacuudiga ugama bixin siduu kursigaas ku heli lahaa……

 

Kooxda Dam-Jadiid ha ku sooo xushaan Cabdiweli Sheekh Axmed inay ku fogeeyaan dad kale oo ay colaad siyaasadeed u hayeen amaba si kale wax ha isu tusiyaane qalinkoodii ayaa wuxuu qoray Cabdiweli Sheekh Axmed. Markaas ayey ku baraarugeen Qalwadii mas ayaa galay….

Durba waa la is qaniinay. Waxa ugu badan oo la isku hayey ayaa ahayd qaabka loo gaarayo higsadka 2016.

Madaxweyne Xasan Sheekh iyo ragiisii waxay noqdeen gacan ku gabad. Wasiirkii Amniga waa is casilay kolkii wadna qabad uu ku noqday amnigii waxba lagama qaban….

Waxaa laga Tashan Madaxweynaha oo dhanka Cabdiweli Sheekh Axmed ka timid magcaabidii wasiirada banaanaa magcaabidooda.. Weli waa dhaban hays kooxdii Dam-Jadiid waxaana dhan walba ka hafiyey duufaanta rafashada siyaasada ee qoomamadoodii noqtay Saacidkaygii maxaa nagu diray oo aan booska uga qaadnay. Beesha Caalamka ayaa wadna goysay Xasan Sheekh Madaxweynaha Soomaaliya, waxaana dhinac walba ka daqray khaladaadka siyaasadeed ee uu ku raftay.

Waxaa xilkii laga qaaday Taliyaashii nabadsugida iyo Booliska , maalmo ka dib waxaa la eryey Taliyihii Nabadsugid ee cusbaa….

 

Madaxweyne Xasan Shiikh[/caption]Dharbaaxa siyaasadeed oo daaduumisay Madaxweyne Xasan Sheekh iyo Dam-Jadiid oo xiligii doorashada ka soo adkaaday rag badan oo siyaasada kula tartamayey ayaa indhaha kaga keentay hoor ilmo ka soo qubatay, kuwaas oo maal iyo maskaxba geliyey siday u helilahaayeen madaxnimaa dalka……

 

Dabaalato biyaha hoosteeda ayey iska aragtaa waa la isku maqnaa .. waase la wada socday.

SIYAASADDA QOBKA MOOSKA.

Siyaasada dibirta badan waxay ahayd mid la isku gaad gaadayo…. safarkii Ra’isulwasaare Cabdiweli Sheekh ee uu Puntland ku tegey tuhun ayaa ka dhashay.. Waa la isu khuurinayey, Xasan Sheekh iyo ragiisa waxaa ku taagnaa waxa loo yaqaan New Deal….. Cabdiweli Sheekh waxaa isagana ku taagnaa goormaa mindida lagu saari doonaa. Wuxuu ahaa mid u nuglaaday siyaasada qobka mooska la isu dhigayey.. Gabgabadiinaa wuxuu qaatay go’aanka ah inuu isku shaandhayn sameeyo si uu usha xaska ugu dhifto ha ka soo baxaane waxa ku jirey… Oo uu aaminsanaa markuu waxyaabo badan isu geys-geystay inuu madaxa goyn karo maska ka soo baxaya xaska ama jabadka uu usha ku garaacay.

durbadiiba waxaa diiday Madaxweyne Xasan Sheekh go’aanka uu qaatay Ra’isulwasaarihii uu gacantiisa ku magacaabay…. Rafashada siyaasada ayaa bilaabatay… danta ayaa dhahaysa in la isla aado Barlamaanka oo ah goobta lagu kala baxo rafasha siyaasadeed kasta oo timaada…. Waa fagaare Allow Ninkii Roon Reerka u reeb.

BAL DADYOHOW ADUUNKA
LABADII IS DOORTAA
ISU DAACAD MA AHOO
IYAGAA IS DILAYAAA

Waxaa qoray Abdishakur Mire.

10553425_10205150277902524_5026754068333058751_n

VIDEO:-Xasan iyo Cabdi Wali Sheekh oo Xiriirkii Shakhsiyadeed isku Jaray!

32425522

Waxaa sii xoogeystay khilaafka u dhaxeeya madaxda DF-ka ee gumeystaha la shaqeysa,Cabdi Wali Sheekh iyo Xasan Sheekh  ayaa la sheegay in xiriirkii ka dhaxeeyay uu jarmay waxa kaliya ee labadan Nin ay iskula xariiraan ayaa ah wasiirro kala taabacsan oo muwaaqiftooda ukala gudbiya.

Ilo wareedyo lagu kalsoonyahay ayaa sheegaya in Xasan Sheekh  uu amar kusiiyay saraakiisha ciidanka Nabad sugidda in ay xabsiga dhigaan odayaasha dhaqanka ee taabacsan Cabdi Wali haddii ay isku dayaan in ay kulamo ku yeeshaan hoteelada Muqdisho.

N.Kay xaakimka madaniga ah ee gumeystaha caddaanka ah uqaabilsan maamulidda Soomaaliya ayaa ku guuldareystay dhax-dhaxaadin uu ku doonayay in uu isugusoo dhaweeyo dhinacyada.

Hoos Ka Daawo Warbixin Telefeshinka Al Jaziira uu ka diyaariyay Khilaafka soo jireenka ah ee cumalada Villa Somalia.

Voice Of Somalia-Somali Leaks.

BARAAWE:-Diyaarad Siday Xasan Sheekh oo si dirqi ah ku Badbaaday

32283648

Ilo wareedyo ku sugan degmada Baraawe ayaa u xaqiijiyay warbaahinta in tiro madaafiic ah lala beegsaday diyaarad siday madaxweynaha dowladda federaalka oo dooneysay iney ka degto garoonka diyaaradaha degmada Baraawe ee gobalka Sh/hoose.

Diyaarada siday Xasan Sheekh ayaa si dirqi ah kaga badbaaday madaafiicda ka dhacda Lidka diyaaradaha oo XSHM ,Qalqal xoogan oo soo wajahay diyaaradda waxey u carartay dhanka Badda waxeyna ugu dambeyntii ku degtay fagaaraha Tabuuk’waxaana sidoo kale qalqal iyo cabsi xoogan soo wajahday   Xasan Sheekh iyo xubnaha la socday.

Waxaa iska cad in aan waxba  in guushii ay sheegteen amisom iyo Maleeshiyo beeleedka Dowladda ay tahay mid aan dhamaystireen maadama aysan waxba ka qaban karin weerada ka yimaada XSHM,waxaa kale oo la wada ogyahay inaysan soo qaban hal wiil iyo qorigiisa,taaso ah guuldarada haysa kuwa soo duulay.

 

 

Wixii ka soo kordha la soco.

Voice Of Somalia-Somali Leaks.

FAALLO;-Maxay ku kala duwanyihiin Aala Sheekh iyo Damul-Jadiid?

32241196

Waxaan sahmiyay 11-ka Qodob ee ugu muhiimsan oo kooxdii hore ee Sheekh Shariif ee ‘Aala Sheekh’ ay uga fiicanyihiin kooxda ‘DamJadiid’ ee Xasan Sheekh.

 

1 – Kooxda DamJadiid waxay dalka ku soo hoggaamiyeen ciidanka Tigreega Itoobiya, oo aan oggoleyn jiritaankeena dadnimo, diin ahaan iyo dhul intaba, waxay noo badasheen koofida ciidan, howlgalkooduna waa dil iyo xirig, halka Kooxda Aala Sheekh iyagoo kaashana Soomaali oo idil ay wadanka xabad iyo wada hadal uga saareen ciidanka Itoobiya oo 2006 nagu soo duulay. Itoobiyaanku waxay dileen dad muwaadiniin Soomaaliyeed oo kor u dhaafaya 30,000, waxay dhac iyo bur-bur u geysteen hanti Soomaaliyeed oo lagu kor u dhaafeysa 3 bilyan oo dollar.

 

2 – Kooxda DamJadiid haba yaraatee wax macaamiil ah lama lahan shacabka Soomaaliyeed, taasina waa midda keentay dib u dhaca siyaasadeed, amni, dhaqaale iyo nololeed, halka kooxda Aala Sheekh ay ka war hayeen shacabka iyo halka xaaladiisu mareyso, isla markaana oggolaa in lagala doodo masiirka iyo mustaqbalka dalka, xiriir toos ahna la lahaa muwaadiniinta dal iyo dibad.

 

3 – Kooxda DamJadiid iyo madaxweynahoodu waxay si gaaban u fahmeen dowladnimada, eeg waxa ka socda Madaxtooyada, madaxweynuhu wuxuu isku soo wareejiyay rag ku heyb ah, oo hadana ku xisbi ah, laga soo billaabo qolada nadaafadda u qaabilsan madaxtooyada ilaa agaasimaha madaxtooyada waa hal qolo, halka kooxda Aala Shekh ay ahaayeen dad Soomaali oo idil ka kooban, waxaan u soo joogay madaxweyne Sheekh Shariif oo Turjubaankiisa, agaasimihiisa madaxtooyada, xogheyntiisa gaarka ah, la taliyaashiisa iyo dadka sirta madaxtooyada haya ay ahaayeen Soomaaliweyn isku dhafan, halka Xasan SHeekh uu isku badashay agaasimayaal midna wiilkiiisa yahay, midna aanu ka dheereyn.

 

4 -. Kooxda DamJadiid waxay aaminsantahay in dadka fikikooda heysta ama xisbigooda ka mid ah maahane inta kale ay rooti yihiin, ma jirto qof ay u roon yihiin, eeg sida ay bannanka u dhigeen dadkii wax qabadka heybadda iyo kartida u lahaa ee Saacid, Tarzan, Mayan Qaasim, Fiqi, Yusra Abraar, General Diini, Shariif Sheekhunaa iyo muwaadinin kale oo xirfadleyaal ahaa.

 

5 – Kooxda DamJadiid uma qorna qorshe waqti dheer ah oo ay ummada Soomaaliyed uga saari lahaayeen dhibaatada ay ku jirto, laakiin sida muuqata waxaa waqtigooda dheer uu hada yahay sidii ay 2016 ku soo noqon lahaayeen oo kaliya, taasna hadda ayay qorshaheeda ku jiraan, waxay wasiirka dastuurka iyo cadaaladda ka dhigeen Faarax Cabdulqaadir oo diyaarinaya qorshe cusub oo ah in afka laga sheego in doorashada soo socota ay dadku codeyn doonaan, laakiin xaqiqadu ay tahay in dabayaaqada sanadka ay ku dhawaaqaan inaan doorasho nuucaas ah aysan dhici karin markaasna ay diyaariyaan tiisa hadda ay ku guuleysteen oo kale, taas oo sida la aaminsanyahay aheyd iibsi madaxweyne, halka kooxdii Sheekh Shariif ay fikir intaas ka ballaaran oo wadaniyadeed ay ku jirtay qorshayaashooda hore ee xilliga dheer. FG: Shaki ayaa ku jira inayba gaari doonaan 2016.

 

6 – Kooxda DamJadiid waxay dalka uga faa’iideyn waayeen fursada ay heystaan oo ah dowladnimo buuxda oo codkeedu shaqeynayo, waxay kasban waayeen aaminaadii caalamka, waxay meel marsiin waayeen soo xero galinta dhaqaalihii ay wadadiisa diyariyeen kooxdii Sheekh Shariif, sida The New Deal oo ka dhashay shirkii 1-aad ee London February 2012. Sidoo kale waxaa halis ku jira taageeradii walaalaha kaliya ee Soomaaliyeed ee Turkey.

 

7 – Kooxda DamJadiid waxay dayaceen dalka iyo dadka, waxayna na galiyeen baqdin ah in Soomaaliya ay ka baxdo qariiradda caalamka, waayo markii aad aragtid Sawaaxiliga Kenya ee Kukukuuyada ah oo Qunsul u magacaabaya qeyb ka mid ah dalka, Xarifgii qunsulkii iyo muwaadiniintii Soomaaliyeed ee Islii, Casuumaadii Itoobiya ee C/weli Gaas ee shirkii madaxda geeska Africa, iyo midnimada dalka oo gabaabsi sii mareys, intaas oo dhan markii aad qiimeyso waxaa ku galaya cabsi weyn oo DamJadiid masuul ka yihiin.

 

8 – Nolosha qofka Soomaaliga ah ee maanta waxay mareysaa meel halis ah, sicir bararka, ammaan la’aanta, abaaraha, biyo la’aanta, abaaraha, raashin yarida iyo colaaduhu waxay saameeyeen guud ahaan qof kasta, Maanta kiishka sokorta ah wuxuu Muqdisho ka joogaa 35 dollar, halka gobolada qaarna uu laba u jibaar lacagtaas marayo, si looga baxo musiibooyinkaas oo dhan DamJadiid kuma jiro fikir is badal ah qiiro wadaniyadeed.

 

9 – Dhismaha CIidan Qaran, hey’ado dowladeed oo shaqeeyn kara, adeeg bulshada la gaarsiiyo iyo dhaqaalah dalka oo la soo kabo waxay ahaayeen qorshihii ay suuqa ku soo galeen DamJadiid, hase ahaatee waxay ku biya shubteen dhinaca kale ee liddiga ku ah.

 

10 – Dhaqaalaha dalka Intiisa ugu badan waxay ka soo xaroodan Dekadda iyo Garoonka Muqdisho, ma jirto hanti ka laga helo Boosaaso, Gaalkacyo, Kismaayo iyo Bar-bara midna, taas badalkeeda waxay kooxda DamJadiid ay si doodi ka dhalan karto ugu ciyaareen dhaqaalaha dalka, eeg Madaxweyne Xasan Sheekh wuxuu safray 42 goor muddo 20 bilood ah, halka madaxweynaha dunida ugu xoogga badan ee Obama uu sameeyay 39 socdaal muddo 65 bilood ah. Waxaa xusid mudan in kooxdii Sheekh Shariif ee Aala Sheekh ay iyagu fureen Dekada iyo Garoonka sanadkii 2006, kuwaas oo xirnaa muddo 16 sanadood ah.

 

11 – Iyo Ugu dambeyntii Kooxda Aaala sheikh waxay qolada xilligan ee DamJadiid uga wanaagsanaayeen xagga wacyiga iyo soo jiidashada dadka, Sheekh Shariif wuxuu ahaa madaxweyne Aftahan ah oo hadana ku darsaday in marka uu hadlayo uu khudbadiisa ku soo daro quraan iyo axaadiith wacdi ah, waxaa ku jiray ama taageersanaa fikirka Aala Sheekhnimada culimo iyo rag badan sida Allaha u naxariistee Cadow iyo Waayeel iyo Janaqoow, Cabdulqaadir Cali Cumar, Yusuf Caynte iyo Xasan Daahir iyo Mukhtaar Rooboow oo markii dambe argagixiso noqday iyo rag kale oo badan, hase ahaatee weli dhagaheygu kuma soo dhicin Xasan Sheekh iyo Kooxdiisa oo hadaladooda ay ku jiraan quraan, axaadiith iyo wacdi midna!!!.

 

W/Q: Farah Blue

 

Voice Of Somalia-Somali Leaks.

 

Mooshin ka dhan ah Ra’isulwasaare Cabdiweli iyo Dowladdiisa oo Baarlammaanka la horgeynayo!

32190857

Xildhibaanno ka tirsan Baarlammaanka Soomaaliya ayaa waxa ay diyaarinayaan Mooshin ka dhan ah Ra’isulwasaaraha Soomaaliya iyo Xukuumaddiisa, Waxana sida la sheegay Mooshinkan dabada ka riixaya Guddiyada joogtada ah ee Baarlammaanka qaar kamid ah.
Guddiiyada joogtada ah ee Baarlammaanka ayaa ku doodaya in Ra’isulwasaruhu uu afkiisa ka qirtay in
Xukmuumaddiisu ay sharciga jebisay meelna kaga dhacday, Maadaama ay Wasiirradiisa qaar kamid ah Heshiisyo aan Baarlammaanka la horkeenin la saxiixdeen Shirkado shisheeye kuwaasoo lagu wareejiyey qeybo kamid ah Hantida qaranka.
“Baalammaanku waa inuu Tallaabada ku habboon ka qaadaa Xukuumadda Ra’isulwasaare Cabdiweli maadaama ay jebisay Dastuurkii Waddanka, Islamarkaana uu Ra’isulwasaaruhu afkiisa ka qirtay in ay meel kaga dheceen oo ay garab mareen Dastuurka” Ayey yiraahdeen qaar kamid ah Guddiyada joogtada ah ee Baarlammaanka ee Mooshinka diyaariyey
Mooshinkan cusub ayaa kusoo aadaya Xilli Guddoomiyaha Baarlammaanka uu maalmo kahor si adag uga hadlay Shirkad Turki ah oo lagu wareejiyey Dekedda Muqdisho iyadoo aanan heshiiska shirkaddaas lala galay lasoo marsiinin Baarlammaanka. Ra’isulwasare Cabdiweli Sheekh oo Baarlammaanka looga yeeray lana weeydiiyey Heshiiskaasna waxa uu qiray qaladkaas in uu galay Wasiirkiisa Dekedaha Maadaama Isagoo maqan Dekedda la wareejiyey Baarlammaankana anan la marsiinin.
Arrintu si kastaba ha’ahaatee waxa laga dhursugayaa Baarlammaanka Soomaaliya oo qudhiisa sida la sheegay u kala jaban 2 qeybood, Waxana arrintani ay sida muuqata dab kusiishideysaa qilaafka baaxadda weyn ee u dhexeeya  Xassan Sheekh iyo  Cabdiweli.

Voice Of  Somalia-Banaadir Post

 

Xoolaha Qaranka Ma Lagu Xajin Karaa? Xasan Sheekh oo Diyaarad Khaas ah u Kireystay Xajka.

32185284

Xasan Sheekh Maxamuud ayaa shaley u ambabaxay dalka Sacuudi Carabiya, halkaasoo u tagayo gudashada Xajka ee sanadkan.

Madaxweynaha oo ay wehliyeen Ra’iisul Wasaare kuxigeenka ahna Wasiirka Diinta iyo Awqaafta, xubno ka tirsan Labada gole ee dowladda, ayaa diyaarad gaar ah ka qaaday garoonka diyaaradaha Aadan Cadde.

In madaxweyne Xasan diyaarad khaas ah uu kireysto Xajka ayaa la is weydiiyey su’aalaha soo socda:

Madaxweynaha ma isaga ayaa shaqeystay lacagta lagu kireynayo diyaarada khaaska ah?

Ma lagu xajin karaa hanti qaran oo Somalia oo dhan ka dhexeyso?

32185278

Muwaadinka caadiga ah ee Soomaaliyeed mushaarka uu helo ma u gooyaa in diyaarad khaas ah uu Sacuudiga ugu kireysto?

Dadka ku nool gobolada Somalia gaar ahaan gobolada Gedo iyo Bakool waxay u dhamaanayaan gaajo iyo biyo la’aan, dhaqaalihii loogu tala galay waxaa ku takri falaayo madaxda dowladda Somalia.

x2

x1

LAGA SOIO XIGTAY MARKACADEY.COM

32185281

Voice Of Somalia-Banaadir Post

Xasan Sheekh oo Sheegay in Khilaaf aan Qarsoonayn uu kala Dhaxeeyo Cabdi Wali Sheekh.

32146408 (1)

Hoggaamiyaha dowladda Federaalka Xasan Sheekh Maxamuud ayaa xaqiijiyay in khilaaf qota dheer uu udhaxeeyo isaga iyo R/wasaarihiisa Cabdi Wali Sheekh.

Isagoo wareysi siinayay idaacadda ku hadasha codka Mareykanka qeybta Soomaaliya ayuu sheegay in xamasho iyo fara kutaag tag uu ka dhaxeeyo isaga iyo Cabdi Wali Sheekh.

“Waxaan aaminsanay in kala fikir duwanaanta hadda jirta aysan noqon karin mid lagu jabo oo dowladnimadu u burburto oo ay dhibaato ka dhacdo aysan noqon. Shalay waa la kala ra’yi duwanaa, maanta waa la kala ra’yi duwan yahay, berrina waa la kala ra’yi duwanaan karaa, umana arko anigu inuu jirto walwal weyn. Waan kala duwannahay ama annagoo kala duwan ayaan wada-shaqeynaynaa ama kala duwanaashaha waxaan ku dhameys-tiraynaa dhaqanka Soomaaliyeed ee suubban iyo xeerarka uu dalkeennu leeyahay” ayuu yiri Xasan Sheekh Maxamud.

Khilaafka hoggaanka DF-ka ayaa ahaa soo jireen waxaana xusid mudan in Xasan Sheekh uu horay u Eryay Saacid Shirdoon oo lagu tiriyo R/wasaarihii ugu doqonsanaa ee soo maray Kooxda Villa Somalia ee shisheeyuhu u shaqeeyo.

32150527

Voice Of Somalia-Banaadir Post

Xassan Sheekh “Sannadka 2016 ka Soomaalida waan mideynaynaa”

32146408

Xassan Sheekh ayaa Qudbaddii uu ka jeediyey golaha Qaramada Midoobay ee NY, Waxa uu ku sheegay in dowladdiisu ay dagaal ugu jirto sidii ay amniga u xaqijin lahayd una tirtiri lahayd fikirka Al-shabaab, isagoo sii raaciyay intaas in caalamku uu arki doono Soomaaliya oo midowday marka la gaaro sannadka 2016-ka.
Waxaan caalamka u sheegayaa in Soomaaliya uu u ifayo mustaqbalfiican, uuna dalku ku socdo sidii Qaran mid ah loo heli lahaa. Waxaadna arki doontaan Soomaaliya oo ah mid marka la gaarso sannadka 2016-ka,” ayuu   Xassan Sheekh ku yiri khubaddii uu ka jeediyay shirka 69-aad ee Qaramada Midoobay!!.
Sidoo kale, Xassan Sheekh   wuxuu sheegay in dowladda federaalka ah ay qaadday tallaabooyin la taaban karo oo ay ka qaybqaateen dhammaan shacabka Soomaaliyeed. “Guulaha aan gaarnay waxay u baahan yihiin taageero aan ka helno dunida, balse intii aan qabannay oo dhan waa mid ku timid isku-tashiga shacabka Soomaaliyeed,” ayuu hadalkiisa raaciyay Xassan Sheekh.

<iframe frameborder=”0″ width=”480″ height=”270″ scrolling=”no” src=”https://link.brightcove.com/services/player/bcpid1722935254001/?bctid=3808740892001&autoStart=false&secureConnections=true&width=480&height=270&#8243; >

32141201

Voice Of Somalia-Banaadir Post

 

 

Khariidadda Cusub ee Federalismka Danjire Nicholas Kay iyo Madaxweyne Xasan Sheekh maxay dhali doontaa ?

32079915

Sida hadda muuqata Wakiilka Qarammada Midoobay u qaabislan Soomaaliya Danjire Nicholas kay wuxuu bilaabay qorshihiisii runta ahaa iyo shaqadiisii waajibaadkiisa ku salaysnaa, wax lala yaabo ma aha in dhaqanka xididaystay ee Gumaystuhu uu maalinkii la joogaba la soo baxo gado ama tabo hor leh oo ku salaysan sharciyo iyo nidaamyo magacyo qur quruxsan oo guntoodu ay tahay midda aan is bedelin ee aan weligeen naqaanay oo ahayd in ummad laysku diro, in dal mid kale lagu diro si dano siyaasadeed ama dhaqaale looga fushado.

Nin innagu cusub ma aha Ninka reer Ingiriis ee la yiraahdo Nicholas Kay, shalay buu innagu soo duulay dalka uu u dhashey ee Ingiriiska, maantuu duulaan yahay, berrina waan sugaynaa, waxaas oo dhan dhib innaguma hayaan laakiin dhibka u weyn ee ina haysta waa inaanan baran reer ingiriis. bal u fiirso marxaladaha uu dalka soo maray intii uu burburka dhacay, waxaan soo marnay markii dagaalladii ugu horeysay marxalad layna tijaabinayay, oo dunida ay is weydiinaysay aan sugno oo aan fahamno meesha ay wax u wadaan iyo waxa ay rabaan, waxaa la fahmi waayay ujeeddada colaadaha ina dhex yaala, waxaan soo marnay marxalad laynala kala saftay oo laysku kaaya qabsaday, Marxalad hubka lacag la’aan laynagu wada siinayay, waxaan soo marnay marxalad laynoo qaybiyay beelo 4.5 oo wali ilaa iyo hadda aan dhex taagannahay si aan uga gudubnana aan garan la’nahay ilaa ma ahan nidaam siyaasadeed iyo mid ummad lagu maamulo midna, laakiin waa mid annaga laynagu lugoynayay markaan sidii bini aadankii wax kasta oo talo ah isku af garan waynay.

Waxaas oo dhan waxaa ka sii daran in maalin kasta laynoo helo mid Soomaali ah oo dantiisa yaqaan ah, oo baaba’eenna loo adeegsado, waxaan aad u xasuusnahay in Nuur Xasan Xuseen (Nuur-Cadde) Ra’iisal ra’iisal wazaarihii 2aad ee xilligii ku-meel gaarka uu isagu bilaabay dano gaar ah inuu u maro magaca uu huwanyahay, xataa mararka qaarkood sida dhacda qof baa garta inuu dantii guud wax un u xeeriyo, laakiin mucjizada aan wali xasuusnahay waxay tahay in Nuur uusan haba yaraatee waxba u xeerin xilkii uu ummadda u hayay, wixii markaas ka dambeeyay mas’uuliyiintii imaanayay ee ama la soo doortay ama qabtay xilka Ra’isal wazaaraha waxay xilka ugu dhaqmayeen sidii ay tahay fursad lagu danaysto. Madaxweyne Xasan Sheekh Max’ud, ayaa isagu hadda ah ninkii 2aad ee noocii Nuur cadde saan saantii iyo habkii oo kalana ku shaqaynaya, waxaadna garan kartaa magaacaabistii Ra’iisal wazaarihiisii hore Cabdi Faarax Shir-Doon (Saacid)….marka aad intaas aad u fahamsantahay waxaad si dhib yar u garan kartaa qorshaha uu wato Nicholas Kay iyo danta yar ee aan loo talo badsan ee uu Xasan Sheekh Max’ud ku fekeray, waxaa soo baxaya qorshayaasha hadda socda ee la rabo in lagu saleeyo sida ay gobollada federal-ka isu raacayaan inuu wato Nicholas Kay Wakiilka Qarrammada Midoobay ee Soomaaliya oo u dhashey Dalka Ingiriiska.

Qorshaha Nicholas Kay oo door biday in federal-ka Soomaaliya uu ku dhismo waa mid iska cad, shaki iigama jiro in Xasan Sheekh Max’uud uu arrintaas aad u fahamsanyahay laakiin uu ka raacday dantiisa gaarka ah oo ah in awoodda iyo tallada inteeda badan ay isaga gacantiisa ku soo ururto, sida hadda muuqatana talada dalkaba isaga keliya ayeey gacantiisa ku soo uruurtay.
Waxaa meel layska dhigay oo uu inkiray ergayga Qarmmada Midoobay wakiilka uga ah arrimaha Soomaaliya Nicholas Kay dhammaan arrimihii ay ku heshiiyeen dowladdii hore ee ku meel-gaarka ahayd ee uu hoggaaminayay Sheekh Shariif Axmed iyo madaxdii kale ee maamul goboleeddada iyo ururadii siyaasadeed taasoo ah nidaamkii ay ku yimaadeen madaxda hadda jirta isla markaasna ay dowladda uga baxday ku meel-gaarnimmadii, Nicholas oo waajibaadkiisa kowaad uu ahaa dhamaystirka hannaanka dowladnimo ee ka soo baxay heshiiskaas waxaa hadda muuqata inuu talada dalka Xasan Sheekh Max’ud oo keliya wax ka weydiiyo,, laakiin taas ma aha fahamo daro ama damiinimo haysa Nicholas Kay waase qorshe durugsan oo uu Danjire Kay ugu gogl xaarayo danta weyn ee Soomaaliya laga leeyahay.

Waxaa iyadana shaki ku jirin inay aad isugu soo dhowaadeen Kay iyo madax-weyne Xasan Sheekh, sidaasoo kalana ay meesha ka baxday wax kasta oo meeqaan ahaa ee loo hayay maamul goboleeddada Puntland iyo kuwa kale ee lagu waday inay soo dhismaan. intii uu xafiiska madax-weynenimada Puntland baneeyay madax-weynihii hore ee maamulkaas Cabdi-Raxmaan Sheekh Max’ed (Faroole), guud ahaan calaamadaha muuqdana waxay muujinayaan in labada nin Nicholas Kay iyo Xasan Sheekh) ay soo wadaan nidaam federal ah oo aan cid kale laga talo gelin oo aad uga duwan kana soo hor jeeda kii ay ku heshiiyeen hoggaamiyeyaashii lixda ahaa ee ay ansixiyeen odayaasha dhaqanka Soomaaliyeed sanadii 2012kii.

Nidaamkii federalka ahaa ee ay ku heshiiyeen lixdii hoggaamiye isla markaasna ay ansixiyeen Odayaasha DHaqanka Soomaaliyeed ayaa ahaa mid aad looga ilaaliyayay awoodda inay ku ururto gacanta hal nin oo keliya, isla markaasna wax kasta oo la sharciyeyniyo ama ummaddu ay ku heshiinayso si loo ilaaliyo u sameeyay seddex hay’adood oo wixii la meel marinayo ay tahay in mid kasta oggolaansho laga helo sidaasoo kalana ay tahay wixii la diidayo inay isku raacaan ama mid kasta la soo mariyo, qaab dhismeedka noocaas ah ee Golaha Shacabka, Aqalka Sare ee Golaha Shacabka iyo Golaha Xukkummada oo ay tahay in mid kasta wax ka ansixiso go’aan kasta oo ay dowladdu gaarayso, waana taas midda uu diidanyahay Nicholas Kay, wuxuun door bidayaa inuu awoodda siyaasadeed ee dalka ku soo ururiyo gacan keliya si uu si sahlan wax uga saxiixdo, waana halka uu isaga xiranyahay danaha Xasan Sheekh Max’uud oo isaga aad moodo inuu isu haysto madax-weyne aan xafiiska ka tegayn iyo Nicholas Kay.

Waxaa arrin nasiib darro ah in Nicholas Kay uusan marna ka hadlin dhammaan heshiisyadii iyo dastuurkii horay laysugu af gartay sanadkii 2012kii ee ay ansixiyeen Odayaasha Dhaqanka Soomaaliyeed, Nicholas Kay wuxuu si bareer ah ugu tuntay xuquuqdii ay lahaayeen maamulada gobollada ee dastuuriga ahayd si uu u yareeyo awoodda siyaasadeed ee ay yeelanayaan maamulada imaanaya awooduna ugu ururto gacanta maamulka federal-ka, wuxuu Nicholas Kay oggolaaday in maamul goboleeddada is raacaya ay xukuumadda ka go’aamiso, in maamulladii jiray uu deegaano ka gooyo si uu u wiiqo inay yeeshaan awood siyaasadeed isagoo marin habaabinaya siyaasaddii nidaamka federalka ahayd ee Soomaalidu ku heshiisay ee ahayd in maamul goboleeddadu ay yeeshaan awood siyaasadeed oo ay kula xisaabtami karaan xukuumadda dhexe ee federalka.

Xasan Sheekh wuxuu is halmaansiinayaa waayadii uu tabeelaha dariiqyada la taagnaa isagoo huwan magaca xisbiga horumarinta oo wax tabanaya , wuxuuna si cad isu moogeysiinayaa in xuquuqda la raadinayo ay tahay tii uu waagaas tabeelayaasha u watay, wuxuuna malaha fahmi la’ayahay sida lagu yaqaan madaxda afrikaanka ah ee ku caan baxday madax-adaygga inuu mar uun ka tagayo xilka ay hadda Barlaamanka u dhiibeen, nidaamkana ay ummadda dhaxli doonto kuwo badan oo isaga xilka uga dambayn doonana la rabo in lagu xakameeyo si aysan u dhicin tagri fal siyaasadeed ee ay kula kacaan ummadda.
Khariidadda Federalismka ah ee uu Nicholas Kay soo jeexay ujeeddada ka ka dambaysa kama duwan xudduudihii uu guumeystuhu Afrika uga tegay ee wali uu murunkooda maalin kasta isku laayaan dalalka walaalaha ah ee deriska ah. Madaxweyne Xasan Sheekh Max’ud isagu fahamkiisa kama shisheeyo inuu helo dastuur siinaya awood uu ku kibro oo uu ugu itaal sheegto ummadda, Alle ha u naxariisto Aadan Cabdulle Cusmaan , madax-weynihii ugu horeeyay ee Soomaaliya wali waan la’nnahay madax-weyne dhaqankiisii siyaasadeed ee uu dalka ku soo maamulay wax kaga dayday, waliba xilli uu dalka ka soo baxay guumeysi oo wax kasta meel eber ah laga bilaabay, maamul uu dhaxlay uusan jirin, xirfadlayaal adeegga dowlada hanan kara oo aqoon leh aysan jirin, dhaqaale iyo wax soo saarana warkoodaba dhaaf!…

Shaki iigama jiro in Nicholas Kay inuu si ula kac ah u samaynayo gefefka uu kula kacayo dadka Soomaaliyeed, isla markaasna uu ku socdo qorshe qoto dheer oo dano fog laga leeyahay, hasa yeeshee Xasan SHeekh macaashka ugu weyn ee uu khaladaadkaas u galayo kama badna hebel ku xumee, kama badna awoodda aad sii haysatid….waxaase hubaal ah in natiijada khariidaddaan federalism-ka ee Nicholas Kay iyo waxa loogu yeero Beesha Caalamka ay dalka u horseedayso khilaaf iyo kala fogaansho hor leh.Waxaa dad badan oo aad indhaha ugu haya siyaasadda cusub ee madaxa xafiiska Qarmmada Midoobay ee Soomaaliya isla markaasna aad uga walaacsan shaxda cusub ee siyaasadeed ee uu la soo baxay ay rumaysanyihiin, inuu lacago badan ku bixiyay burburinta dhammaan waxyaabihii lagu soo heshiiyay qaabkii dhisme ee maamul goboleeddada, waxaana hada si dardar ah ku socda oo gacanta lagu haya dhaqan gelinta in gobolka Mudug laga soo gooyo Puntland iyadoo aan waxba laga weydiin dadka gobolkaas ku dhaqan, waxaa sidaasoo kale gacanta lagu hayaa maamulkii Jubbaland si looga yareeyo awoodda siyaasadeed ee dastuurku u oggolaanayo iyadooo loo sii marayo xil-dhibaan Cabdi-Rashiid Xiddig iyo waziirka maaliyadda Xuseen Cabdi Xalane, sidaas si la mid ahna maamulka Koonfur –Galbeed iyadoo loo sii marayo Af hayeenka Baarlamanka Max’ed Cusmaan Jawaari.

Nicholas Kay waxaa wanaagsanaan lahayd inuu garowsado Soomaaliya inaysan sida Suudan sahlanayn inay ku kala tagto Dhaqan ama Diin, inaysan sida Ciraaq sahlanayn inay ku kala tagto firqooyin diineed Sunni iyi Shiico, laakiin ay ku quruxsanaan lahayd in la ilaaliyo nabad ahaanshaheeda danaha laga leeyahayna iyadoo aan colaad laga dhex abuurin oo dowlad Soomaaliyeed oo madax banaan ah lagula heshiiyo, laakiin haddii uu qorshaha yahay awoodda meel keliya ku ururi waxaad rabatana ku sharciyeyso sida hadaba meelo badan ka dhacday…..amay
wanaagsantahay in wixii lagu heshiiyay aad dhaqan geliso,… amay wanaagsantahay federal-kii lagu heshiiyay ee dhamaystirkiisu waajibka laguu soo magacaabay ugu horeeyay dhaqan geliso….amay wanaagsantahay awoodda dastuurka uu siiyayay maamul goboleeddada inaad dhaqan geliso….

Qalinkii: Axmed Yaasiin Maxamed Sooyaan.

GABAY:-Gabay Ku Saabsan Wariyaasha Seefta Xasan Sheekh Saaran Tahay. Qore:-Cabdullaahi Soomaali.

32030098

Assalaamu caleykum waraxmatullaahi wabarakaatuhu.

Allaah baa mahad oo dhan u sugnaatay Nabad gelyo iyo naxariis Nabi Muxamed korkiisa ha ahaato.

Gabaygaan oo la yiraahdo Sumal indhool ah wuxuu ka hadlayaa taageeradii qaladka ahayd ee wariyaasha soomaaliyeed qaarkood u fidiyeen madaxweynaha maqaar saarka ah ee gaalada u shaqeeya Xasan Sheekh Maxamuud iyo waxa uu ugu abaal guday oo ah xabsi iyo jirdil iyo in Idaacadihii taageeri jiray qaarkood uu xiro.

Gabayga ayaan ku muujiyay in doqonku geedkuu harsanayo adigoo waabaya in uu seedaha kaa jarayo sidaasna wuxuu ula dhaqmaa ciddii wax u gasha ileyn soomaalidu waxay tiraahdaa nin aad kobtiisa yeeleyso oo karfantaada tolaya ayaa jira’e.

 

Waxaa kale oo gabaygu cadeynayaa in Xasan Sheekh bakheyl yahay oo aanay looga fadhin waxa ay ku raaceen oo ah hunguri.

Intaanaan maansada u guda gelin wariyaasheenna Soomaaliyeed waxaan kula talinayaa in ay sumcadooda ilaashadaan ayna xasuustaan in aakhiro naga dambeyso carrabkuna uu ka mid yahay xubnaha sababa in qofka cadaabta lagu tuuro.

Waxaa kale oo aan kula talinayaa in aanay taariikh madow isu horseedin oo aanay cadawga la shaqeyn sid gaalada iyo intii daba socata wixii hadda  ka hor ay geysteenna ay Allaah ka dembi dhaaf weydiistaan.

Iminkana ku soo dhawaada gabayga SUMAL INDHOOL AH oo ku bilaabanaya

 

 

  •  Ninka baqal dusheed saaraya salabo guud dheer leh,
  •  Ee senge inuu beder la galo saabka uga taalo,
  •  Sambacaa inuu liidayoo sarin yahaan sheegay,
  •  Naag mara siloon xirata oon suuqa laga waayin,
  •  Oo hooteel u sooftiyo halkii saani lagu sheego,
  •  Asigoo surunkey martaba sal iyo baar haaya,

 

  •  Qabxaddaa sokeeyeheed ninkii sooryo uga geeyay,
  •  Ee sodon halaad dhiibay iyo saanad iyo geenyo
  •  Sambacaa inuu liidayoo sarin yahaan sheegay.

 

  • Nin qabri salaaxee baryee sabacaduu hoorshay,
  • Ee salli  garabkii dhigtee una sajuudaaya,
  • Ee sagaashan maalmood iyo saa’id dhinac joogay,

 

  • Sogobna u gowraca iyo sulub iyo giir yar,
  • Caafimaadka saas uga rabiyo ubad inuu siiyo,
  • Samcabaa inuu liidayoo sarin yahaan sheegay,

 

  • Abwaankii sanuud loo qarshee saar u tuma gaalka,
  • Ama saaruf loo iibiyee saaxirka adeeca,
  • Sambacaa inuu liidayoo siran yahaan sheegay,

 

 

  • Maamulkaan saliibiga ku laran ama ku saysaaban,
  • Sidigtaan maraykan ku tolan yurubna soo daaqda,
  • Nimankaa suleegee sharciga samaawigaa diiday,

 

  • Soohdimiha nimankaa jaree suudi nagu ooday,
  • Saaxiibkii cadawaha  na dhibay iyo sirdoonkiise,
  • Seerigaa shisheeyaha kuwaa saac waliba yeerin,

 

  • Nimankaa saqiir iyo kabiir sama ka dhowraaya,
  • Ee surunkii gaalada bulshada yiri sax weeyaaniin,
  • Suxufigii  wanaag in ay sidaan  saa’id ula booyay,

 

  • Ee diifka siiminahayee malaxda seyraayay,
  • Indhahana gaduud saarmayoo ilmo soconeysay,
  • Oo haddeer salaw iyo walaac la sal dhigi waayay,
  • Sambacaa inuu liidayoo siran yahaan sheegay.

 

  • Labadii samaan wada nacee xuma ku saaxiiba,
  • In ibliis sarreeyaa waxay Samir u yeeshaanba,
  • Kol umbey kala siqa hayaan kalana soocdaane,

 

  • Oo xarkihii ay soohayeen kala sibxaayaane,
  • Sabbaaxad iyo dibir iyo sigasho waa meele,
  • Hunguryaha mid baa laga saraa lagana siibaaye,

 

 

  • Seefta xasan sheekh  wixii ay culumo saaftaaba,
  • Sunna ruuxi muujiya wixii lagu salaamaaba,
  • Wax mujaahid ay sarar jartaa ama surkii goyso,

 

  • Waxay jowjo dhuunteed iyo sabiga leeftaaba,
  • Saq dhexiyo dharaartii iyo subax ooggiisa,
  • Waxay dhiigga saacii waliba ku dhex socataaba,

 

  • Waxa  maanta ay saaran  tahay Saxafiyiintiiye,
  • Saqajaanki ay qaaliyeen saa’ilka cirroobay,
  • Sharecada ninkii suulinteed  duunyo lagu siiyay,

 

  • Saariqaa maraykan wattee hagaya saaruuqa,
  • Sama kaab inuu yahay waxay shalay ku sowdaanba,
  • Saxariir miyuu baday iyo silic maryaad xoog leh?

 

 

  • Sarmaankow harsaayo ninkaad sare ka waabeyso,
  • Ee dhambala sameysa iyo maro u saareyso,
  • Hadduu suulka kaa jara hayiyo seedka lugahaada,

 

  • Haddii uu sakiin kugu qalo ee sunsumo dhiigu,
  • Sas iyo xanuun baa ka dhalan saaqa noloshaaye,
  • Ha yeeshee hadaan kuu sawiro waxa sidaa keenay,

 

  • Doqon soo dhaweyntii iyo samafalkii weeye,
  • Intaasuu ku sooraa qofkii beri wax siiyaaye,
  • Dorraad kuwuu sacbaayow dhamaan maanta solayaaye,

 

  • Kuwii daba saloognaa jiruu ku sennefayaaye,
  • Ninkaad shalay siddeen ood dhahdeen kani suldaan weeye,
  • Abaalkiin inuu saas ka dhigay saacaan garateene,

 

  • Waadinkaa  sakaar iyo wadnuhu idin sabbeeyaane,
  • Sariir iyo firaash lama arkiyo seexad sharafeede,
  • Sibir iyo gogoshiinnu waa iyo siigo iyo boore,

 

  • Salbukiyo sarreen iyo galley sarara geedeysan,
  • Solay iyo suqaar iyo caddiin suusac iyo dhaayda,
  • Soor iyo wixii dhadhan iyo suunan lagu sheego,

 

  • Sed macaan in ay dheefsadaan amare ka soo saarye,
  • Sibrihiyo dhexdaa godan iyo weliba saableyde,
  • Sarta iyo waxaa laga baxaa haragi saarnaaye,

 

  • Sanka iyo waxaa laga bukeyn sinaha meeshoode,
  • Suun iyo waxaa lala dhacaa saandal iyo buude,
  • Doqonbaa birtii lagu sar sari soofa mariyaaye,

 

  • Sharuucdii ay suuq geyn hayeen sadarradii gaalka,
  • Sanawaad xaruuftay wadeen soomaaliyeey qaata,
  • Suxulliyo lugihii gashade siriqdi qoolneyde,

 

  • Subaxdii ay naadina hayeen saatan ma ogeyne,
  • Ha yeeshee haddii saatirkey tan ka salaameeyo,
  • Seyladdaa qabyaaladda iyo gaal la socodkiisa,

 

  • Iyo sanuud hadal lagu baxshay suuqa gelintiisa,
  • In aanay ku suuleynin baan saadinahayaaye,
  • Saadambiyo waxay berri la imaan waa la sugayaa dheh.

 

  • Sumalkii indhooluhu idaha wuu la soca yaaye,
  • Sanqadhiyo wuxuu raacayaa saanta jabaqdeede,
  • Ha yeeshee inuu sahal ku cuno aarka sahankiiye,

 

  • Sumeyn inuu kudoo heelanoo sugi wuxuu moodo,
  • Micayaha kolkii lagu simow sax u garayaaye,
  • Adinkuna sidaas baad tihiin  saad u badan tiine,

 

  • Hadaan sabab u yeeloo middaa sumad idiin raacsho,
  • Sargaantiyo burkaan idinku dhacay idinna saameeyay,
  • Saan saantii hore iyo ma garan hadal sarbeebkiiye,

 

  • Qowlkii saraakiisha ee sogordah loo yeelay,
  • Beerimayaad sugeyseen iyo siismo lacageede,
  • Seerigu kol kuu yeeray baad saxda garateene,

 

  • Afkiinuu wuxuu sowd xun iyo caay sul sulisaaba,
  • Jihaadka ninkii saan u roga waxaad saluugtaanba,
  • Sumcad iyo sharaftii waxaad siigo mariseenba,

 

  • Nimankii suweyn raacayee seyedki dhaamaayay,
  • Sidoodii wixii aad fashaan kama sokeysaane,
  • Saxarada hadalo ka dhagin wixi aad seyrtaamba,

 

  • Sandareerto aawgeed waxaad samaha diidaanba,
  • Ninkaad saarsaneyd miyaa soofki bixi waayay?
  • Sanduuqiyo selledii miyuu senti geli waayay?

 

  • Sankor iyo saliid may helaan sabayadiine,
  • Sumbuus iyo cajjiin may gataan subag warkii daaye,
  • Saboolnibada laabtaa qofkii ay ku siliteyso,

 

  • Ninki suus ka doonaan ka helin sacab muggiisiiye,
  • Xasan sheekh saqi kii u qaba ama sed weydiiya,
  • In sibraarka loo buuxiyaa lama sugaan weeye,

 

  • Idinkuna sifir  baad tihiin mana samreysaane,
  • Sadaadi idin gaadhayaad sabar wareegtaane,
  • Sareedada halkii laga jershaa suluf ka muuqdaaye,

 

  • Sal juglana idiin dheer iyo siiro xuma weyne,
  • Sebenkaan in aad sharaf jabteen saaray qalinkiiye, 
  • Ka socdaala suuligaad degtaan saatan laga roone.

 

  • Intaasii sifeeyee hadaan hadalka soo kooba,
  • Ka subxaanallaah howla aad ku socataane,
  • sibiq bay bideeru ku geli nimay salaantaaye

 

  • Sakhariyo siraad baa jiree saa ha la ogaado,
  • Sam hariiro qoon bay sugiye saa ha la ogaado,
  • Sakkaaraadna wuu dhiman yahee saa ha la ogaado,

 

  • Seeta jare inuu sigan yahay saa ha la ogaado,
  • Camal saalixa kaan lahayn ee dhabbaha seegay,
  • Sed naareed inuu noqon karo saa ha la ogaado.

 

 Waxaa tiriyay Cabdulaahi Yaasiin Jaamac                             

(Cabdulaahi-soomaali)

Gabar 14 Jir Soomaaliyeed ah oo 40 Madaxweyne ay Waddankeedu ka taliyaan Africaan Aids qabana uu Arladeeda ku kufsaday baan ahaye Yaan eersadaa Dadoow??

32025040 (1)Ayaan baa la’i yiraahdaa magaceyga 14 Sano ayaa ii buuxsantay Waxana aan ku noolahay Casimaddii Waddankeyga Soomaaliya. Su’aasha aan soo bandhigay ee ah yaan eersadaa maanta?, Waxan weeydiinayaa nafsaddeyda ee ma weeydiinayo Soomaalida Lab iyo dheddiga leh ee Qoraalkeygan Aqrisan doonta, Maxaayeelay, Waxan hubaa in Xitaa jawaabta Su’aashaas aysan ku heshiin karin oo ay Qolaba meel la’aadeyso, Waxana uusan caad iga saarneyn in Qof walboo Soomaali ah oo isku daya in uu Su’aashaas ka jawaabo uu Eedeyn dusha kaga tuurayo Qabaa’il ama Jufooyin aan ahayn Kan uu isagu kasoo jeedo, Isagoo Jufadiisana ceeb ka-saliim ka dhigaya.
Anigu inta aanan isaga jawaabin Su’aashaas aan nafsadeyda weeydiiyey horta aan waxyar ka sheego Mashaqada igu dhacday iyo Afrikaanka i kufsaday ee Caasimadeyda igu dhex kufsaday, Iyo Weliba cidda u fududeysay in uu i kufsado iina geysay.

Waxan Maalin Arboco ah Daawo u doontay Xerada Xalane ee ay Afrikaantu ku leeyihiin Isbitaalka Baas ee Haweenka lagu dago ee Xalane, Anigoo Daawadana uga raadiyey Hooyadeey oo aad u xanuunsaneyd, Waxana aan weliba Xalane ku tagay qaab Muqalasnimo ah oo Wiil Soomaali ah oo Turjubaan ka ah Xero barakacayaal ah oo aan kusoo qaxnay markii Dagaalladu ay ka dheceen Gobolka Sh/Hoose ayaa iifududeeyay in aan galo Xeradaas Xalane.
Walaakeey oo 13 jir ah oo markii hore loo qorsheeyay in Dawada uu ka raadiyo Xalane waxaa diiday Wiilkii Turjubaanka ahaa oo waxa uu talo ahaan inoogu sheegay in ay dhici karto Wiilkan in lagu dhego oo lagu shaabadeeyo Qolyaha Dhallinyarada ah ee Dagaalka ka wada Soomaaliya, Sidaa beyna ku dhacday inaan Aniga Dawada Hooyadeey u raadiyo. Xerada waxaa kusoo qaxay Aniga Hooyadeey iyo Walaalkeey oo qura, 6 kamid ah  Qoyskeenna oo uu Aabahey ku jirayna waxay ku dhinteen Dagaalladii isdaba joogga ahaa ee ka dhacay Sh/Hoose, Waxay ahaayeen 4 Wiil iyo Gabar walaalahey ah iyo Aabahay, Madaafiic iyo Xabbado Wiifto ah ayaa dishay, 3deenna oo kaharay Qoyskeenna ayaa Xeradaas barakacayaasha kusoo qaxay.
Ma doonayo in aan waqti dheer idinkaga lumiyo sharraxaadda dhammaan wixii dhibaato ahaa ee aan soo marnay, balse nuxurka ayaan idinkaga taabanayaa Mushkiladda igu qabsatay Xero baaska Xalane, Waxa dhacday in Turjubaankii Soomaaliga ahaa ee joogay Xerada aan degganeyn markii aan tagay Xalane uu si toos ah iigu shirqoolay 7 Ugaandheys ah oo halkaa igu sugayey, waxay ila galeen Guri ku dhex yaalla xeradooda si aan macquul ahayn ayeyna ii xoogeen (Kufsadeen) oo Anigoo saanta la dhac-dhacaya ayaa laad la’iiga soo saaray Xeradii Xalane.Waxaa Xeradii barakacayaasha ee aan ku jiray igu soo celiyey Haween Soomaaliyeed oo Xerada Albaabkeeda iga soo qaaday oo ii sheegay in ay ka shaqeeyaan Hay’adaha Xuquuqda Dumarka oo i wareystay Mushkiladda igu dhacdayna aan u sheegay, waxana markii ay Xeradii aan ku noolaa ee barakacayaasha i keeneen ay igula taliyeen in aanan warbaahinta la hadlin si aanan la’ii xirin, Iyagoo iga ballanqaaday in Dhibaatadeyda ay gaarsiin doonaan madaxda Dowladda iyo hay’adaha ku shaqada leh Arrimahan ee United Nationka.

Haweenkii maalmo kadib beey igu soo noqdeen Iyagoo ii sheegay in madaxdii Dowladda ay Waraaqo u direen Hay’adda Xuquuqda Aadana u dooddana weey ii keeneen oo halkaas baa Wareysi la’iiga qaaday Maqal iyo Muuqaal ah.

Wiilkii turjubaanka ahaa ee iishirqoolay Afrikaanta Maalintaas ayaa iigu dambeysay Xeradiina waa laga bedelay oo Wiil kale oo isna howshiisii xerada kasiifuliya baa la keenay Xerada, Maadaama Qorshuhu uu ahaa in hadba Ninkii wax shirqoola Xerada laga bedelo oo mid kale lagu soo bedelo, Si Howshaas kufsiga ah ay meesha uga siisocoto.
Waxyaabaha aan la’ooyay Ciilkana igu reebay ee aan ka seexan la’ahay waxa kamid ah Wiilka Walaalkeey ah ee Soomaaliga ah ee iishirqoolay Cawaanta Afrikaanta ah, Waxa kale oo aan aad ula qarracmay Hadalka ay gabdhihii isoo qaaday ay igu yiraahdeen ee ahaa “Naa Warbaahinta haddaad la hadasho oo dhibka kugu dhacay aad u sheegto Madaxda Dowladdu weey ku xireysaa”, Bal u fiirso waxaas, Waxan is weeydiiyey Madaxda baas Iyagu Gabdho miyeysan dhalin, Mas’uuliyadda iyo madaxtinnimada halkeeda haba joogtee?,.
Waxan kaloo aad uga murgooday Dhibka Kufsiga ah ee Gabdhaha Soomaaliyeed lagu hayo ee aysan jirin cid moog iyo cid ay laxaw ku hayso oo ka gadoodaya, Weliba qofkii Dumar ah oo ku dhiirada in uu ka hadlo oo dhibkiisa sheegtana Xabsi baa la geynayaa oo lasii jirdilayaa Kufsigii ay ka cabaneysay baana loo joogteynayaa iyadoo Xabsigaas ku jirta.
Waxan iskula hadlay “Maxaa Soomaali kaa dhaliyey”, Anigoo u qaatay in Soomaalidu yihiin Dadka ugu Nasiibka daran Dunida, Uguna Damiirka xun, Waa intooda badane, Waxana aan is tusay oo aan iska dhaadhiciyey si aan u samro inaan eego Dadka iga daran ee Xerada igula jira oo dhibka i haysta mid ka daran uu xerada ku dhex haysto.
Su’aalo dhowr ah oo qalbigeyga kusoo dhacay tii iigu dhibka badneyd ayaa noqotay “Ayaaneey yaad eersataa?.
Horta marka ugu horreysa waxan ka dhex bixi waayey in aan eersado nafsaddeyda oon ku canaanto inaan Aaminay Wiilkii Turjubaanka ahaa ee Daawada Xalane kasoo doono igu yiri (Naive) qofsifudud loo ajari karo in aan ahaybaan isku canaantay, Waxan kaloo isku eedeeyay in aan sideydaba rumeystay Qof Soomaali ah, Anigoo isula sheekeystay Dadka aan ka dhashay in ay yihiin Dad aad u liita oo aan waxba laga rumeysan karin, Waxba aan la’aamini karin, Wax walba kugu shirqoolaya, Cid walbana kuu shirqoolaya xitaa haddii aad tahay qofka dad ugu xiga.
Raadiyaha markaan ka maqlo Afartanka Madaxweyne Jufeed, Iyo Afarta Boqol ee Wasiir-beeleed ee ay soo xusheen,Matag baa igu soo istaaga, Waxana aan filayaa Maanta Silicdilyeyn (torture) waxa iigu filan in Maalin walba aan Idaacadaha ka maqlo Kuwaas Madaxda sheeganaya oo dhammaantood Anigu aan is leeyahay waxa ay la mid yihiin Wiilkii Turjubaanka ahaa ee iishirqoolay Afrikaanta Aidiska qabta ee Arligeyga igu kufsaday.

Ugu dambeyntii Waxan is leeyahay Kuwaas Madaxda Soomaaliya sheeganaya Eed iyo dhaleeceyn xitaa xaggeyga kama astaahilaan, maxaayeelay qofka la eedeynayo ama la dhaleeceynayo waa Qof Wanaag laga filayey laga waayey ama Qalad aan laga fileyn ku dhacay, Marka Kuwaasi Anigu Awalba Wanaag kama fileynin, Xumaan aanan ka fileynin oo cusubna ma aysan sameynin, Sidaadarteed ayaanan Waqti ugu lumineynin inaan dhaleeeceeyo, Balse waxa ila qumanaatay oo iisoo baxday in Maanta Anigu aan Nafsaddeyda eersado!!!!.

Walaashiin Dhibbane Ayaan!!

Sanbaloolshe oo xilkii ay ka qaadeen Golaha Wasiirada iyo Xasan Sheekh oo aan ku qancin!

31936386

Kulanka deg dega ah oo uu shir guddoominayay Ra’iisul wasaaraha Xukuumadda Soomaaliya mudane Cabdiweli Sheekh Axmed Maxamed ayay golaha wasiirada isku raaceen xil ka qaadis lagu sameeyay Agaasimihii hay’adda nabad sugidda iyo Sirdoonka  Xamar.

Cabdullaahi Maxamed Cali (Sanbaloolshe) ayaa bilooyin ka hor Shaqadan loo dhiibay ka dib markii ay ku fashilmeen kuwii isaga ka horeeyay inay soo helaan amaankii Muqdisho oo ka maqan gacanta Dowlada tabarta yar ee fadhida Villa Somalia,kaaso aan weli la soo helin.

Sanbaloolshe waxaa London ka keenay Xasan Sheekh oo sida la sheego ay qaraabo yihiin,wuxuuna maanta waayay xilkiisii,waxaana arinkaas aad uga xanaaqay Xasan Sheekh oo aan loo sheegin,waxna kala socon.

Warar kale ayaa sheegaya in xilka qaadista Taliyaha Nabad sugidda ay ku lug leedahay howlgallo hubka looga aruurinayay siyaasiyiin kasoo jeeda beelaha magaalada Muqdisho oo dhiig badan ku daatay.

 Howlgalkii Godka Jilacoow oo ay fuliyeen ciidamada Shabaabul Mujaahidiin ayaa kamid ahaa fashilka dhanka ammaanka ah ee uu eersaday Sanbaloolshe,dadka indha indheeya arrimaha Dowladda Federaalka ayaa sheegaya in labada mas’uul ee ugu sarraysa maamulka Villa Somalia uu ka dhaxeeyo dagaal qaboow.

Sida iska cad Sanbaloolshe ayaa ku noqon doona London ka dibna furan doona FACEBOOK  sida kuwii ka horeeyay Axmed Macalin Fiqi iyo Tarsan!.

Warar hoose oo la helayo ayaa sheegaya inow ku xigo Inshoqarshe Taliyaha Maleeshiyaad Dowlada Xamar  oo gacan saar wanaagsan la leh Xasan Sheekh qaraabana  ay yihiin Faarax Cabdulqaadir oo sidala sheegay saakay ka maqnaaday shirka la qabtay.

31936386 (1)

Voice Of Somalia-Banaadir Post

ODAY XAAD “Waxaa la igu yiri waa lagu dilaa hadii aad hadasho”


31897304

Maxamed Xasan Xaad oo ka mid ah odayaasha Hawiye ee ku sugan magaalada Muqdisho ayaa cod sir ah oo laga duubay ku shaaciyay inuu hanjabaad xoogan kala kulmay madaxda sar sare ee dowladda Federaalka Somalia.

Xaad waxa uu sheegay in hanjabaad ku aadan dil hadii uu ka hadlo howlgalada hubka dhigista ka socota magaalada Muqdisho uu kala kulmay madaxweynaha dowladda Xasan Sheekh  iyo taliyaha ciidamada Nabad sugidda ee dowladda Villa Somalia.

Xaad ayaa cod sir ah  duubay oo ka hadlaya xaaladda soo wajahday, wuxuuna yiri Maxamed Xaad “Wixii socday wax qaldan ayey ahaayeen laakiin wax ka daran ayaa yimid, waxaa yimid hanjabaad farabadan, dadkii tacadiyada socda ka hadlay, waa la xiray, waa la dhibaateeyay, aniga odaynimo ayaa la iiga leexday, waxaana leeygu yiri hadaadan ka aamusan hoowlgalada socda, waxaan kaa qaadi doonaa tilaabo sidaas darteed waan aqbalay, waana iska aamusay”.

Oday  Xaad wuxuu sheegay inuu cabsi darteed uu iskaga aamusay kadib markii uu xaqiiqsaday in mas’uuliyiin Soomaaliyeed loo xiray kaliya aragtidooda siyaasadeed.

“Madaxweynaha lag soo bilaabo ilaa Saraakiisha Dowladda ayaa ila soo xiriiray, waxayna igu dhaheen afkaaga xir, adigoo raaliya hadaad naga diidanna kaama sii xishoon doono, waan arkaa in Idaacadahii la xiray, siyaasiyiintii iyo dhaqankii xabsiyada ugu xiran yihiin maxaad u hadasheen, markeey halkaas taagan tahay aniga waa aqbalay, waxaana u baqayaa lafaheeyga oo dhibkaan socda kama hadli karo” ayuu yiri Nabadoon Xaad.

Voice Of Somalia-Banaadir Post

SAWIRO:-Xasan Sheekh ayaan weli ka bixin balantii oo u qaaday Xisbigiisa DAMMUL-JADIID.

 

31858254Xassan Sheekh Maxamuud ayaa khudbad ka jeediyay machadka istiraatijiyadda ee dalka Turkiga,waxaana garab taagnaa asxaabtiisii dammul-jadiid oo aan wax jago ka ahayn dowlada fashida Villa Somalia.

Waa wax iska cad inow Xasan sheekh weli fulinayo balantii oo la galay xisbigiisa Dammul-jadiid,isaga oo iska hilmaamay balantii iyo Dhaartii oo Kitaabka Quraanka ku saaray gacanta midig.

Xasan Sheekh ayaa shalay geeyay  Cabdikariin Guuleed  guriga oo ka iibsaday Turkiga oo ah guri aad u qurux badan,kaaso rabo xasan Sheekh inow noolaado mustaqbalka danbe.

245338623

Voice Of Somalia-Banaadir Post