Midowga Afrika Oo ka sheeganaya Habacsanaan daran Oo ku Timid Ciidamada AMISOM.

Untitled collage.jpg

Magaalada Addis Ababa ee Wadanka Itoobiya waxaa lagusoo gaba gabeeyay kulan ay isugu yimideen Hoggaanka Ururka Midowga Afrika.
Kulanka oo diiradda lagu saarayay gaabiska ku yimid howlgallada ciidamada AMISOM ee duullaanka ku jooga dalka Soomaaliya ayaa ugu dambeyntii lagasoo saaray qodobo dhowr ah.

Ismaaciil Sharqi oo ah madaxa golaha amniga iyo nabad gelyada Ururka Midowga Afrika ayaa ka dayriyay habacsanaan daran oo ku timid howlgalka waxa loogu yeero AMISOM ee Soomaaliya wuxuuna Ururka Midowga Yurub iyo ‘deeq bixiyaasha’ kale ugu baaqay in ay bixiyaan dhaqaalaha ku baxaya howlgalka Soomaaliya.

“waxaa walwal laga muujiyay hoos u dhaca ku yimid dhaqaalihii Midowga Yurub ku bixin jiray howl galka AMISOM waxaana hoos udhacay howlgallada ciidamada Midowga Afrika ee soomaaliya sababa la xiriira dhanka Lojistigga” ayaa lagu yiri warka kasoo baxay Ururka AU.

Shirka Addis Ababa waxaa ka qeyb galay Wakiilka Midowga Afrika ee Soomaaliya, Taliyaha Gudu ee AMISOM, Taliyeyaasha wadamada ciidamadoodu kusoo duuleen soomaaliya sida Burundi, Jabuuti, Kenya, Itoobiya, Uganda iyo Nigeria.

Golaha ammaanka iyo Nabad gelyada Midowga Afrika ayaa walaac ka muujiyay awoodda xarakada Shabaabul Mujaahidiin iyo sida ay ugu firfircoontahay fulinta weeraro ka dhan ah quwadaha dalka kusoo duulay iyo carqaladeynta hana qaadka dowladda Federaalka iyo maamul goboleedyada.

Iscmaaciil Sharqi oo shir guddoominayay kulankii Addis Ababa ayaa ku baaqay in laqalabeeyo maleeshiyaadka DF-ka si ay amniga dalka u hantaan wuxuuna markale ku celiyay in AMISOM ay bilaabi doonto bixitaan.

Ururka Midowga Afrika ayaa go’aamiyay in 4 December 2017, maalin kadib shir ballaaran oo lagu gorfeynayo isbedelka dhanka ammaanka ee Soomaaliya lagu qabto xerada Xalane ee magaalada Muqdisho waxaana shirkaas ka qeyb geli doona dhammaan wakiillada waxa loogu yeero beesha caalamka iyo madaxda dowladda Federaalka.

Ugu dambeyn madaxda ku shirtay Addis Ababa ayaa markale ku celiyay in iyadoo loo hoggaansamayo qaraarkii Q.Midoobe ee Numberkiisu ahaa UNSCR 2372 (2017), la dedejin doono qorshaha ciidamada AMISOM looga saarayo dalka Soomaaliya.

Halkan ka akhri Warbixinta AU

WARBIXIN:-Midowga Afrika Oo Sheegay in Habacsanaan Ay Soo Wajahday Ciidamada AMISOM Ee Ku Sugan Soomaaliya Kuna Baaqa Shir degdeg ah

Magaalada Addis Ababa ee Wadanka Itoobiya waxaa lagusoo gaba gabeeyay kulan ay isugu yimideen Hoggaanka Ururka Midowga Afrika.
Kulanka oo diiradda lagu saarayay gaabiska ku yimid howlgallada ciidamada AMISOM ee duullaanka ku jooga dalka Soomaaliya ayaa ugu dambeyntii lagasoo saaray qodobo dhowr ah.

Ismaaciil Sharqi oo ah madaxa golaha amniga iyo nabad gelyada Ururka Midowga Afrika ayaa ka dayriyay habacsanaan daran oo ku timid howlgalka waxa loogu yeero AMISOM ee Soomaaliya wuxuuna Ururka Midowga Yurub iyo ‘deeq bixiyaasha’ kale ugu baaqay in ay bixiyaan dhaqaalaha ku baxaya howlgalka Soomaaliya.

“waxaa walwal laga muujiyay hoos u dhaca ku yimid dhaqaalihii Midowga Yurub ku bixin jiray howl galka AMISOM waxaana hoos udhacay howlgallada ciidamada Midowga Afrika ee soomaaliya sababa la xiriira dhanka Lojistigga” ayaa lagu yiri warka kasoo baxay Ururka AU.

Shirka Addis Ababa waxaa ka qeyb galay Wakiilka Midowga Afrika ee Soomaaliya, Taliyaha Gudu ee AMISOM, Taliyeyaasha wadamada ciidamadoodu kusoo duuleen soomaaliya sida Burundi, Jabuuti, Kenya, Itoobiya, Uganda iyo Nigeria.

Golaha ammaanka iyo Nabad gelyada Midowga Afrika ayaa walaac ka muujiyay awoodda xarakada Shabaabul Mujaahidiin iyo sida ay ugu firfircoontahay fulinta weeraro ka dhan ah quwadaha dalka kusoo duulay iyo carqaladeynta hana qaadka dowladda Federaalka iyo maamul goboleedyada.

Iscmaaciil Sharqi oo shir guddoominayay kulankii Addis Ababa ayaa ku baaqay in laqalabeeyo maleeshiyaadka DF-ka si ay amniga dalka u hantaan wuxuuna markale ku celiyay in AMISOM ay bilaabi doonto bixitaan.

Ururka Midowga Afrika ayaa go’aamiyay in 4 December 2017, maalin kadib shir ballaaran oo lagu gorfeynayo isbedelka dhanka ammaanka ee Soomaaliya lagu qabto xerada Xalane ee magaalada Muqdisho waxaana shirkaas ka qeyb geli doona dhammaan wakiillada waxa loogu yeero beesha caalamka iyo madaxda dowladda Federaalka.

Ugu dambeyn madaxda ku shirtay Addis Ababa ayaa markale ku celiyay in iyadoo loo hoggaansamayo qaraarkii Q.Midoobe ee Numberkiisu ahaa UNSCR 2372 (2017), la dedejin doono qorshaha ciidamada AMISOM looga saarayo dalka Soomaaliya.

Halkan ka akhri Warbixinta AU

WARBIXIN:-Hay’ad Reergalbeed Ah Oo Sheegtay in Duqeymaha Diyaaradaha Drone-ka Mareykanka Ay Ka Geysteen Soomaaliya Ay Barakac Hor leh Sababtay

_98948797_datapic-somalia_idp_som-pf8tb-nc.png

Warbixin cusub oo ay soo saartay Hay’adda Qaxootiga Norway ayay uga dardaar warisay barakaca iyo baaba’a ay geysanayaan duqeymaha diyaaradaha dagaalka Mareykanka ka wadaan gobollada shabeelooyinka.

In kabadan toban kun oo qof ayaa bishan ku barakacay dagaalo ka dhacay deegaano ka tirsan gobollada Shabeellaha Hoose iyo Shabeellaha Dhexe ee Soomaaliya sida ay sheegtay hay’adda qoxootiga ee dalka Norwey.

Kumanaankan qof ayaa ku biiray xeryahii markii horeba buuxay ee ay ku jireen qoysaska dadka gudaha ku barakacay.

Qoysaska badankood ayaa ka soo qaxay tuulada Basra oo ku taala halka ay iska galaan labada gobol, waana tuulo dhul beereed ballaaran leh, dadkeeduna ay ka shaqaysataan beeraha, Barakacan cusub ayaa bilaabmay kadib markii ciidammada dawladda oo ay taageraayaan kuwa Midowga Afrika ee AMISOM iyo kuwa Maraykan ah ay dagaal ka dhan ah Al-Shabaab ka bilaabeen deegaanadaasi.

Xabiibo Buraale Cali oo ka soo qaxday deegaanka Basra ayaa BBC-da u sheegtay inay u adkeysan waayeen hubka dhinacayada dagaalamaya ay isku ridayeen.

Barakacayaasha

“Basra ayaan ka soo qaxay, waxan ka soo qaxay dagaal iyo rabsho iyo hubka la isku ridayay, caruurta ayaan la soo baxsaday, dadkeenii, beertinii iyo dhulkeenii ayaan ka soo tagnay, inta ayaana ku dhibaataysannahay, waa soo dhibtoonay, dhib inooma harsana.” ayay tiri haweenay BBC uwarrantay.

Qoysaskan oo ay ka muuqato diifta ay ka qaadeen safarkii ay kaga yimaadeen deegaanadii ay ku noolaayeen ayaa sheegaya inaanay la soo bixin wax hantiya, kana soo tageen beerihii ay noloshooda ka soo saaran jireen.

Dadka kasoo barakacay deegaanno katirsan labada gobol waxay sheegeen in ay u adkeysan waayeen duqeymaha ay geysanayaan diyaaradaha aan duuliyaha laheyn ee Drone-ka loo yaqaan.

Hay’adda NRC ayaa warbixinteeda ku sheegtay in dad ku dhow 10-kun oo qof shacab ah ay ku barakaceen dagaallo ay ku lug lahaayeen ciidamo Mareykan iyo AMISOM waxayna ku baaqday in lakaalmeeyo dadkaas kasoo firxaday deegaanka Basra oo hodon ku ah wax soo saarka beeraha.

BBc
Wararka ayaa intaasi ku daraya in dhowr gantaal oo lala helay dhul beeraadka deegaanka Daarusalaam ay sababeen dhimashada sedax qof waxayna taasi cabsi gelisay dadka beeralayda ah ee noloshoodu ku tiirsaneed dalagyada ay dhulka kasoo saartaan.

Deegaanno ay kamid yihiin Basro,Jambaluul iyo Daniga ayay ka dhaceen dagaallo culus oo ay barbar socdeen duqeymo ay geysanayeen diyaaradaha dagaalka Mareykanka ee Drone-ka loo yaqaan waana midda ugu daran ee sababtay in shacabku isaga barakacaan dhulka miyiga ah.

Dowladda Federaalka oo sheegata in ay mas’uul ka tahay dalka soomaaliya ayaa indha u ah cadawga shisheeye ee xasuuqa ku haya shacabka soomaaliyeed.

Source:BBC+SomaliMeMo

DHAGEYSO:-Ma banaantahay in la dhigo xaflado lagu Weynaynayo Mowliidka Nabi Muxamed SCW?!

 

Sheekh Nuur Macalim C/Raxmaan  oo kamid ah Culimada Soomaaliyeed   ayaa si qota dheer uga hadlay bidcada Mowliidka oo mar walba oo lagaaro bisha Rabiicul Awal ay Kooxaha Suufida ka oogaan magaalooyin katirsan caalamka oo Soomaaliya kamid tahay, wuxuu sheekh Nuur sheegay arrintan ay tahay bidco ay bilaabeen kooxo shiico ah oo lagu magacaabi jiray Faadimiyiin oo maamuli jiray Masar iyo wadamada dhaca waqooyiga qaaradda Afrika waa sedax boqol oo sano kadib oo ah quruunta Mufadalada ee Nabiga SCW sheegay.

 Mowliidka waa bidco aan sal ku laheyn diinta islaamka Nabiga SCW,asaxaabtiisa iyo Taabiciyiinta midna lagama hayo marka soo ma ahan dhaqan looga dayanayo dhinacyo cadaw ku ah diinta islaamka.
Voice Of Somalia-SOMALI LEAKS

Gaas Iyo Shariif Xassan oo Itoobiya Ku Gaaray Heshiis Ka Dhan Ah Farmaajo

 

Madaxweynaha Puntland Cab38577493.jpgdi Weli Gaas iyo kan Koonfur Galbeed Shariif Xasan Sheekh Aadan ayaa kulan ku yeeshay magaalada Addis-Abbaba ee Dalka Itoobiya, sida ilo lagu kalsoon yahay ay sheegeen.

Kulanka ayaa looga hadlay qiimaynta xaalada dalku Soomaaliya uu marayo, xiriirka maamul goboleedyada iyo dawlada Federaalka ah iyo mooshinka la doonayo in laga keeno madaxweynaha DF Maxamad C/llhi Farmaajo.

Labada hogaamiye ayaa hoosta is kala xariiqay in aysan la shaqeyn karin xukuumadda hadda jirta oo marar badan khilaaf xooggan uu soo kala dhex galay, uguna dambeeyey khilaafkii ka dhashay xiisadda khaliijka.

Sida ay sheegayaan ilo lagu kalsoon yahay waxay isku raaceen in ay taageeraan is isbeddel lagu sameeyo hogaanka dowladda, inkasta oo aan la ogeyn qaabka ay u marayaan.

Wararku waxay intaa ku darayaan in Gaas uu doonayo in uu madaxweye noqdo isagoo haddii Farmaajo meesha laga saaro isagoo kasoo galaya dhanka awood qeybsiga dowladda oo ah mid qabyaalad ku salaysan.

Shariif Xasan ayaa dhiniciisa balan qaaday in uu fikirkan ka dhaadhicinayo hoggaanka iyo siyaasiyiinta ay isku fakarka yihiin gaar ahaan kuwa ku kacsan Farmaajo eek u sugan Muqdisho iyo Baydhabo.

Labada hogaamiye goboleed ayaa shirkooda kadib maanta u kicitimaya dalka Imaaraadka Carabta si ay qorshahaas usii dhiraandhiriyaan Imaaraadkana uga qaadaan dhaqaale hawshaasi lagu daadihiyo.

Gaas oo iibsaday dekedda magaalada Boosaaso rajana aanan ka qabin in uu mar dambe Puntland wax ka noqdo ayaa u sacyinaha inuu kamid noqdo hogaanka DF.

Si kastaba ha ahaato’e xaaladda ayaa waxay qarnigan aynu nool nahay mareysaa in arrimaha masiiriga ah ee dalka lagu soo go’aamiyo magaalada Adis-ababa ee dalka Itoobiya taasoo nasiib darro ku ah ummada Soomaaliyeed.

Farmaajo ayaa muddo laba goor ah Itoobiya u tagay iney ciidamo hor leh soo galiyaan Soomaaliya islamarkaana qabsadaan dhul hor leh, halka dhinaca kale maamul goboleedyadu ay halkaas ku yeelanayaan shirar ay dowladdiisa ku duminayaan iyadoo Itoobiya dhinac walba soo dhaweeneyso, mid kastana gaarkiisa ay dhegta wax ugu sheegeyso.

Xigasho-Amiirnuur.

 

SAWIRO+DHAGEYSI:-Maxaa Ka Jira In Amisom Wax Laga Siiyay Lacagtii Uu Sh/Umal Ku Wareejiyay DF ka?

14-kii bishan waxaa garoonka diyaaradaha ee magaalada Muqdisho kasoo degay wafdi uu hogaaminayo Sheekh Muxamad Cabdi Umal oo ujeedadoodu ahayd iney lacago boqollaal kun oo dolar ah gudoonsiiyaan DF.

Wafdiga ayaa waxaa loo soo dhaweeyay sida madaxda reer galbeedka oo kale, waxaa garoonka diyaaradaha uga hor tagay madax iyo saraakiil ka tirsan dowladda kadibna waxaa loo soo galbiyay madaxtooyada iyadoo waliba lasoo mariyay wadada Afisyooni.

Waxaa wafdiga kamid ahaa ku simaha safaaradda DF ee Nayroobi, Maxamad Cali, kaasoo la tilmaamay inuu isagu soo qalqaaliyay safarkan.

Umal ayaa la kulmay madaxda dowladda oo ay ugu horreeyaan Farmaajo iyo Kheyrre, waxaana uu ku wareejiyay lacag kor u dhaafaysa $300,000 (sadax boqol oo kun oo doolar) oo loogu tala galay dadka dhibanayaasha ah lagana soo uruuriyay Soomaalida ku dhaqan Nayroobi, Mumbasa iyo Uganda.

Halkan Ka Degso Warbixinta oo Maqal Ah

Habkee Loo Wareejiyay Lacagta?

Lacagahan ayaa waxa uu ku wareejiyay Cllhi Maxamad Shirwac oo ah gudoomiyaha guddi gurmad oo uu ra’iisulwasaaruhu magacaabay, waxaana xusid mudan inaan kulankan laga qeyb galin wasaaraddii arrimaha Musiibooyinka qaabilsanayd.

Sh/Umal, iskuma soo sawirin dad tabaaleysan ama dhibanayaal kale, ee wuxuu lacagta ku wareejiyay sida muuqaallada laga dheehan karayo gudoomiyaha gudiga iyo kheyrre oo ag taagnaa.

Mahad celin loo jeediyay kadib waxaa loogu baaqay Sh/Umal inuu kalaintiisa ka qaato dagaalka mabaadi’da diineed ku salaysan ee ka dhaxeeya Xarakada Mujaahidiinta Al-Shabaab iyo dhinacyada gaashaanbuurta ah ee ka kooban shisheeyaha iyo dowladda.

Intaasi kadib wuxuu wadaadku u duulay magaalada Nayroobi isagoo aanan hal habeen ku nagaan magaalada Muqdisho, tanina waxay ahayd arrin khilaafsan caadooyinkii looga bartay safarradiisa.

Saameynta Ay Yeelatay Nidaam Darrada Loo Bixiyay iyo Cidda Lagu Wareejiyay Lacagta.

Haddaba markii uu Sheekhu tagay Nayroobi waxaa bannaanka usoo baxay fadeexad iyo ceeb ka dhalatay lacagtii uu ku wareejiyay DF taasoo saameyn kala duwan yeelatay.

Markaanu ku hormarno DF gudaheeda, waxaa la isku qabtay lacagtaasi faraha badan iyo sida isku dhex yaaca ah ee loo kala gudoomay.

15-kii bishan oo ku aadanayd maalintii xigtay safarka Sh/Umal ayaa waxaa is casishay Wasiiraddii Gargaarka iyo Maareynta Musiibooyinka ee xukuumadda Kheyrre Maryama Qaasim Axmad.

Waxay si cad u sheegtay iney isku casishay isbarbar yaaca dhacay dartii, waayo waxay ka baqday in shaqo ay ku magacaaban tahay wax lagu dhoco, haddana iyadoo aan waxba laga siin berri lagu eedeeyo iney musuqmaasuq ku kacday.

Sh/Umal oo Nayroobi ku qabtay muxaadaro uu uga hadlayay kulankii uu madaxtooyada kula qaatay madaxda DF ayaa su’aal laga weydiiyay nidaam la’aanta lacagta lagu wareejiyay ee sababta u noqotay iney is casisho Maryan Qaasim. Jawaabtiisu waxay noqotay inuu eed kala dul dhoco haweeneyda kuna tilmaamo mid markii horaba mudnayd in la eryo.

Maryan Qaasim ayaa cinwaanka ay “Tuwiter” ku leedahay ugu jawaabtay Sh/Umal.

Sh/Umal ayaa ku faanay in ay DF-ka ah ku amaantay in isaga iyo gudigiisu ka wanaagsan yihiin ganacsatada magaalada Muqdisho marka la eego wax bixinta.

Maxamad Xaaji Xassan oo kamid ah aqoonyahanada magaalada Muqdisho ayaa sheegay in ammaanta loo jeediyay wadaadka ay tahay arrin meesha ku jirta isagoo is dul-taagay xaqiiqda dhabta ah.

Wuxuu sheegay in ganacsatadu ay caado u tahay inaaney waxba ku aaminin DF-ka marka laga reebo lacagaha baadda looga qaato, isagoo ka dhawaajiyay in markii ay wax la baxayaan ay gacantooda ku siiyaan dadka masaakiinta ah, laakin taa bilcagsigeeda uu Sheekh Umal soo garab maray masaakiinta islamarkaana uu lacagtii loogu tala galay u gacan galiyay DF-ka garna uu u leeyahay in la amaano.

Sh/Umal ayaa u bareeray inuu dhaqaalahan ku wareejiyo dowlad uu dhowr sannadood ka hor ku xukumay gaalnimo sababo la xiriira iney shisheeye soo garabsatay.

Maxaa Ka Jira In Lacagta Wax Laga Siiyay Taliska Amisom Ee Baraawe?

16-kii bishan oo ku beegneyd maalin kadib markii uu lacagta wareejiyay Sh/Umal, waxay dowladdu iska debartay culeys weyn oo ka heystay dhanka Baraawe oo ahaa in ciidamada shisheeye isaga bixi rabeen magaalada.

Ra’iisulwasaare Kherre oo wada $100,000 (boqol kun oo dolar) ayaa markii uu magaalada tagay ku dajiyay ciidamada shisheeye ee u diyaarsanaa iney baxaan sababo la xiriira dhaqaale iyo saadkii ay adkaatay inuu si nabad ah kusoo gaaro.

Dadkii ay dhaqaalaha kasoo uruuriyeen Sh/Umal iyo saaxibadii ayaa aad uga xumaaday halka aan munaasabka ahayn ee sadaqadooda la marsiiyay kuwaasoo qaarkood sida isaguba uu sheegay su’aalo ku weydiiyay magaalada Nayroobi.

Saraakiil ka tirsan wasaaradaha DF ayaa iibsaday dawooyin, maro kaneecooyin iyo raashin nafaqo ah oo ay deeq ahaan Soomaaliya u keeneen dowlado carbeed, waxaana suuqa Bakaaraha lagu arkayaa iyagoo sumaddooda wata, sida uu inoo xaqiijiyay Maxamad Xaaji Xassan oo indhihiisa ku arkay.

Halkee Bey Ku Dambeeyeen Lacagihii Gurmadka Abaaraha Ee Soomaalida Laga Uruuriyay?

Dowladda federalka ah ayaa sidoo kale horey u musuqmaasuqday dhaqaalihii faraha badnaa ee loogu tala galay in loogu gurmado walaalaha muslimiinta ah ee uu jilaalku saameynta ku yeeshay. Lacagtaas  oo gaareysay 32 milyan oo dolar ayaa waxaa loo qeybsaday sida soo socota:-

Cabdiwali Gaas waxaa gacanta laga saaray $200,000 (laba boqol oo kun oo dolar) halkii ay ahayd in indheer garadka iyo dadka ka madaxa bannaan maamulka loo dhiibo, waxaana ay reer Puntland lacagtaasi ka qaadeen sicir barar iyo culeys.

Sidoo kale waxaa $200,000 (laba boqol oo kun oo dolar) la siiyay Shariif Xassan, kaasoo wax yar kadib Baydhabo ka dhistay guri nooca Jarmalka. Waxa kale oo lamid ah hogaamiyaasha Galmudug, Hirshabelle iyo Jubbaland oo iyaguna sidaa oo kale faraha laga saaray min 200,000 (laba boqol oo kun oo dolar) intaa waxa dheer in maamulka gobolka Banaadir lagu wareejiyay $250,000 (Laba boqol iyo konton kun oo dolar) wixii soo harayna waxaa kala qeybsaday madaxda dowladda iyo gudigii gurmadka abaaraha sida aan kasoo xiganay dad xog ogaal ah.

Qaar kamid ah lacagahaasi waxaa lagu biilay oo raashin loogu iibiyay ciidamada dowladda federalka ah, waxaana cadeyn u ah war muuqaal ah oo laga sii daayay TV-ga dowladda ee SNA.

Iyadoo gudiga gurmadka abaaraha ay gacantooda ku jirtay lacag aad u badan ayaa waxaa dhacaysay in Kaamamka ku yaalla Muqdisho ay gaajo ugu geeriyoonayeen dadkii kasoo bara baxay degaanadooda ee soo maciin biday caasimadda.

May, 2017, waxaa kaamka Kaxda oo kaliya gaajo ugu geeriyooday Sagaal qof oo ay afar caruur yihiin sida ay baahiyeen inta badan war baahinta gobolka Banaadir iyo mareegaha Qaramada midoobay ee ka hadla arrimaha bani’aadannimada.

http://radioergo.org/old/blog?2972

Gudigii Gurmadka Abaaraha waxay dowladda u qabteen shaqo aad u culus, waxaana ay taasi ku muteysteen in lagu daro wasaaradda gaashaandhigga qeybteeda saadka ciidamada iyadoo loo bixiyay magaca ah “Gudiga Taakuleynta Ciidamada”

July 9, 2017, ayuu madaxweyne Farmaajo ku dhawaaqay gudigan isaga ah oo uu hogaamiye uga dhigay Jaamac Maxamad Qaalib, halka uu ku xigeen uga dhigay Sh/Nuur Barrud Gurxan, balse saacado kadib waxaa xilkii gudoomiye-nimo iska casilay Jaamac. Aug 2, 2017, ayuuna mar kale dib u dhisay gudiga.

Dadka dowladda ku dhow qaarkood ayaa sheegaya in uu Farmaajo daneynayo inuu Sh/Umal si dadban ugu biiriyo Gudiga Taakuleynta Ciidamada, iyadoo uu jiray kulan aan saxaafadda loo ogolaan oo madaxtooyada ku dhex maray labadooda (DF iyo Gudigii lacagta keenay)

Si kastaba ha ahaato’e, dadkii uu dhaqaalaha kasoo uruuriyay Sh/Umal ayaa intooda badan ah kuwa ka qoomameynaya in lacagtooda loo isticmaalo dagaal, laguna dhibaateeyo dad kale oo eheladooda ah, waxaana muhiim ah in arrintan ay cashar ka qaataan, gaar ahaan Soomaalida ku dhaqan dibadda, kana fiirsadaan halka ay dhaqaalahooda ku bixinayaan.

Amaanadu waa shey muhim ah oo meel weyn ka taagan diinta islaamka dhexdeeda. Waxaa la hubaa in qofku uusan gudan karin ammaanada aadanaha, haddiiba uu mar khiyaano tii Allaah. Ogow ruux Allaah iyo rasuulkiisa khiyaanay ineysan waxba la ahayn tan Aadanaha.

يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ

Xigasho: radioalfurqaan.com

Qeybtii Ugu Horreysay Ee Ciidamada Uganda”AMISOM” oo Billaabaya Inay Isaga Baxaan Gayiga Soomaaliyeed

Dowladda Uganda ayaa xaqiijisay in cutubyadii ugu horreeyay oo ciidankeeda katirsan ay isaga bixi doonaan dalka Soomaaliya tan iyo sanaddii 2007 oo ay dalka soo galeen

Kun Askari oo ka mid ah soo duulayaasha AMISOM ayaa bisha soo socota ka bixi doona dhammaan gobollada dalka Soomaaliya,halka billaawga Todobaadkan ay boqolaal askari bilaabayaan dib ugurasho rasmi ah.

Richard Karimere oo ah Afhayeenka Ciidamada Uganda ayaa sheegay in illaa 281 askari oo u dhashay dalka Uganda, qeybna ka ah 1,000 askari laga soo saari doono Soomaaliya horaanta todobaadkan.
Dowladda Uganda waxay sheegaysaa in ciidamadeeda ku sugan Koonfurta Soomaaliya lagu wargeliyay in ay diyaar garoobaan waxayna dowladda Federaalka Soomaaliya ku wargelisay in ay la wareegto ammaanka deegaannada iyo magaalooyinka ay ciidamadaasi baneyn doonaan.
Bixitaankan ayaan saameyn doono inta badan dowladaha ciidamadoodu duullaanka ku joogaan dalka Soomaaliya oo ay ugu horreeyaan Kenya,Uganda iyo Burundi, waxaa la saadaalinayaan in ciidamada ugu horreeya ugunna badan ee isaga bixi doono Soomaaliya kuwa dowladda Kenya.
Ciidamadan kunka ah ee lafilayo in ay dalka ka baxaan ayaan wax mushaar ah qaadan doonin sida ku cad heshiiskii dhaxmaray Ururka Midowga Afrika iyo Midowga Yurub oo ah maalgeliyaha ugu weyn ee AMISOM taasi oo ka dhigan in jeebabka dowladaha reergalbeedka ay marteen oo aysan diyaar u aheyn sii wadidda taageerada soo duulayaasha Soomaaliya ku sugan.

Waxa loogu yeero Q.Midoobe ayaa horay usoo saartay qaraar dhigaya in ciidamada AMISOM ee Soomaaliya ku sugan ay bisha December 2017 ay bilaabaan dib ugurasho islamarkaana ay dalka ka dhammaadaan marka lagaaro sanadda 2020-ka, bixitaankan ayaa imaanaya xilli soo duulayaasha Jinsiyadaha kala duwan leh aysan wax guul ah oo lataaban karo xaqiijin illaa iyo hadda.

Voice Of Somalia-SOMALI LEAKS