DHAGEYSO:- Ilka Xanaf: “Al-Shabaab Kama Adkaan Karno Waxay Adeegsanayaan Guerrilla Fighting”

33627030

Caydiid Cabdullaahi Ilka Xanaf gudoomiyaha Maxkamadda Sare ee dowladda ayaa isagoo ka hadlayay weerarkii ballaarnaa ee hotel Maka Al-mukarrama shaaciyay iney ku adag tahay iney u babac dhigaan Xarakada Mujaahidiinta Al-Shabaab sababo uu ku sheegay xeeladda dagaal ee ay adeegsanayaan oo halis ah.

Wuxuu sheegay in dagaalkoodu yahay mid aan la ogeyn xilliga ay soo qaadayaan, goobta ay ku qaadayaan iyo sida ay u qaadayaan taasna ay keeneyso in mar walba ay dhacaan weeraro waaweyn sida kii jimcihii iyo sabtidii galinkii hore ka socda Muqdisho.

Sidoo kale waxa uu si cad u sheegay in dowladda looga sarreeyo dhanka sir doonka iyo ka daba tagga dhacdooyinka ama weerarada dowladda loo geysto. Ugu dambeyntii waxaa wax laga weydiiyay sida ay xaaladiisu tahay iyo halka uu ku dambeeyo Maxamad Cumar Carte ra’iisulwasaare ku xigeen ku dhaawacmay weerarkii hotel Centeral.

HOOS KA DHAGEYSO

Voice Of Somalia-Somali Leaks

SIDEE SHACABKA SOOMAALIYEED UGU HOOS NOOLAAN DOONAAN MAAMUL GOBOLEEDYO AY CIIDAMADOODU AJAANIIB YIHIIN?

33532740

Inta badan maamul goboleedyada Federaalka waa dhisay dalal shisheeye ah oo ay Itoobiya ugu horeyso waxaana ilaaliya oo ciidamo u ah ciidamada AMISOM iyo kuwa Itoobiya oo aan run ahaantii kamid ahayn kuwa AMISOM markii laga reebo inay magacaas mushaar saanad milateri ku qaataan.

Talada maamuladaasna waxaa gacanta ku haayo ururka IGAD oo ah isla kuwa ay ciidamadoodu dalka haystaan hadda.

Sidaas daraadeed madaxda maamuladu waa kuwo u hogaansan talada dalalka IGAD islamarkaana ku hoos nool ciidamada Amisom, waxaana halkaas ka muuqanaysa inaysan ahayn dad u madax banaan hogaaminta dalkooda.

Haddaba waxaa su,aal ah sidee shacabka Soomaaliyeed ugu hoos noolaan karaan maamul ku fac ah inta ay ciidamada shisheeye dalka joogaan oo ku shaqeynaya fikrado shisheeye?

Mise xaalku waaba sikaloo ciidamada shissheeye ayaanba meelna uga socon oo ku nagaan raba arligeena inta ay madaxda goboladu yihiin kuwo ubaahan oo aan jiri karin la,aantood?

QORE: Talowadaagta Qaranka.

Itoobiya oo Sheegtay in Ciidankeeda Ku Duulay Soomaaliya ay isaga bixi doonaan Sanadda 2016.

33499025

Dowladda Itoobiya ayaa ku dhawaaqday in ciidankeeda ku sugan soomaaliya ay isku diyaarinayaan ka bixitaan dhameystiran marka la gaaro sanaddi 2016.

R/wasaaraha Itoobiya Hailemariam ayaa sheegay in kumanaanka Askari ee ka jooga Soomaaliya ay heystaan fursad hal sana ah kadibna ay dib ugu laaban doonaan gudaha Itoobiya.

Wuxuu ka dhawaajiyay in waxa loogu yeero Q.Midoobe ay Itoobiya heshiis kula galeen sii heysashada soomaaliya inta laga qabanayo doorashooyin madaxtinimo bartamaha sanadda 2016-ka.

Wuxuu muujiyay sida Itoobiya ay u doonayso kala qeybinta dalka Soomaaliya isagoona carrabka ku adkeeyay in muhiim aysan aheyn xukuumadda Xasan Sheekh ee fadhigeedu yahay Muqdisho.

 “Xukuumad dhexe oo fadhigeedu yahay Muqdisho muhiim ma ahan waxa muhiimadda in lasiiya mudan waa maamul goboleedyada oo ammaanka soo celin kara waa in beesha caalamka taasi ogaataa”ayuu yiri Hailemariam.

Itoobiya ayay ciidankeedu duullaan gardarro dhul boob ah kusoo qaadeen soomaaliya waana dalka ugu ciidanka badan ee shacabka soomaaliyeed kusoo duulay.

DHAGEYSO:- Reer Muqdisho “Annagu dowlad ma haysano, niman na iibsanaya iyo gumeysi baa na haysta”

33470338

iyadoo dowladda federaalka  shacabka muqdisho ku eedeynayso in aanay la shaqeyn ayaa hogaamiyaasha bulshadu waxay sheegayaan in aanay dowlad haysan laakiin ay arkeen niman dhiigooda daadinaya kuna gura xabsiyada kadibna iibsada iyo gumeyste.

Nabadoon Warsame iyo Nabadoon Maxamuud oo reer Muqdisho ah ayaa iyagoo u waramayay Idaacadda Islaamiga ah ee Alfurqaan waxay ku dheeraadeen dhibaatada magaalada ka jirta.

Waxay ku taliyeen in loo baahan yahay in dagaal la isku xoreynayo  loo istaago.

HOOS KA DHAGEYSO

33468074

Voice Of Somalia-Somali Leaks.

DHAGEYSO:-Wasiirka Warfaafinta Maareeye ”Dowladdu wax taageero ah kama heysato Shacabka Soomaaliyeed”

33462969 (1)

Wasiirka Warfaafinta ee dowladda Maxamad Cabdi Xayir Maareeye ayaa sheegay ineysan dowladdu wax taageero ah kama heystaan shacabka Soomaaliyeed.

Wuxuu sheegay iney shacabku aad u mucaaradsan yihiin dowladda heer ay gaareen buu yiri’ ineysan canshuur inoo ogoleyn.

Inkastoo ay dowladdu ganacsatada xoog uga qaado lacagaha canshuurta ayaa haddana waxaa jira iney eedo badan kala kulanto ganacsatada.

Waxaa madaxda dowladda la weydiiyaa hadeysan ammaankeena sugi karin oo ciidamadiinu na dhacayaan sidee baan canshuur idiinku siinaa.?

Cabashada dowladda ee ah ineysan wax taageero ah ka heysan shacabka Soomaaliyeed ayaa waxaa loo aaneeyaa iyadoo la shaqeysa shisheeye taasoo keentay in  shacabka oo ilaashanaya caqiidadooda ay xiriirka u jaraan dowladda.

HOOS KA DHAGEYSO.

Voice Of Somalia-Somali Leaks.

 

XASUUQA SHACABKEENA XORNIMAA KA DAMBAYSA

33396178

Waxaan maalmahan si wanaagsan ula socday baroordiiqda ka socota daafaha dunida oo ay dhigayaan Jaaliyadaha Ogaadenya iyagoo qabanaya kulamo waa wayn oo loogu ducaynayo dadkii uu cadowgu gumaaday isagoon u kala aaba yeelin Saqiir iyo Kabiir toona. Kulamada waxaa lagu daawanayay filimo halis ah oo ka awood badan damiirka qofka bani,aadamka ah waxaase guul ahaa dadka oo wacad kumarayay inayna xaqooda baadi goobkiisa dib uga labanaynin taasoo guumaystaha ku abuuri doonta inuu dib uliqo Candhuuftiisa.

Sideedaba waan inaan Sunnada rabaaniga ah dib u milcsano, mar hadii wax badan Eebe inooga warramay guud ahaamba xasuuqyadii dunida soo maray oo uu ka mid ahaa kii loo gaystay reer Bani’Isra’iil, kadibna markay ilaahay talo saarteen ee ay isku tashadeen ay kabaxeen guumaysigii. Ruuxii awooda ha akhriyo markuu Rabi tilmaamayo guumaysiga iyo Cadaabkii lala beegsaday qoladaas aan kor kusoo xusay – Suuratu Dukhaan Aayadaha 30-31. Hadaba inuu guumaysi jiro, iska caabina jirto, Gargaarka Eebana jiro waa Dariiq furan oon marna labadali doonin. Umadeena karaamada badan waxaa kaliya oo la gudboon inay ku taagnaadaan Tubta iyo hayaanka loogu jiro Xorriyadda, Xasuuqa shacabkeenana Xorimo deg degaa kadambaysa Insha Allaah.

Waxaann tacsi Tiiraanyo leh hawada u marinayaa shacab,waynaha geesiga ee u adkaystay inay dulmiga ka dhiidhiyaan xaqoodana soo dhacsadaan gumaadka baahsan ee lagula kacay Dumarkoodii, Caruurtoodii, Duqaydoodii iyo Bar iyo Beer waxay lahaayeen, anigoo leh ilaahay ha aqbalo shahaadadooda intii dhimatay, inta dhaawaca ahna Alle haboogo dhayo, inta Xabsiyadda ku jirtana ha kasoo daayo. Aamiin!

Gabagabadii waxaan ku soo khatimi lahaa qormadan hadalka mar walba laga rabo umada Muslimka ah ee ay masiibadu ku habsatay oo ah- INNA LILLAHI WA INNA ILEYHI RAAJICUUN!

Qoraa madax banaan
Xaaji M/rashiid Aw Macalim
samatobaxe2014@hotmail.com

DHAGEYSO:-Maxay Itoobiya naga rabtaa?

33364697

Aqoonyahan Cabdulqaadir Cali Yarow oo ka mid ah Soomaalida qurbaha ku nool ayaa tilaamay in Itoobiya cadaw ku tahay umadda Soomaaliyeed ee Muslimiinta ah loona baahan yahay in la iska celiyo.

Wuxuu sheegay in ay doonayso marka la gaaro 2016 in ay tiraahdo Soomaaliya waa qaran fashilmay ee anig aiyo kenya ha naloo qeybiyo arinkaasna aanuu Soomaalida u cuntami karin.

Wuxuu hoosta ka xariiqay in loo baahnyahay in la abaabulo kacdoon cusub oo cadawga ka dhan ah gaar ahaanna Itoobiya.

Cabdulqaadir wuxuu tilmaamay in loo baahan yahay umadda Soomaaliyeed in la mideeyo laguna xukumo shareecada Islaamka.

XIGASHO RADIO ALFURQAAN.

DHAGEYSO- SHALAY IYO MAANTA:Gabi dhacleynta Sheekh Umal iyo Mawaaqiftiisa Diineed

33340472

Warbixin xasaasi ah  oo laga  diyaariyay  isbed-bedelka dhanka mawaaqifta diineed ee Sheekh Max’med Umal oo kamid ah soomaalida dalka dibaddiisa ku nool.
Warbixinta ayaa lagusoo qaadanayaa Sheekh Umal oo hadallo is burinaya ku hadlaya islamarkaana waji gabax kala kulmay jaaliyadda soomaalida wadanka Zaambiya gaar ahaan magaalada Ndola.

Su’aalo Max’med Cabdi Umal la weydiiyay waxaa kamid ahaa qof muslim ah maka mid noqon karaa Ciidanka Mareykanka?,malagu gaaloobayaa la shaqeynta Dowladda Federaalka iyo waxa ay shareecada islaamku ka qabto dasaatiirta gacan ku sameyska ah ee reer galbeedku soo dajiyeen oo xukuumadda Xasan Sheekh ku dhaqanto.

Sh/Umal ayaa waxaa ugu dambeyntii ku buuqay dadkii uu muxaadarada u qabanayay kadib markii ay dhageysan kari waayeen jawaabaha khaldan ee uu ka bixiyay su’aalaha la weydiiyay.

Marka wadaad uu ku dhawaaqo wax yaabo laga shakisan yahay amaba caamada u muuqan kara ayaa waxaa lala xiriiraa oo arrinta loo bandhigaa culimada aqoonta leh ee rabaaniyiinta ah si ay u bixiyaan jawaab sharci ah, laakin arrimaha uu ku kacay Sh/Umal uma bandhigin mashaa’ikh kale ee waxaan u bandhignay Sh/Umalkii hore ee dadka u qarin jiray Al-walaa’ Walbaraa’.

Voice Of Somalia-Somali Leaks

Maalinta Xasuuqa Ogadenia (Ogaden Massacre Day)

33331721

Waa Maalin kuweeyn Umada Somalida Ogadenia Bishan Febaraayo oo ah Bil kulmisay wax yaba badan haba ugu badnadeen Xasuuqa Shacabka Somalida Ogadenia ay u gaysteen una Gaysanayaan Ciidamada Gumaysiga Ethiopia dadka Shacabka ee somalida Ogadenia lagu gumaadayo Dhulkoodii hooyo. Hadaba Ururka Dhalinyarada & Ardayda Somalida Ogadenia (OYSU) oo ah Urur u tagaan Gudbinta Xaquuda Shacabka Somalida Ogadenia laga galo Ayaa waxay soo diyaariyeen Qoraalkan, Qoraalkan ayaa wuxuu yahay Qoraal ku xusan dadkii Lagu xasuuqay bishan Febaraayo Gudaha Ogadenia iyo Tacadiyadii loo gaystay dadka Birimagaydada ah,Hadaba ma wada hali karno dhamaan dadka bishan gudaha Ogadenia loogu xasuuqay iyo tacadiyadaha kala gadisan ee bishan ka dhacay Gudaha Ogadenia haba ugu danbeeyaan kuwii ka dhacay isla bishan Febaraayo 8 – 02 – 2015 Gobalka Shabeele, Magaalooyinka kala ah,Beercaano,Ceelweyne,Hadhaawe iyo Dagmada Dhanaan. Qoraal Laguma Soo koobi karo Laakiinse inta Alla naga Garansiiyay Taariikhduna Qortay ayaa waxaan jacelnahay in aan la wadaagno dhamaan Umada Muslimiinta ah Gaar ahaan Umada Somaliyeed 20 kii sane ee ugu danbaysay Xasuuqa ay ugaysatay Ethiopia dadka Shacabka ah ee ku nool Gudaha Ogadenia, Hadaba Qoraalkii oo kooban waa sidan -:

06 Febraayo 1994 Waa Maalintii  ay Ciidamada Gumaysiga Itoobiya bilaabeen Xasuuqa iyo Isir goynta shacabka Somalida Ogaden waana maalintii magaalada Wardheer ay ku dileen gudoomiye ku xigeenkii magaalada Wardheer Marxuum Cabdulaahi Ibraahim Yuusuf (Abdullahi Ganay). Marxuum Cabdullahi Ganey wuxuu horistaagay qorshayaal ay Itoobiya ku doonaysay inay ku khayaamayso shacbiga. Mid ka mid ah qorshayaashaas wuxuu ahaa shir ay dawladdu doonaysay inay isugu yeedho Odayaasha iyo cuqaasha dadwaynaha laguna qasbo inay taageraan mawqifka dawladda oo ahaa in shacbigu ku sii hoos jiro dawladda Itoobiya.

10 Febraayo 1994 waxay Ciidamada Gumaysiga Itoobiya si waxashnimo ah ugu dileen Magaalada Qalaafe Marxuum Duulane Xasan Gaabane oo ahaa Gudoomiyihii Dagmada Qalaafe iyo Laba ruux oo shacab ah lana kala odhan jiray Cabdi Cali Aadan iyo Diiriye Dhaqane.

12 Febraayo 1994 Waxay Ciidamada Itoobiya si waxshinimo ah magaalada Qabridaharre ugu dileen guddoomiyihii iyo k/xigeenkii, Marxuum Maxamed Cumar Tube iyo Marxuum Deeq Maxamud Carab. Waxaa dilka labada mas’uul ka sii fool xumaa silcintii maydkooda oo ay ciidamadu ehelkii iyo dadwaynihii kalaba u diideen inay xabaalaan, arrintan waxay noqotay wax ku cusub taariikhda kana soo horjeedda xeerarka caalamiga ah iyo garashada caqliga fayow.

12 Febraayo 1994 Waxay Ciidamada Itoobiya Magaalada Dhagaxbuur ku dileen Marxuum Mahad Muuse Ibrahim iyo Marxuum Deeq Yuusuf Kaariye oo Deeq ahaa qoraagii Joornaalkii la odhan jiray Sheeko & Shaahid.

Sidoo kale waxaa dad lagu xasuuqay magaalooyinka kala ah Qabridahare,  Qoriile, iyo Gunagado. Iyadoo Qabridahare lagu xasuuqay30 dhalinyaro ah  2005 kii, Qoriile lagu xasuuqay 20 rayid ah 2008, Gunagado lagu xasuuqay 30 shacab ah 2010.  Dhamaan dadkaasi shacab ayay ahaayeen.

15 Febraayo 1994 Waxaa la qabtay kalfadhigii baarlamaanka dalka Ogaadeenya, Baarlamaanku waxay ka doodeen mustaqbalka siyaasadeed ee dalka Ogaadeenya waxayna aqlabiyad badan ku go’aamiyeen in dadwaynaha Soomalida Ogaadeenya laga qaado afti lagu waydiinayo waxa ay aayahooda ka damacsan yihiin.

17 Febraayo 1994 Waxay Odoyaasha iyo Ugaasyaduba u gudbiyeen Meles Zenawi isagoo kula shiraya Goday in Afti laga qaado dadkooda.

Go’aanka Baarlamaanku wuxuu lahaa muhimad iyo tixgalin gooni ah maadaamada uu baarlamaanku ahaa kii ugu horreeyey taariikhda Ogaadeenya ee shacbigu si dimoqraadi ah u soo doortaan kalsoonina ka haystay dadwaynaha, sidoo kale go’aanku wuxuu waafaqsanaa dastuurkii ku meel gaadhka ahaa ee Itoobiya oo sheegayey in ummad walba ay dooran karto aayahooda marka ay dhamaato waqtiga ku meel gaadhka ah ee dawladdii Itoobiya. Maalintii go’aankan la qaatay waxaa loo aqoonsaday inay noqoto “Maalinta aayo-ka-talinta” ee dalka Ogaadeenya.

17 Febraayo 1994 Waxay Cuqaasha Ogaadeenya Zenawi hortiisa ka taageereen go’aankii Barlamanbka isagoo shir Albaabada loo xidhay kula jira magaalada Harar, isla Badhtamihii Febraayo 1994 Ururkii ONLF Golihiisii dhexe ayaa go’aan aqlabiyad buuxda ah ku taageeray go’aankii Baarlamaanka kuna baaqay in si nabadgalyo ah oo waafaqsan dastuurkii ku meel gaadhka ahaa ee Itoobiya lagu dhameeyo dhibaatada u dhaxaysa Ogaadeenya iyo Itoobiya

22 Febraayo 1994 Waxaa magaalada Wardheer laga qabanqaabiyey bannaanbax lagu taageerayo go’aankii baarlamaanka iyo kii ka dambeeyey ee JWXO ee lagu codasaday in dadwaynaha afti la waydiiyo sidoo kale waxaa xilligaas ku sugnaa magaalada Wardheer Guddoomiyihii JWXO Allah ha u naxariistee Marxuum SheikhIbraahim Abdalla oo isna hadal ka jeedin lahaa bannaanbaxa.

23 February Waxay ciidamada Itoobiya gurigiisa kala bexeen magaalada Dhagaxbuur Mukhtaar Gadhweyne isaga oo ay ku hortogteen xaaskiisa Xaliimo Haybe Mohamuud, isla habeenkaas waxay dileen Dhuux Siyaad, Sidoo kale waxay isla xiligaas dileen nin magiciisa naloogu sheegay Taagwaa, waxay sidoo kale si waxash nimo ah ugu dileen isla magaalada Dhagaxbuur Ina Ahmed Nuur oo ahaa Macalin bare Dugsiga Hoose Dhagaxbuur. Sidoo kale Gudoomiyhii gobalka Dhagaxbuur Bulbul oo ilaa hadda aan lahaynin geeri & nolo.

24 February: Xasuuqii Magalada Wardheer Lagu Xasuuqay Dad kor u dhafayo 85 Ruux kuwaas oo dhamaantoodba ahaa Shacab Birimagayda ah. Xasuuqan ayaa wuxuu  dhacay kadib markii Ciidamada Ethiopia Amar lagu siiyay inay Joojiyaan Banaanbax ay dhigayeen dad shacab ah.

Ciidamada Itoobiya waxaa amar lagu siiyey inay joojiyaan bannaanbaxa isla markaana soo qabtaan Madaxwaynaha JWXO geeri ama nololba, Ciidamada Itoobiya oo ku hubaysan hub culus ayaa soo weeraray wafdigii JWXO oo uu ku jiro Guddoomiyihii waxayna shacbigii reer Wardheer maalintaas si geesinimo iyo wadaninimo ah u difaaceen magacii umadda iyaga oo qab jabiyey ciidamadii xoogga badnaa ee Itoobiya kana horistaagay inay gacanta ku dhigaan Madaxwaynihii JWXO iyo inay joojiyaan bannaanbixii. Ciidmaada Itoobiya oo adeegsanaya hubka cul-culus ayaa waxay  xasuuq u gaysteen dadwaynihii iyagoo si aan aabo-yeel lahayn u gumaaday shacbigii magaalada Wardheer waxaa maalintaas goobtaas ku geeriyooday 85 ruux oo u badan dad rayid ah.

Dhacdooyinkaas waxay leeyihiin Xusuus Farxadeed iyo Murugo labadaba waxay huwan yihiin murugo marka laga eego xasuuqii loo gaystay dadwaynaha reer Wardheer iyo waliba burburkii dhismayaashii Magaaladda iyo madaxdii lagu laayey Qabridaharre, Qalaafe iyo Dhagaxbuur iyo Dhamaan Gudaha Ogadenia, dhinaca kalana waxay mudan yihiin xusuus huwan farxad iyo faan marka laga eego sida dadwaynuhu ugu istaageen xaqooda una qab jabiyeen ciidamdii xoogga badnaa ee Itoobiya iyagoo difaacay madaxdii iyo magacii umadda.

Waxayna noqotay arrin lagu faani karo taariikhdana gashay sidii dadwaynaha reer Wardheer oo aan haysan hub u dhigma kii ay wateen Ciidamada Itoobiya iyo sida ay u difaaceen Magaaladda iyo madaxdii shacbiga, inkastoo dad rayid ah oo aan waxba galabsan ay ku dhinteen, waxay mudan tahay maalintaasi xusuus gaara.

8-9 February 2015: Gobalka Shabeele Gaar ahaan Magaalooyinka kala ah- Beercaano,Ceelweyne,Hadhaawaxaa lagu Xasuuqay dad shacab ah oo aan wax galabsan,Dhamaan dadka Magaalooyin kaas lagu xasuuqay ayaa Maydkooda waxaa la isugu Keenay Garoonka Magalada Godey, iyadoo dadkii magaalada Murugo iyo ciil ay ku reebtay arinkaasi.

Xasuuqa caynkan oo kale ah ayaa dhaqan u ah Gumaysiga Itoobiya waana caadadooda inay intay dad shacab ah oon waxba galabsan laayaan kadibna in la Aaso u diidaan.

Isku soo wada duuboo Bishan February Taariikhadaas ayeey kulmisay Waxayna Shacabka Somalida Ogadenia xusaan Bishan iyadoo ah bil Murugo Waxayna utagantahay Xadgudub iyo Xasuuq loo gaystay dhamaan Bulshada noocayadeeda kala duwaan haba ugu badnaadaan Dadka Birimagaydada ah.

Dhinaca kalana waxay u tahay Halgan xaq udirir ah Maadama dadweynaha Somalida Ogadenia utagan yihiin in ay Gumaysiga madow iska qadaan dhib walbana u adkaystaan.

OYSU World Wide.

33331729Voice Of Somalia-Somali Leaks.

Ciidamadda Siiraaliyoon ee Soomaaliya ka Cararay oo Shaaciyay in Al Shabab ay La Socdaan Xogta Dagaalka ee Amisom

33318128

Kornel Abubakarr Conteh iyo Kornel Talieu Michael Brima, oo ka mid ahaa ciidankii ku soo duulay Soomaaliya ee dowladda Sierra Leone ayaa  wareysi siiyay warbaahinta gudaha dalkaas, kadib markii ay ka carareen howgalka loo keenay Soomaaliya oo ah mid fari ka qodnayn   waxayna ka hadleen xalada dalka Soomaaliya iyo dagalka ay kula jireen Xarakada Al Shabab.

Saraakisha ayaa mar wax laga weydiiyay dagalada Soomaaliya waxaa ay ku jawaabeen ” Soomaaliya dadka ku nool waa sida dad xan  badan,” oo ay ula jeedaan waa dad war heli og oo kala war haya.waxaa kale ku  sheegay  warbixinada la xiriira dagaalka, si dhaqsa leh ayuu u faafayaa, Xarakada Al Shababna ee aan dagaalka aan kula jirno waxaa ay si buuxda ugu warqabta Xogta Amisom, .

Sidoo kale waxaa uu sheegay in ciidamada siraaliyoon in safar dhanka dhulka ku yimaadeen dalka Soomaaliya iyagoo kasoo tagay wadanka kenya, iyagoo ay jiraan weeraro la yaab ale oo habeen iyo maalin kala hor imaayaeen Al Shabab,wuxuuna sheegay inow  ku adkaaday  dagaalka dhowlka howdka ah.

Waxa uu ku tilmaamay Xarakada A Al-Shabab sida hay’ad habaysan xeelado milatari oo kala duwan leh iyo tababaro.

Voice Of Somalia-Somali Leaks.

DHAGEYSO:-“ Waxaan ku Sigtay in Al-Shabaab Nolosha igu Qabtaan”

33317962

Gudoomiyaha gobolka Sh/hoose ee DF Cabdulqaadir Maxamad (Siidii) ayaa sheegay in uu ku sigtay in ciidamada Xarakada Mujaahidiinta Al-Shabaab nolosha ku qabtaan marar badan laakin uu ka badbaaday.

Wuxuu sheegay in isku daygii ugu dambeeyay uu ka dhacay hotel uu ka daggan yahay degmada Baraawe ee gobolka Sh/hoose, wuxuuna tilmaamay in dhaawacyo ay kasoo gaareen weeraro badan oo uga yimid dhanka mujaahidiinta.

Sidii ayaa sidoo kale ka hadlay qaabkii loo dilay gudoomiyihii degaanka Marin gubaay ee dhaca inta u dhaxaysa Baraawe iyo Buulo-mareer.

Halkan Ka Dhageyso Cabdulqaadir Siidii

Xigasho:idaacadda Alfurqaan.

32932823

Voice Of Somalia-Somali Leaks.

DHAGEYSO:-Warbixin Ka Hadlaysa Ciidamada Dowladda oo Bilaabay inay La Goostaan Gawaarida Dagaalka.

33280266

Niyad jabka heysta Maleeshiyaadka Dowladda ayaa dhaliyay inay ka baxsadaan Sufuufta ciidamada Dowladda Federaalka.

Ciidamada ayaa ka cabanaya Daryeel La’aan iyo Welwel ka haysta bad qabka Noloshooda, maadaama har iyo habeen ay lakulmaan weeraro joogto ah oo kaga yimaada shabaabul Mujaahidiin.

Gobalka Shabeelaha Hoose ayaa kamid ah Gobalada ay iska dhiibaan Ciidamada Dowladda Federaalka.

Gobalkaan Wuxuu wilaayaadka kala mid yahay askarta ka goosta Dowladda Federaalka Balse waayadaan danbe waxaa udheeraa Gobalka Ciidamo Gawaari dagaal wata oo isku dhiibay wilaayada shabeelaha Hoose.

Gawaari Cusub oo loo qeybiyay Maleeshiyaadka ayay la baxsadeen Taasi oo ay ka argagaxeen shisheeyaha bixiyay Gawaaridaasi.

Hadaba Warbixin dheer oo arimahaasi faafaahineysa hoos ka dhageyso.

Halkan Guji oo Dhageyso Warbixinta.

XIGASHO-Radio Alfurqaan.

33280382

Voice Of Somalia-Somali Leaks.

Dagaalka USA ee Somaliya Waa Fashilmay.W/Q Idiris Xasan.

33265053

Soomaaliya waa dal hodan ah allaahna uu ku manaystay khayraad badan oo ay ka indh la’yihiin Soomaalida.

Soomaalida oo ah dad isla qob weyn ayaa hadda noqday kuwa duli uu ku dul habsaday mid kastana uu udhuumanayo Dowladda Itoobiya oo Soomaaliya ka leh dano guracan.

In badan Soomaalida waxaa kamid ah siyaasiyiin wadaniyiin ah oo si weyn kaga soo horjeeda faragalinta lagu hayo Soomaaliya,waxaana siyaasiyiintaasi kamid Idiris Xasan Faarax oo ku sugan Finland.

Idiris Xasan Faarax ayaa qoraallo badan  ku sheegay inuu fashilmay colaada reer gabeedku ka hurinayaan Somaliya iyo adeegsiga ay adeeg sanayaan ciidamada cadawga Xabashida Tikreega,Kenyatiga iyo waxa loogu yeero AMISOM.

“Soomaliya waa wadan muslim ah 100%. Hadaba sideebay ku dhici kartaa in Soomaliya laga suuliyo dhaqanka islaamka ama loo sheego siday u noolaanayaan, qaabkay dawlad u dhisanayaan, sharciga ay samaysanayaan iwm,isla markaana ay Soomalida oo dhana sidaa wada aqbalaan!!?Ayuu Idiris ku yiri qoraal uu soo saaray oo nuqul kamid ah soo gaaray mareegta sabaax.

“Caga juglayn maan ooga tagnaa dhammaan waxa aan xaquuq u leenahay oo dhan!!? sideen u wada aqbalnaa in gaal Maraykan ah nagu xukumo wadankeena!! oo kii diidaana uu argagixiso u noqdaa!!!? miyayna idiin muuqan inaan ka nimid dawladnimo , daris wanaag,cisi iyo sharaf!! hadana aan taaganahay, baaba, colaad, gumaysi, iyo daciifnimo!! sideen u aqbalnaa in nagula caawiyo inaan is xasuuqno kadibna nala gumaysto sida hada taagan!!! ?hada waxaa afka furtay ninka la sheego inuu wakiil uyahay waxa lagu sheego qaramada midoobay!! asagoo leh hiigsigii 2016 baa mugdigalay!!!Ayuu hadalkiisa raaciyay Idiris Xasan Faarax.

Ugu danbeyntii Idiris Xasan Faarax ayaa sheegay hiigsiga  2016 inuu yahay hiigsiga gumaysiga Soomaliya islmarkaana aysan usuurtagalaynin.

 

 

W/Q Idiris Xasan.

SAWIRO+WARBIXINO:-Ururka Ictisaam oo Taageeray Duullaanka Itoobiya Ee Soomaaliya,Kulan Shaqooyin Lagu Kala Qeybsaday oo Villa Somalia Ka Dhacay.

33161016

Ururka Al Ictisaam oo ay ku mideysanyihiin inta badan wadaada Xumaasha Soomaaliyeed ayaa iclaamiyay in uu taageersanyahay duullaanka ciidanka shisheeye ay kusoo qaadeen dalka Soomaaliya.

Hoggaamiyaasha Al Ictisaam ayaa geed fadhi u noqday agaasinka duullaanada ka dhanka ah wilaayaadka islaamiga ah ee dhaca Koonfurta iyo bartamaha dalka Soomaaliya iyagoona sharciyad siiyay maamullada gumeystuhu ku adeegto.

Haddii Kaalinta Wadaada Al Ictisaam ay ahaan jirtay dacaayadeynta Jihaadka Soomaaliya iyo mujaahidiinta Jidka Alle ku dagaalamaysa maanta marxaladdaasi way ka gudbeen waxayna bilaabeen in galaangal toos ah ku yeeshaan duullaanka saliibiga ah ee dalka Soomaaliya lagusoo qaaday.

Fagaarayaasha caalamiga ah iyo kuwa maxalliga ah ee loogu tashanayo shacabka Soomaaliyeed waxaa dhax taagan wadaad kamid ah wadaada xumayaasha “Ictisaam” isku magacaabay iyagoo fataawaad la doolareeyay soo saaraya.

Kulamo Muqdisho iyo Garoowe Ka Dhacay.

Cumar Cabdi Rashiid Sharmaake R/wasaaraha DF-ka ayaa magaalada muqdisho kulan kula qaatay saraakiil Ictisaam katirsan oo uu kamid yahay Sheekh Bashiir Axmed Salaad hoggaamiyaha kooxda wuxuuna kulanku ahaa mid arrimo badan looga hadlay.

Ilo xog ogaal ah oo ay SomaliMeMo ka heshay dhanka xafiiska R/wasaaraha ayaa sheegaya in labada dhinac isla garteen xoojinta dagaalka lagula jiro islaamiyiinta Soomaaliya ka halgamaya.

Cumar Cabdi Rashiid ayaa Ictisaam u balanqaaday in xilal wanaagsan lagasiin doono xukuumadda islamarkaana ay muhiimad gaar ahn siinayso Wadaada xumayaasha.

Ina Cabdi Rashiid oo hadlayay ayaa yiri “Kooxda Al-shabaab waa koox baadi ah, kamana turjumayaan u jeedooyinka iyo qiyamka sarreeya ee diinta Islaamka. Xukuumadda aan soo dhisi doono waxa ay balanqaadaysaa in ay kaalin mug leh siin doonto culimada si loo cirib tiro fikirka qalafsan ee kooxda Al-shabab. Kaalinta culimadu waxa ay noqoneysaa mid wax ku-ool, laf-dhabarna u ah horumarka dalka, waxaana kaalin mug leh laga siin doonaa talada dalka iyo go’aamada la gaarayo”.

Bashiir Axmed Salaad ayaa isagoo wajigiisa farxad laga dareemayay Cumar Cabdi Rashiid u sheegay in dhankooda ay bixinayaan taageero walba oo lagula dagaalamayo xarakada Shabaabul Mujaahidiin oo ay u yaqaanaan “Khawaarij,Ghulaad,Argagaxiso”.

Kulanka Xafiiska Cumar Cabdi Rashiid ka dhacay oo wajiyo kala duwan oo culimaa’usuuga kamid ah kasoo muuqdeen ayaa gaba gabadii wuxuu isku bedelay sedax geesood,laba kamid ah hoggaamiyaasha Ictisaam iyo Cumar Cabdi Rashiid ayaa ku kali noqday waxaana la xaqiijiyay in dukumiintiyo lagu kala saxiixday.

Hoggaanka Ictisaam ayaa DF-ka u xaqiijiyay in fakar ahaan ay taageersanyihiin guluf dagaaleedka ka dhanka ah shabaabul Mujaahidiin iyo shacabka ay maamulaan ayna u arkaan dagaal xaq ah!!.

“Dagaalka ka dhanka ah kooxahan baadiyaysann melleteri oo kali ah laguma najaxin karo waa in dhanka Fikirka la xoojiyaa” sidaasi waxaa yiri Bashiir Salaad oo Al Jazeera lahadlay.

Ictisaam ayaa N.Kay iyo Cumar Cabdi Rashiid u gudbiyay talooyin dhowr ah oo dhammaantood ku saabsan qaabka loo wiiqi karo mujaahidiinta Soomaaliya.

Kulan kale oo Garowe ka dhacay:Xubno katirsan Ictisaam ayaa booqday qunsuliyadda dowladda Itoobiya ee magaalada Garowe waxaana kulankaasi ku wehliyay sarkaal katirsan maamulka Puntland.

Xubnaha Ictisaam ayaa qunsulka Itoobiya ugudbiyay dalab ay ku sheegeen “ogolaashiyaha dacwa faafin gudaha dhulka soomaalida Itoobiya gumeysato ah”,isla kulanka Garoowe ayay Ictisaamku u sheegeen Itoobiyaanka in ay taageersanyihiin maamulka Puntland ayna la shaqeynayaan maamulka Cabdi ileey ee dhulka Somaligalbeed kajira.

Shaqoon ay kala qeybsadeen Ictisaam iyo Dowladda Federaalka.

Ilo wareedyo mas’uul ah ayaa sheegaya in Kooxda Ictisaam iyo DF-ka ay kala qeybsadeen shaqooyin ka dhan ah jihaadka soomaaliya dhammaantoodna lagusii dheeraynayo cimriga gumeystaha dalka soomaaliya kusoo duulay.

Shaqooyinka Ictisaam loo xil saaray waxaa kamid ah xiriirinta maamullada Axmed madoobe,Puntland iyo DF-ka waxaana lafilayaa in dhammaan maamullada dabadhilifyada ah ee Soomaaliya kajira ay galaangal siyaasadeed ku yeeshaan.

in waxbarashada Soomaaliya lagala dagaalamo jihaad iyo wax iska caabinta sharciga ah dhalinyaradana loo diyaariyo hanqal taagga siyaasadda ku dhisan dabadhilifnimada.

Kooxdan ayaa saraakiil laga siiyay sirdoonka DF-ka iyo howlwadeenno ka shaqeyn doono wasaarado dhowr ah oo dowladda Federaalka katirsan halka Ictisaamka Puntland ay wasiirro ku leeyihiin maamulka Cabdi Wali Gaas.

Dalka soomaaliya ayaa maraya marxalad xasaasi ah ciidan ku dhaw 100-kun oo Askar Itoobiyaan ah ayaa qabsaday gobollo dhaca Koonfurta iyo bartamaha dalka Soomaaliya waxay ku xad-gudbayaan sharafka hablaha muslimaadka ah,hantidii shacabka soomaaliyeed ayuu gumeystuhu qaadanayaa.

Baybalka baadilka ah ayay calooshood u shaqeystayaasha Afrikaanta ah ku faafinayaan gobollada dalka qofkii isku daya in uu ka hortagana Ictisaam ayaa ku tiimbaraynaya “Khawaarid,Argagaxiso” iyo erayo kale oo kasii liita.

Mar sidaan oo kale dadkii waxgaradka iyo culimada loo nisbeynayay ay safka gumeystaha kusii qulqulayeen ayuu gumeysi siid soomaaliyeed ku duceystay “Alloow lakala miiranye Mililik hana raacsiin”.

Mar walba oo xogaha xaqiiqda ah ay warbaahinta islaamiga ah ka qorto Ictisaam ayay ictisaam ku hadaaqaan “SomaliMeMo sida Yahuudda ay u dhaqantaa,Culimada ayay gaalaysiiyeen IW”.
https://i2.wp.com/wata.cc/up/2014/12/images/w-696878ca38.jpg
https://i1.wp.com/wata.cc/up/2014/12/images/w-d3738f107c.jpg
https://i2.wp.com/wata.cc/up/2014/12/images/w-6083ca8ab4.jpg
https://i1.wp.com/wata.cc/up/2014/12/images/w-88e760a497.jpg
Bashiir Salaad iyo Nuur Baaruud oo ka qeyb gelaya shir loogu magac daray la dagaalanka Argagaxisada oo Muqdisho ka dhacay.

33161094

Voice Of Somalia-Somali Leaks.

Soomaalidu maxay ugu xilatay Itobiya?

33130473

Run ahaantii ma’ihi qoraa, murti iyo halabuura uma dhalanin, balse waxaan qabaa waxa igu kalifay in aan ka qoro qoraalkan.

Su’aashani waa mid xanbaarsan murti balaadhan, balse dadku ay ku kala gadisnaan karaab ,jawaabaheeda,aan dib u fiirino taariikhda soojireenka ah iyo xaqiiqda dhabta ah.

Waxaan qoraalkan kaga hadli doonaa 6 qaybood oo itoobiya aan mid naba looguxilan Karin, Waxayna Kalayihiin Lixda Qodab Sidatan.

1:Diinta

2:Dhaqanka

3:Dhaqaalaha iyo Technologyada.

4:Dhulka.

5:Maamulkaiyocadaalada.

6.Dabar goynta,burburinta iyo boobka dhulka iyo dadka soomaaliyeed.

Qodobka 1aad Diinta.

Markaaan kahadlayno diinta itoobiya waxaa kunool 73 qowmiyadood oo mid walba kuhadasho luuqad ugaarah, aaminsan diino kala gadisan, hadaad akhrido tastuurka Itoobiya waxuu qeexayaa in diinta kaliya ee muqadaska ah ee shucuubta itoobiya in ay tahay mida orthodocska, islamarkaana waxaa lagu qeexay calanka itoobiya oobarta jaalaha ah, waxay utaagantahay diinta ,marka diintee weeye?calaamada jaalaha ah ee kutaala calanka itoobiya,Jawaab: waxay u taagantahay diinta ortodocska.

markii loo qalayo xoolaha nool ciidanka itoobiya waxaa lagu qalaa itoobiya ha israacdo taas waxay kuucadaynaysaa in wax diin ah oolagu qalay neef kaasi uu san jirin sababtoo ah Laguma xusin magaca ilaahay waana shay xaaraan ah in lacunaa.

markii la barbardhigo diinta dad ka soomaali du aamin san yihiin waadiinta Islaamka 100%. diinta islaamku waa mid waadix ah oo uu ku cad yahay talaabo walba oo laqaadayo, laqaaday ama laqaadidoono iyo dhaqanka suuban ee ibniaadamnimo.

waxa kunool itoobiya dad islaam ah balse laga soobilaabo xiligii Iimam Axmed Ibrahim (Axmed Guray) intii kadanbaysay waa dad ay haysato dawlad gaala ah oogumaysata.

Waxaa kamid qowmiyadahan islaamka ka ah: Somali, Oromo, Canfar, Harariyiinta, Binishangulka, Qaar kamida guraagada iyo qaar kale.

Marka mala odhankaraas oomalidu waxay ugu xilatay itoobiya waa diin, maya marka haday jawaabtu tahay maya maxaa ku kalifay madaxda soomaaliyeed in ay itoobiya u aadaan sidii xajka, ama mid kasta oo xil loo dhiibo uu ugu dabadha qaa itoobiya, maxaa kalifay in wadaniyadii, islaanimadii iyo soomalinimoda laga raaco itoobiya, waxaan cusbayn oo jirtay in laga soo bilaabo 1995 ilaahada , maamulada soomaaliyeed,ayu adeegaan itoobiya iyaga oo, dad soomaaliyeed oo walaaladooda ah, oo kasoo cararay cadawga madow dib gacanta cadawga u galinayay.

Waxaa jirtay odhaah soomaaliyeed loogu jawaabay mid kamid ahaa, u adeega yaasha itoobiya oo lagu yidhi( isku dar labada dhanba oo imisaa soomaali laga dilay).

Waxaa kale oo Iyana aan cusbayn in nabad galiyadii lagu waayay walaal tinimo, ee ay ku baa ba’een da’yar farabadan oo soomaaliyeed manta cabsida Gabre kukeeno, ma is waydiisay maxay tahay, rabitaanka dhabta ah ee itoobiya, ee ku aadan dhulka soomaaliyeed?, ma akhriday, 2007 waraaq da uu madax waynihii hore ee itoobiya Mengistu xayle Mariam usoo diray Melese Zenawi, kadib markii ciidamada itoobiya aysoo galeen soomaliya, Mengistu waxuu qoray waraaq bogaadin ah, isaga oo sheegay in uu M.Zenawi dhamaystiray riyadii uu aamin Sanaa mudo badan, taas oo ahayd ( ciidamada itoobiya oo ka talinaya xamar dakadeeda).

Kadib markuu Zenawi helay waraaqdan waxuu ku dhawaaqay in uu cafiyay Mengistu oo isagu ka cararay wadanka markii laga qabsaday 1991 kunanool koonfurta Africa.

Lasoco qaybta Danbe ee qoraal kan iyo dhaqanka.

Mahadsanidiin.

Abshir mohamed

Minneapolis,USA

Khilaaf Daran oo Kala geeyay Axmed Madoobe iyo Ku Xigeenkiisa,Fartaag oo Shuruudo Adag ku Xiray Arrinta Kismaayo.

33098023 (1)

Khilaaf xooggan ayaa soo kala dhaxgalay Hoggaanka maamulka Kenya raacsan ee kajira magaalada Kismaayo xarunta Jubbada Hoose.

Dagaal Ooge Axmed Madoobe iyo ku xigeenkiisi Cabdullahi Sheekh Ismaaciil Fartaag ayaa dhabarka isku jeediyay kadib dilal qorshaysan oo maleeshiyaadka Axmed Madoobe ku fuliyeen shakhsiyaad aan hubeysnayn iyo saraakiil ay qaraaba yihiin Fartaag.

Ilo wargal ah ayaa SomaliMeMo u sheegay in Fartaag uu isaga cararay magaalada Kismaayo isagoona gaaray magaalada Nairobi halkaasi oo uu askhtako ka dhan ah Axmed Madoobe geeyay.

 Jeneraal Gabre taliyaha ciidanka Itoobiya ee Soomaaliya ku sugan ayaa Axmed Madoobe ku amray in uu la shaqeeyo Fartaag oo Itoobiya doonayso in ay ka dhigato wakiilkeeda Jubbooyinka,wararka ayaa intaasi ku daraya in saraakiil Kenyan iyo Itoobiyaan ah ay Axmed Madoobe iyo C/llaahi Fartaag  ku kulansiiyeen magaalada Nairobi balse lama oga waxa kulankaasi kasoo baxay.

Fartaag ayaa si cad u sheegay in naftiisa uu uga baqayo maleeshiyaadka Axmed Madoobe kadib markii ay dileen saraakiishiisi gaarka aheyd waxaana si dirqi ah ku badbaaday Yaasiin Raadaar.

Siyaasiyiin diiday in magacyadooda la adeegsado ayaa sheegay in Fartaag uu shuruudo adag ku xiray la shaqeynta Axmed madoobe waxaana shuruudahaasi kamid ah

1-in maleeshiyaadka dhanka Axmed madoobe taabacsan lagasoo qaado xaafado ay Guul wade kamid tahay islamarkaana ciidan isaga beeshiisa kasoo jeedo ay wax ka sugaan ammaanka Kismaayo.

2-in la joojiyo dilalka dadka kasoo jeedo beesha Mareexaan oo joogto ka noqday Kismaayo.

3-in isaga xuriyad loosiiyo in maleeshiyaadka Goob weyn ku sugan uu maamulka kusoo daro qeybna ku lahaadaan dhaqaalaha dekadda Kismaayo.

Max’med Warsame Darwiish oo xubin ka ah maamulka Jubbaland isku magacaabay ayaa Axmed Madoobe ku cadaadiyay in uu iska fogeeyo Fartaag.

Si kastaba ha ahaatee maamulka gumeysiga la shaqeeya ee Kismaayo kajira ayaa wajahaya laba caqabadood oo kala ah dagaalka uu kula jiro Mujaahidiinta iyo loolanka dhanka beelaha ee dhaxdiisa kajira.

Liibaan Jeexoow Cabdi
SomaliMeMo,Muqdisho

DHAGEYSO:- Maxay yihiin Ciidanka Gaashaan”ALFA”,Yaa Sameeyay,Maxaa loo sameeyay?

33002479

Aqoonyahan Cabdulqaadir Cali Yarow  ayaa sawir guud ka bixiyay ciidamada ALFA ama GAASHAAN  oo  ah magac looga yaqaan Muqdisho,wuxuuna sheegay in  Mareykanku u sameystay ciidankan.

Ciidanka Gaashaan ayaa ayaa waxaa gaaray qasaaro xoog badan ka dib markii qarax lala helay.

Aqoonyahanka ayaa intaa ku daray in ciidanka Alfa iyo kuwa lamidka ah ee shisheeye mari doonaan wadada kuwii iyaga uga soo horeeyay Soomaaliya iyo sidoo kale dhabbihii ay qaadeen ciidamadii Mareykanka ee ku duulay Afganistaan.

Voice Of Somalia-Somali Leaks

VIDEO:-Meydadka Askar iyo Saraakiil Ciidanka Uganda Looga Dilay Weerarkii Xalane oo Magaalada Kampala lageeyay.

32944098

Dowladda Uganda ayaa sheegtay in meydadka askar iyo saraakiil looga dilay weerarkii maalmo ka hor ka dhacay saldhigga Xalane ee Muqdisho dib loogu celiyay dadkooda.

Magaalada Kampala ayaa laga dajiyay meydadka 3 askari oo mid kamida uu ahaa Jeneraal sare oo kamid ahaa ciidanka melleteriga Uganda ee ka dagaalamaya Soomaaliya.

Wasiirka difaaca xukuumadda Uganda oo tegay garoonka diyaaradaha Kampala oo xilligaasi laga dajinayay meydadka ciidanka lagu laayay Muqdisho ayaa walaac ka muujiyay dhibaatada heysata ciidankooda Soomaaliya ku duulay.

isagoo hadlayay ayuu yiri “Maanta waxaa dalka dib loogusoo celiyay askar iyo saraakiil ciidanka qaranka katirsanaa oo lagusoo dilay Soomaaliya waxay ahaayeen geesiyaal Al Shabaab kula dagaalamayay Soomaaliya”.

Taliyaha ciidanka lugta Uganda David Muhoozi oo isna lahadlay warbaahinta ayaa sheegay in ay ka murugeysanyihiin wixii ciidankooda ku qabsaday xerada Xalane ee magaalada Muqdisho.

“Nasiib darro sedax katirsan saaxibadeena oo midi yahay sarkaal ayaa lagu dilay weerarkii Muqdisho maanta meydadkooda ayaan soo dhaweynay”ayuu yiri David Muhoozi.

Wararka ayaa intaasi ku daraya in saraakiil Yugaandheys ah dhaawacydoodu halis yihiin loo dhoofiyay wadankooda,tani waxaa khasaaraha kaliya ee Uganda kasoo gaaray weerarkii Xalane ee ciidanka Shababul Mujaahidiin fuliyeen waxaana larumeysanyahay in ay ka khasaara badanyihiin ciidanka Burundi iyo hay’adaha caddaanka ah ee Xalane deggan.

Voice Of Somalia-Somali Leaks

Itoobiya oo Dalkii loo gacan geliyey! Qore: Cabdulaahi Ibrahim Cumar.

32752069

Siyaasiyiinta Soomaalida, ayaa dalkii u gacan geliyey taliska Xabashida ee ay hormuudka u tahay Qowmiyadda Tigreeda xilli rajo laga qabay qaran Soomaaliyeed oo mid ah islamarkaana madax banaan, waana waxa ay ku saabsan tahay qormadan gaaban.

Itoobiya ayaa si dadban u la wareegtay dalkii, Iyadoo ka faa’iideysaneysa kala qeybsanaanta dadka Soomaalida ah iyo waliba waxtar-xumida Siyaasiyiintooda.

Maadaama ay labada dal u dhaxeyso colaad gaamurtay oo salka ku hayso muran xagaa dhulka ah iyo waliba cidda hurmuudka u noqoneysa Mandaqan Geeska Africa, ayaa waxa ay taasi keentay in labada dal uu midba midka kale u arko cadow ay qasab tahay in la burburiyo.waana siyaasadaa ay Itoobiya kula dhaqmeyso dalka Soomaaliya ilaa maanta.

Iyadoo ay Itoobiya ka duuleyso aragtida aan kor ku soo xusay oo ay waliba la qabto Walaasheeda, taas oo uu markii danbe cadeeyey Madaxweynihii hore ee Kenya Daniel Ara Moi sanadku markuu ahaa 2003 xilli uu khudbad ka jeedinayey Jaamacad ku taallo Dalka Maraykanka.Aragtidaas oo oroneysa Soomaaliya oo leh dowlad xoogan waxa ay qatar ku tahay jiritaanka dalalka Itoobiya iyo Kenya.

Markale Iyadoo Itoobiya ka falcelineyso, weerarkii ay Soomaaliya ku qaaday Itoobiya Sanadku markuu ahaa 1977. kaas oo ugu danbeyn keenay, in ay ciidamada Soomaalida muddo gaaban gudahood ku qabsadaan dhamaan dhulkii ay Xabashidu ka haysatay dadka Soomaalida ka dib markii loo xoogsheegtay ciidamadooda.Intii waqtigaasi ka danbeeysay, Waxa ay Dowladda Itoobiya u kabagashatay sidii ay u burburin lahayd dalka Soomaaliya wadda kastaaba ha u marto.

Dagaalkii 77 ka dib, Waxa ay Itoobiya bilowday qorshe ay ku burburineyso Soomaaliya, Iyadoo isticmaaleysa jabhado Soomaali ah. Qorshahani ayaa saldhig looga dhigay siyaasadda qeybi oo xukun,Kaas oo ugu danbeyn keenay in la rido Dowladdii markaasi jirtay.

32743566 (1)

Jabhadaha SNM,SSDF,USC iyo SPM ayaa ugu danbeyntii suurtageliyey in ay fusho riyadii ay Itoobiya ku riyoon jirtay ee ah in ay aragto Soomaaliya oo burburto, Islamarkaana lagu kala carara.

Hadaba maxaa sameysay Itoobiya markii ay dhacday Dowladdii Soomaaliyeed ? ma faraha ayey kala baxday arimaha Soomaaliya mise halkeedii ayey ka sii waday faragelintii iyo fowdadii ay waday ?

Markii ay dhacday Dowladdii Dhexe ee uu Madaxweynuhu ka ahaa Maxamed Siyaad, Waxay ay Itoobiya halkeedii ka sii waday qorshaheedii burburinta ahaa,Iyadoo sii hurineysay dagaaladii sokeeye ee dalka ka socday, sidoo kalena hubeysneysey hadba qabiilka ama Jabhadda ay u aragto in uu fulinayo maslaxddeeda si uu u sii socda dagaalka iyo burburka.

Iyadoo ka duuleysa siyaasaddeeda ka kooban labada qodob ee kala ah, in marka hore la fashiliyo iskuday kasta oo lagu doonayo in lagu dhiso dowlad Soomaliyeed oo xoogan, iyo haddii uu fashilmo iskudaygaasi, in gacanta lagu dhigo shaqsiyaadka horbooda siyaasadda Soomaaliya laga bilaabo heer degmo ilaa heer qaran, taaso oo ugu danbeyn  u suurtagelineysay in ay gacanta ku hayso dowlad kasta oo la dhiso.

Hadaba si ay u xaqiijiso qodobkaasi danbe waa Itoobiye, islamarkaana aysan Soomaaliya u maamulin kooxo iyo Shaqsiyaad aan Iyada xiriir la lahayn, Waxa ay qaaday duulaamo dhowr ah oo ay kula dagaalameyso ururadaasi,Waxaana ka xusi karnaa duulaamadaasi kii ay ku qaaday Maxkamadihii Islaamiga, Iyadoo markaasi ku marmarsiineysay in ay caawineyso Dowladdii uu Madaxweynaha ka ahaa C/laahi Yuusuf.Alla muxuu taariikh madow ka tagay.

Hadaba si ay gacanta ugu dhigto maamulada dalka ka jira haday ahaan lahaayeen heer degmo,heer gobol iyo waliba heer qaran Waxa ay soo barbaarisay Siyaasiyiin Soomaali ah,kuwaas oo ugu danbeyn u suurtageliyay in ay si dadban ula wareegto dalka, Islamarkaana ay Iyadu noqoto cidda kaliya ee wax laga weydiiyo mustaqbalka Soomaaliya iyo waliba nooca dowlad ee loo dhisayo.

Hadaba su’aasha meesha taalaa waxaa weeye siyaasiyiinta Soomaalidu dalkii ma u gacan geliyeen Itoobiya  mise maya ? Jawaabtu waa haa maxaa yeelay, ma jiro deegaan ku yaallo Soomaaliya oo aysan Itoobiya saameyn toos ah ku lahayn marka laga reebo inta yar ee ay gacanta ku hayso Xarakada Al-shabab.Waan ku celinayaa mar kale ma jiro deegaan ku yaalo Soomaaliya oo aysan Itoobiya si toos ah u maamulin haday ahaan lahayd Somaliland,Puntland,Jubaland,Koonfur Galbeed iyo waliba Gobolada Dhexe.

Sidaan kor ku xusayba,Waxa ay awood u leeyihiin Sirdoonka Itoobiya in ay cidda ay rabaan ka soo qabtaan dhamaan deegaanada uu ka kooban yahay dalkan marka laga reebo deegaanada ay gacanta ku hayso Xarakada Al-shabab.taasna waxaan u malaynayaa in ay ila qabaan dad badan oo Soomaaliyeed oo aan xaqiiqda ka gabaneynin.Amma beenaalayaasha iyaga ayey u taal

Bal si ay u qancaan dadka Soomaaliyeed ee jecel wanaagga dalkooda, Islamarkaana ay u ogaadaan in Siyaasiyiintooda ay dalkoodii u gacan geliyeen Xabasho, Xilli laga rajo qabay qaran Soomaaliyeed oo mid ah, islamarkaana madax banaan  bal aan keeno tusaalayaal dhowr ah.

1-Waxaan maalin dhexdaasi ah la hadlay, nin ka tirsan maamul ka mid ah gobolada soomaaliya,Waxaana weydiiyey goorta la dhisayo maamulka gobalka iyo degmooyinkiisa.Waxa uuna ii sheegay ninkaasi, in la sugayo ninka Itoobiya u qaabilsan gobolkaasi marka uu yimaadana la dhisi doono maamulka gobolka.Waxaan weydiiyey aaway maamul goboleedkii la sheegayey iyo Dowladdii Federaalka ? Waxa uuna iigu jawaabay Anaga Itoobiya ayaa nalaga xugumaa, Iyada ayaana sugeynaa !!

2-Waxaa maalin dhexdaasi ka dhacday Magaalada Baydhabo,rawaayad aad u qosol badan oo ay Itoobiya ku soo bandhigtay Magaalada, ka dib markii ay si qasab ah uga dhigtay Shariif Xasan Sheekh Aadan Madaxweynaha Maamulka Koonfur Galbeed, Iyadoo ganafka ku dhufatay Maamulkii ay dhisteen dadka reer koonfur Galbeeed,taaso oo runtii ku tusineysa heerka ay gaarsiisan tahay saameynta ay Itoobiya ku leedahay dalka.

3-Itoobiya, Waxa ay dhawaan heshiis ballaaran la gashay Maamulka Somaliland xilli ay dalka ka jirto Dowlad Dhexe,Taas oo muujineyso in ay Itoobiya sameyn karto waxa ay rabo, islamarkaana ka sameyn karto gobolka ay doonto, Iyadoo xitta aysan  jirin cid ku canaanatay heshiiskaasi sharcidarada ah walaa Madaxweyne walaa Xildhibaan walaa Xeer-ilaaliye Qaran.

Dhamaan qodobadii aan xusay iyo kuwa kale oo badanba, Waxa ay na tusayaan in siyaasiyiinta Soomaalida ah ay dalkii u gacan geliyeen Xabashi, taas oo runtii ah wax laga xumaado. tusaale ahaan waxaad arkaysaa mararka qaar siyaasiyiin ku doodayo in aysan suurtagal ahayn in xil sare laga qabto Soomaaliya hadaanan taageero laga haysan Itoobiya.

Waxyaabaha layaabka badan ee la sheega waxaa ka mid ah, in ay wasiiro ka yihiin Dowladda Federaalka ah rag ku xiran sirdoonka Itoobiya,Kuwaas oo gudbiya sirta Madaxda Soomaalida gaar ahaan Dowladda Federaalka.taas oo runtii ceeb iyo yaxyaxba ku ah dadka Soomaaliyeed ee taageera Dowladda Federaalka oo aan Aniguba ka mid ahay.

Waxaan runtii isweydiiyaa mararka qaar sida aan u taageeri karno siyaasiyiin noocan ah. tusaale ahaan waan yaxyaxaa markaan maqlo Gabre ayaa la isku cabsiyaa Xamar. ama Madaxda Somaliland iyo Puntland ayaa isku garbiyo taageerada Dowladda Itoobiya. taas waxaa ka daran markii ay ogolaadeen Siyaasiyiinta Soomaalida ah, in ay Itoobiya ka mid noqoto Howlagalka Amisom, Iyagoo og xasaasiyadda ay dadka Soomaaliyeed ka qabaan ciidamada Itoobiya.
Maadaam ay jirto colaad gaamurtay u dhaxeysa labada dal, Islamarkaana uu jiro dhul ay Itoobiya ka haysato Soomaaliya, Waxa ay ahayd inaanan marna la ogolaanin, in ay ciidamado Itoobiyaan ah cagta soo dhigaan ciidda Soomaaliya daruuf kasto oo jirtaba laakiin dad ay siyaasiyiin u yihiin Cabdi wali Gaas iyo wax ka mid ah xagay gaarayaan.Midda kale haddii ay sidan noqotay Tigreedii Shalay la caawiyey sow ma mudna in la isweydiiyo in la soo dhaweysan karo Amxaar qowmiyad kastaaba ha ka soo jeedee ?

Gaba gabadii, waxaa ku leeyahay siyaasiyiinta Soomaaliyeed ceebay idin ku tahay inaad dalkiina u gacan gelisaan dal cadow ku ah qaranimadiina.Sidee ku ogolaateen in la idinka xukumo caasimaddii Shalay laga burburiyey dalkiina ? Aaaway damiirkiinii sowse ma ogodiin in ay qormeyso taariikh oo la oran doono hebel waxa uu ahaa ninkii sidaas iyo sidaas sameeyey. Ma ogtihiin inaad isku darsateen karti-xumo,musuq maasuq,qabyaalad,dabadhilifnimo iyo waliba muran badan. Ilaahow kuwan naga qabo adaa qaadiree.

Hadda maxaa lagu tilmaami karaa Siyaasiyiinta ku shirsan Magaalada Istanbuul ee ka kala socda Dowladda Federaalka iyo Mamul Beeleedka Somaliland.Haddii ay dhab ka tahay in la wadahadlo maxaa diiday in lagu wadahadlo gudaha dalka sida Magaalooyinka Muqdisho,Hargeysa,Boosaaso iyo Baydhaba ? Dalxiis iyo tamashle iga dheh.

Maadaama ay ku fashilmeen Siyaasiyiinta Soomaalida hogaaminta dalka iyo waliba dhismaha qaran Soomaaliyeed, sidoo kalena ay dalkii u gacan geliyeen cadowgii soo jireenka ahaa hadaba waxaan u soo jeedinayaa siyaasiyiinta Soomaalida ah talooyinka soo socda :-

 

  1. In aad la timaadaan aragtidii lagu dhisi lahaa qaran Soomaaliyeed oo mid ah islamarkaana Madax banaan.
  2. Hadaydan keeni Karin aragtidaas inaad Umadda ka hor leexataan si dalka loo badbaadiyo
  3. In aad dalka ka saartaan dhamaan ciidamadan ka soo jeeda Dowladaha Dariska ah gaar ahaan Itoobiya iyo Kenya oo runtii qatar ku ah jiritaanka qaran Soomaaliyeed oo mid ah.

 

Codsi: Waxaan weydiisanyaa Shacabka Soomaliyeed gaar ahaan dadka aqrin doona qormadan inaan  ka helo feedback si aan u ogaado in la ila wadaago aragtida aan ka qabo Siyaasiyiinta Soomalida iyo waliba saameynta ay Itoobiya ku leedahay dalkeena.

W/Q: Cabdulaahi Ibrahim Cumar
Abdull2006@hotmail.com

siyaasiga-soomaaliya-maanta-copy