DHAGEYSO:- Reer Muqdisho “Annagu dowlad ma haysano, niman na iibsanaya iyo gumeysi baa na haysta”

33470338

iyadoo dowladda federaalka  shacabka muqdisho ku eedeynayso in aanay la shaqeyn ayaa hogaamiyaasha bulshadu waxay sheegayaan in aanay dowlad haysan laakiin ay arkeen niman dhiigooda daadinaya kuna gura xabsiyada kadibna iibsada iyo gumeyste.

Nabadoon Warsame iyo Nabadoon Maxamuud oo reer Muqdisho ah ayaa iyagoo u waramayay Idaacadda Islaamiga ah ee Alfurqaan waxay ku dheeraadeen dhibaatada magaalada ka jirta.

Waxay ku taliyeen in loo baahan yahay in dagaal la isku xoreynayo  loo istaago.

HOOS KA DHAGEYSO

33468074

Voice Of Somalia-Somali Leaks.

DHAGEYSO:- GABAYGII KOOFIL IYO SAYID MAXAMED.

32921306

Dagaal-ooge caan ahaa oo ay ciidamadii gumaysiga Ingiriisku ku dhaaran jireen oo la odhan jiray Richard Corfield,Soomaaliduse ku naanaystay Koofil oo ay Daraawiishi ku makashay dagaalkii Dulmadoobe ee 1913kii ayuu Sayidku gabaygan ka tiriyey.

Koofil wuxuu ka mid ahaa madaxda sare ee gumaysiga Ingiriiska dalka Soomaaliya wakiilada uga ah, wuxuuna gaar ahaan hoggaamin jiray col la odhan jiray (Camel Corps) Soomaaliduna u taqaanay Rakuubley.  Col afar-lugood u badan oo awrta ku duula, sidaasna Rakuubley kula baxay ayuu ciidankaasi ahaa.

Daraawiish oo hore u weerartay beel beelaha Burco iyo agagaarkeeda dega ka mid ah, xoolo badanna kasoo mooroduugtay ayey Koofil iyo ciidan uu watay jidgooyo waxay u dhigeen Dulmadoobe.  Dulmadoobe waa buur gabbaad fiican, jidgooyada dagaalkana ku habboon.

Kolkay Daraawiishi suryada Dulmadoobe soo buuxiso dabka saara oo naf iyo maalba wax go’a, wax goosma iyo wax gacanteena soo gala ka dhiga ayuu Koofil amar ku bixiyey.

Bidhii waagaba hoos ayaa la isugu dhigay.  Judhiiba waxay ku dhagtay Koofil oo isla goobtii ku nafwaayey.  Mar haddii Koofil miimka alifka ku taagay, colkii uu watay wuu kala firdhay, Daraawiishina caymo uma galinee cagta ayey cagta u saareen ilaa ay gacanta ku dhigeen bakhtigii Koofil.  Mashaqo weyn oo aan la soo koobi karin ayaa halkaa Ingiriis iyo cawaamkiiba ka raacday, rag badan oo uu Koofil ugu horreeyo ayaana maalintaa xagga naarta u guuray.

Si aan shakiba u galin geerida Koofil, Daraawiishi madiixiisii iyo gacantiisii midig ayey Taleex geeyeen.  Sayidku dagaalkaa iyo dilka Koofil ayuu gabaygan caanka ah ka tiriyey.  Wuxuu yidhi:

  • Adaa Koofilow jiitayoon, dunida joogeyne
  • Adigaa jidkii lagugu wadi, jimic la’aaneede
  • Jahannamo la geeyow haddaad, aakhirow jihato

 

  • Nimankii jannow kacay war bay, jirin inshaalleeye
  • Jameecooyinkii iyo haddaad, jawhartii aragto
  • Sida Eebbahey kuu jirrabay, mari jawaabteeda

 

  • Daraawiish jikaar naga ma deyn, tan iyo jeerkii dheh
  • Ingiriis jabyoo waxaa ku dhacay, jac iyo baaruud dheh
  • Waxay noo jajuubteenna waa, jibasha diinneed dheh

 

  • Jigta weerar bay goor barqo ah, nagu jiteeyeen dheh
  • Anigana Jikrey ila heleen shalay, jihaadkii dheh
  • Jeeniga hortiisey rasaas, igaga joojeen dheh

 

  • Jiiraayaday ila dhaceen, jilic afkoodii dheh
  • Siday kuugu jeexeen magliga, jararacdii sheego
  • Billaawuhu siduu kuu jarjaray, jeerarka u muuji

 

  • Naf jaclaysigii baan ku idhi, jaallow iga daa dheh
  • Jaljalleecadii baa wadnaha, jeeb ka soo ruqay dheh
  • Jeedaaladii baa indhuhu kor, ii jillaadmeen dheh

 

  • Jimic kagama helin tuugmadaan, jeriyey ruuxii dheh
  • Kolkaan juuq idhaahdaba afkay, iga jifeeyeen dheh
  • Dhaaxaan jalleecee dhagbaan, jalaq la ii siinin dheh

 

  • Goortaan jarreeraba gafoo, nolol ka jaan qaaday
  • Sida janannadii hore tashigu, igu jaguugnaa dheh
  • Taladii jinnigu ii hor maray, jaasadeed helay dheh

 

  • Jiidaha xanuunka leh markii, la igu jeeraarshay
  • Jibaadka iga soo baxay dadkii, jiifka qaban waa dheh
  • Kolkay rubaddu jow tidhi or bay, iga ag jiibsheen dheh

 

  • Jiidhkaygiina bahalbaa cunoo, jiitay hilibkii dheh
  • Jurmidiyo baruurtii dhurwaa, jugux ka siiyaa dheh
  • Jiljiladiyo seedaha tukay, igaga jaaseen dheh

 

  • haddaan lays jikraareyn tolkay, laga jidroonaa dheh
  • Weligood waxaa lagu jaraa, jilib-dhig duulaan dheh
  • Daraawiishi waa jibindhowgiyo, jowga soo bixi dheh.

Sayidku intuusan gabaygan marin waxaa gabay warbixin ah oo dagaalku siduu u dhacay iyo sidii Ingiriis iyo cawaamkiiba ay caalsaaraha uga qaateen ku saabsan tiriyey Ismaacil Mire.  Anagoo Taleex naal gabayga ka kaca weeye.

Dagaalkaas waqtigaas i jiray oo kale ayaa maanta ka jita gayiga Soomaaliyeed,qof kasta oo qeyb ka noqdaana taariikhda ayaa xusi doontaa,dhinaca oo doono ha ku jiree,xumaan iyo simaan,xaq iyo Baadil.

Voice Of Somalia-Somali Leaks.

DHAGEYSO:-TURKIDA oo sumaynaya Ceelasha Biyaha Muqdisho.

32875494

Waxaa  ka dhacday degmada Yaaqshiin arin aad looga naxo markii la sumeeyay ceelka biyaha siiya degmadaas iyo degmooyinka ku wareegsan,ceelkaas oo aad looga yaqaan xafadahaas,waa Cee4laka Ramadaan  kaasoo dad badana ay u waxyooloobeen.
ku dhawaad 50 ruux ayaa la soo sheegayaa inay u dhinteen biyahaasi sumeyssan.

Tiro kale oo dhan 150 ruux ayaa la ildaran kuwaasoo shuban ka qaaday biyaha ay cabeen waxaana lagu dabiibayaa goobaha caafimaadka.

Waxaana soo baxday in Turkido ka danbeyso in Ceelasha la sumeeyo,waxaana la ogaaday in sumayn rabo ceelasha loogu cabis badan yahay magaalada Muqdisho.

Dhageyso Hooyo Soomaaliyeed.

Voice Of Somalia-Somali Leaks

DHAGEYSO:-Sheekh Cali Dheere: “Inta Ciidanka Kenya Duullaanka Ku Joogaan Soomaaliya, Dhiigga Shacabka Kenya Wuu Sii Daadan Doonaa”

32726649

Afhayeenka Xarakada Mujaahidiinta Al-Shabaab Sheekh Cali Maxamuud Raage ayaa ka war bixiyay weerarkii habeenkii  ka dhacay duleedka Mandheera, kaasoo la  sheegey  iney ku dileen afartan ruux oo Kiristan ah.

Sheekh Cali ayaa sheegay in dhiig baxa ku socda Kenyaatigu ay salka ku hayaan duullaanka ay ciidankoodu ku joogaan gayiga Soomaaliya, isagoona wacad ku maray in weeraradu sii socon doonaan illaa Kenyaanku ay dalka ka baxaan.

Sidoo kale Afhayeenka ayaa soo hadal qaaday is casilaada uu ku dhaqaaqay taliyihii Boliska Kenya iyo tallaabada uu madaxweynaha dalkaasi ku casilay wasiirkii arimaha gudaha, wuxuu sheegay inaaney arimahaasi waxba soo kordhiyi doonin inta madaxweyne Uhuru uu ku taagan yahay siyaasadda khaldan ee islaam la dirirka ah iyo qabsashada Soomaaliya.

Voice Of Somalia-Somali Leaks.

Makarafoonkii Jawaari oo la jajabiyey!.

32653490

Buuq iyo Fowdo ka dhalatay Mooshinkii oo si qarsoodi ah loo qeybiyey sida ay sheegayaan Xildhibaanada Mooshinka kasoo horjeeda ayaa waxa ay sababtay in xitaa buugii Xildhibaanada isku xaadirinayeen la jeex jeexay.

Xildhibaanada kasoo horjeeda Mooshinka laga keenay R/wasaaraha Soomaaliya Cabdiweli Shiikh Axmed Maxamed ayaa waxay bur buriyeen sida wararka ku helayno Makarafoonkii Xarunta Baarlamaanka Somaliya.

Wixii faah faahino ah ee kasoo kordho dib kala socda insha allah

Is ’Damul Jadiid’ a serious threat to Somalia’s aspirations?

32653435 (1)

It is nearly a month since Somali President Hassan Sheikh Mohamud and Prime Minister Abdiweli Sheikh Ahmed disagreed over a reshuffle on the cabinet. The friction between the top government officials has caused division between the cabinet itself and the country’s Federal Parliament. Two sessions of the Parliament was put-off in a noisy protest by MPs opposing a no-confidence motion against the Prime Minister which was proposed by the Office of the President and close allies.

In most of the world’s parliamentary democracies, it’s rare to see presidents and prime ministers bickering, since their roles and responsibilities are more or less distinct and rarely overlap. However, in many African governments, power struggles between presidents and prime ministers are quite common, even when the offices have clearly defined constitutional roles.

But something’s not working. Somalia’s three most recent presidents have each appointed three prime ministers, a rapid turnover rate indicating ongoing infighting between representatives of competing clans who are loathe to cede power to each other. As a result, Somalia has been plagued by a political process that is based on competition rather than cooperation and compromise. The current fallout between the president and the prime minister is a continuation of the political stalemate that has hampered Somalia’s progress for decades.

The political wrangle between the President and Prime Minister remains unresolved and the international community has expressed concern over the political turmoil which will significantly undermine the 2016 vision.

Who are ‘’Damul Jadiid’’?

Damul Jadiid when translated means ‘’New Blood,’’ is a faction or splinter group from Al-Islaah- a moderate Somali Islamist movement formed in the late 1970s and affiliated with Egypt’s Muslim Brotherhood.

The tragedy is though the most organised forces in today’s Somalia are both covert sects and secret cliques than openly structured political groups with transparent political agendas. It is not encouraging at all to learn that Damul Jadiid in Mogadishu and Amniyat – al-Shabaab’s secret service unit responsible for carrying out assassinations-  have preponderant positions at both ends.

During Somalia’s civil war, Al-Islaah steadfastly eschewed violence, but in 2006 a group of activists, rejecting the conservatism of the Al-Islaah ‘’Old Blood’’ leadership, aligned itself with the council of Islamic courts and took part in the armed resistance against the transitional federal government and Ethiopian occupation.

Following Hassan Sheikh’s election as president, adherents of Damul Jadiid assumed key positions of influence within the government; the ministers of interior and security and Powerful ministry of Justice and Constitutional affairs.

The ways in which Damul jadiid may seek to shape the course of Somalia’s ongoing political transition remain to be seen. Some critics attribute the Somali Federal government’s assertively, centrist approach to governance to Damul Jadiid ideologues rather than the president who was both reputed to be political pragmatist before taking office. The SFG’s actions to date also suggest that Damul Jadiid is in part responsible for reorienting Somalia’s foreign policy away from IGAD and the African Union toward the wider Arab, notably the like-minded governments in UAE, Egypt and Turkey.

No wonder, Somalis inside and the Diaspora were hopeful the establishment of the new government in September 2012 would be a game changer and the country would change course. There was a great deal of optimism that the new leaders will deliver. The international community had hoped that Somalia would soon stabilize. However, the new Somali government had dismally failed to live up to the expectations. Its failure is self-inflicted mainly political and a problem of governance than the lack of internal and external support or obstacles created by Al-Shabaab. This is not to say that the insurgent group has been fully defeated. The recent attacks on a UN compound, Presidential Palace, and other government centres shows that the security situation is still precarious and the terrorist militia al-Shabaab is still active. Nonetheless, the main obstacle to the speedy stabilization of Somalia remains to be the misguided and erroneous political strategy of the group that controls the current Somali government in Mogadishu. This might seem a paradox, but it is real.

Regardless of the true extent of Damul Jadiid influence on government policy and conduct, its proximity to the levers of power has contributed to the perception that SFG decision-making is determined, at least in part, by an unelected and largely unaccountable interest group. That is a depiction the SFG must work hard to overcome if it is to succeed in binding Somalis more closely together rather than driving them further apart.

Angered by sacking of closest ally

In Somalia, the president is the head of state. His powers include appointing a prime minister and serving as commander-in-chief of the armed forces, which includes the power to declare of a state of emergency or war. The prime minister is the chief of the cabinet, guiding and overseeing the work of the other ministers. However, despite these neatly separated roles and responsibilities, Somalia is once again having great difficulty in governing itself under a power sharing system.

It is believed that President Mohamoud opposed the firing of a very close friend Farah Abdulkadir who was a member of the cabinet and holding the Ministry of Justice and Constitutional affairs.

In recent months, the judicial institutions- who are independent from the government- were raising complaints about the minister. The chief justice accused the Ministry of Justice of interference in the independence of the judiciary. In July, the president approved appointment of a new attorney general appointed by, after the predecessor Abdikadir Mohamed Muse was dismissed by Farah Abdulkadir. But the chief justice questioned the legality of Muse’s dismissal, and promised an investigation. In turn, the attorney general’s office has claimed that dozens of judges are operating without having been properly appointed, with the president dismissing 21 judges in October.

A night before the reshuffling, the President and Prime Minister hold a closed-door meeting which ended up without an outcome concerning the reshuffling. Upon hearing the reshuffling, President Mohamoud issued a press statement arguing that the action taken by Prime Minister as ‘’null’’ and ‘’void’’. He called for the sacked ministers to continue with their jobs.

New way of rolling down Prime Minister

After the no-confidence motion against Prime Minister Abdiweli Sheikh failing to success in the parliament, Damul Jadiid members initiated a new way of ousting Prime Minister.

Last week, almost 14 members of the cabinet issued a letter calling for the Prime minister to resign. But, the Prime minister himself stressed that ”any minister who feels cannot work under the current circumstances” should resign and a ”replacement will be made immediately”.

Many believe also that the efforts by the Damul-jadiid to collapse the government only demonstrates their own fear and determination to block the current government’s ability to conduct its business and advance the aspirations of all of the Somali people.

Recent Obstacles created by the Damul Jadiid members in the Cabinet

President Hassan Sheikh Mohamoud and Damul Jadiid cabinet members run most of the government duties. In the past, members of the cabinet from the ‘’New Blood party’’ using the umbrella of the government created many obstacles. Therefore, the government helped not only to perpetuate old problems but create new ones. Its policies helped to antagonize most of the political and armed forces in the country. A case in point is its antagonistic posture towards the politico-military actors in Galmuudug, Ahlu Sunna wal Jama’a, Jubaland- which it first rejected and then recognised and the Puntland Administration. In many cases, it tried to act like a strong government, if not an empire, wanting to cynically exploit clan differences and dictate terms rather than realistically seeking negotiation and compromise. All its policies show how much little it has learned from distant and recent history of the country. No wonder the government exists only in Mogadishu and has no influence in other areas of the country.

The Somali government is weak and unable to mobilise support among the major clans and regional administrations. It lacks both the political framework and military capacity to stabilise and transform Somalia’s two decades long civil war. Hence, it is unable to protect its population and indeed unable to protect itself. Its main asset is international dimension and support. It is crucial that the central government should have tried to extend its authority, mainly to the regions, through political means only by creating consensus and behaving less belligerent.

It seems they have forgotten the hard lesson that stabilizing Somalia and establishing a strong government requires consensus building among the major clan and regional-political forces in the country. The tragedy is that there is no consensus and agreement among the three major clan affiliations on how to structure the Somali state and govern the country.

Should Somalia try a new system?

Meanwhile, precious time is being wasted on political brinkmanship rather than dealing with the innumerable challenges facing the country. Security, reconciliation, the economy, education, infrastructure, and healthcare are a few of the many issues that do not get addressed so long as the president and prime minister are locked in a power struggle. Consequently, many Somalis have lost faith in their leaders’ ability to unite the nation, which may lead the country towards another civil war and away from economic prosperity.

Therefore, the time has come for Somalia to try a different system of governance. Somali constitutional experts should review and amend the constitution from a power sharing system back to political party system in which a president and vice president from the same party are elected on the same platform.

The clan-based system has had its chance. Only through a party system, overseen by an electoral commission, can Somalia put together a government with the capacity to solve the country’s unique challenges—and bring about the political stability that has eluded it for the last two decades.

This being generally true, looking from all angles, Damul Jadiid’s political formula remains to be the main culprit. It made futile and I must say provocative attempts to establish preponderance over different regions of Somalia.

Consequently, there is the very real possibility Somalia could remain unstable for quite a while. Such a situation would, of course, continue to provide havens for extremist elements both foreign and domestic stemming from exceedingly weak, insufficiently coherent and geographically constrained national governance.

Abdirisak Mohamed
Horseed Media

32653900

Voice Of Somalia-Somali leaks.

DHAGEYSO:-Cabdulqaadir Cali Yarow “Maamul Gobaleedyada iyo Federaalkuba waxay ka mid yihiin Federaalka Itoobiya”

 

32606201

Aqoon yahan Cabdulqaadir Cali Yarow oo ka mid ah Soomaalida qurbo joogta ah ayaa  sheegay in maamulada dalka ka jira ee watta magac dowladeed dhamantood looga taliyo dalka Itoobiya,Wuxuu tilmaamay in federaalka la sheegayo ee ay maamul gobaleedyadu hoos tegayaan aanuu ahayn midka xamar ka jira ee uu yahay midka Itoobiya.

32606447

Aqoon yahanka ayaa hoosta ka xariiqay in federaalka Xasan Sheekh madaxda ka yahay qudhiisu uu qeyb ka yahay kuwa Itoobiya laga xukumo.
Wuxuu soo qaatay tusaalooyin muhiim ah oo ay ka mid tahay in haddii laba maamul is qabato Itoobiya arintooda lagu soo xaliyo taasuna ay ka marqaati kaceyso in halka looga taliyo ay Adis ababa tahay.
Wuxuu dadka Soomaaliyeed u soo jeediyay in ay xoriyadooda u dagaalamaan asigoo Xarakada Shabaabul Mujaahidiinna ku dhiirri geliyay in ay wacyi gelin u sameyso bulshada la qaldday ee cadawga sokeeyaha looga dhigay.
Wuxuu intaas ku daray in loo baahan yahay Xarakadu in ay soo dhaweysato dadka wadaniyiinta ah ee ay ka go’an tahay in dalka la xoreeyo.


1441484_604288793008360_6447355569277674421_n

Voice Of Somalia-Somali Leaks

DHAGEYSO WAREYSIGA:Madoobe Nuunow “Baydhabo islama joogi doonno innaga iyo Shariif Xasan”

32606037

Madoobe Nuunow oo hogaamiye u ah Garab kamid ah  maamulo iska soo horjeeda ayaa ka hadlay doorashadii shalay ka dhacday Baydhabo ee lagu doortay Shariif  Xasan Sheekh Aadan.

isagoo Baydhabo ku sugan ayuu wareysi uu siiyay idaacadda Alfurqaan ku sheegay Madoobe Nuunow in sharci daro ay ahayd doorashada iyo in maamul dhisan laga hoos dhiso maamul kale.

Wuxuu sheegay in isagu yahay madaxweyne sharci ah oo ay doorteen dadka.

Madoobe Nuunow ayaa sheegay in Baydhabo aysan isla joogi doonin iyaga iyo qolyaha Shariif  Xasan.

HOOS KA DHAGEYSO

XIGASHO -RADIO ALFURQAAN.

Voice Of Somalia-Somali Leaks

DHAGEYSO:-Baqdinta Xasan Sheekh iyo baahiduu ku soo koray.

32588946

Walaac xoog leh ayaa Xasan Sheekh  la soo dersay waxaana ku furan qul qulatooyin siyaasadeed waxaana aqoon yahanadu sheegayaan in dantii laga lahaa oo in wax laga saxiixda ahayd laga gaaray lana joogo waqtigii la eryi lahaa.

Xasan Sheekh  oo dhawaan sheegay in uu baahi iyo rafaad daran ku soo koray wuxuu ka baqdin qabaa in xilka laga xayuubiyo sidaana ku waayo kursiga haadaanta ka riday ee iminka uu ku fadhiyo.

Warbixinta waxaa ku jira codka Xasan Sheekh oo ka sheekeynaya daruuftii uu ku soo barbaaray iyo dhibaatooyinkii dhanka gaajada ee uu soo maray.

32589158

Voice Of Somalia-Somali Leaks

VIDEO:-Cabdiwali Gaas oo Puntland ka mamnuucay in magaca ALLE dadku ku dhaartaan!!.

32564485

Cabdiwali Maxamed Cali (Gaas), ayaa sheegay hadal ay dad badani aad ula yaabeen kadib makii uu shaqada ka ruqseeyay 12 Garsoore Maxkamadeed markii ay dadka ku dhaariyeen Kutubka ama dhaarta Islaamka.

Cabdiwali Maxamed Cali Gaas ayaa sheegay in Garsoorayaasha ay bilaabaan ay dadka ku dhaariyaan Dastuurka Punland, halka ay markii hore dadka ugu dhaarin jireen qaabka uu Islaamka .

“Gaalkacyo waxaan kala kulmay arin la yaab leh waxaan arkay Nin sheeganayo Garoose Maxkamadeed oo dadka ku dhaarinayo MAKUGU WALAAHI BAA , MAKU BILAAHI BAA , MAKUGU TALAAHI BAA, Waxaan ku iri Jooji Ku dhaari Dastuurka Puntland Balse Nasiib Daro waa uu garan waayay jeer aan nin xildhibaan ah aan ku iri adiga u yeeri isna gacanta ha saaro” ayuu yiri Madaxweynaha Dowlada Puntland.

Ugu danbeyntii  Cabdiwali Gaas ayaa sheegay inay dhamaatay in garsoorayaal badan oo aan aqoon laheen ay xafiis iska fadhin jirin loona baahanyahay in la tayada Garsoorayaasha kor loo qaado.

Waxaa bilow noo ah jidkii gaalado noo rabto,waxaana maanta si cad loo diiday Kitaabka ALLE iyo meelaha yaroo kaga haray hogaanada lagu hingoobay ee gaalado ka hirgalisey gayiga Soomaaliyeed.

 

“RABBI talo ku filan”

Voice Of Somalia-Somali Leaks

 

VIDEO-Ciyaalasuuqnimadii Baarlammaanka Muqdisho!!

32552991

Halkan hoose ka daawo Xildhibaannadii Maanta Bannaday kulankii Baarlammaanka iyo Ciyaala-suuqnimada ay ka dhex sameeyeen gudaha Golaha laaluushka.

32552991 (1)

Voice Of Somalia-Somali Leaks

Nin Daad Qaaday Xumbo Cuksay Seeraar “Al Shabaab Kudhaa Qabiil Gaar ah ayay ku Laayeen”!!

32546917

Maamulka dagaal ooge Axmed Madoobe ayaa markii ugu horraysay ka hadlay dagaalkii khasaaraha badan dhaliyay ee shalay ka dhacay deegaanka Kudhaa gobolka Jubbada Hoose.

Afhayeenka Axmed Madoobe Cabdi Naasir Seeraar ayaa shabakadda Aljazeera u sheegay in dhankooda 25 askari laga dilay 30 kalane dhaawacyo halis ah gaareen.

Wuxuu xaqiijiyay in ciidanka Shabaabul Mujaahidiin ay qabsadeen Kudhaa islamarkaana ay gacanta ku dhigeen bakhaaradii hubka iyo saanado dagaal oo ciidankoodu ka carareen.

Maamulka gumeysi Kalkaalka ah ee fadhigiisu yahay magaalada Kismaayo ayaa isku dayaya in uu waji kale uyeelo halaagga ka gaaray dagaalkii taariikhda galay ee Kudhaa.

Iyadoo lawada ogyahay in ciidanka gumeysiga Kenya ee Jubbada Hoose kusoo duulay ay ku adeeganayaan maleeshiyaad diinlaawayaal ah ayuu Seeraar warbaahinta ka sheegay in mujaahidiintu qabiil gaar ah beegsadeen!!.

“Annagu waan ognahay in shabaabku qaab qabiil u beegsadeen ciidankeena”ayuu yiri Seeraar,sida lawada ogyahay xarakada Shabaabul Mujaahidiin ayaa muslimiinta Soomaaliya iyo kuwa bariga Afrika ku hoggaaminaysa dagaal caalami ah oo aan xuduud iyo wadan laheyn arrinkaasi xataa waxaa qirsan shisheeyaha dalka kusoo duulay waxaana wax aan larumeysan Karin ah in Al Shabaab qabiil lagu sifeeyo.

Haddii hadalka Seeraar aan uraacno oo ah in Maleeshiyaadka Khuwanada ah ee meesha lagu laayay ay ahaayeen qabiil gaar ah Maxay Wakiillo ugu yihiin dowladda Nasaarada Kenya oo ay dhulka soomaaliyeed ugusoo hoggaamiyeen.

Hadallada isburinaya ee maamulka Axmed Madoobe waxaa kamid ah “waxaan nahay maamul goboleed qabiillada Jubbooyinka udhayihiin”!! Misne Shabaabul Mujaahidiin ayay ku eedeeyeen in qabiil gaar ah ay laysay aaway Maamulkii Jubballand oo ay sheeganayeen mise haddii laga itaal roonaaday ayay qabiil Noqdeen.

C/Naasir Seeraar ayaa bishii lasoo dhaafay shir jaraa’id oo uu Kismaayo ku qabtay ku sheegay in ciidanka (maamulka Jubbaland) iyo ciidanka Kenya ay qabsadeen deegaanka Buulaguduud ee duleedka Kismaayo isagoo guulo ballaaran sheegtay! Balse maanta wuxuu isku bedelay qabiil! Soomaalidu waxay tiraahdaa “Nin Daad-qaaday Xumba cuksay”.

Afhayeenka Beelaha Absame “Halaagga Murtadiinta Axmed Madoobe gaaray waan ku diirsanay waana loo badinayaa bi’idnillaahi”.

Nabadoon Ismaaciil Xaaji Haaruun Afhayeenka beelaha Jubbooyinka oo warbaahinta islaamiga ah lahadlay ayaa sheegay in weerarkii Kudhaa ka dhacay uu ahaa edbin la edbinayay maleeshiyaad uu Murtadiin kutilmaamay oo uu ula jeedo ciidanka Axmed Madoobe ee shalay lagu laayay deegaanka Kudhaa wuxuuna ugu baaqay ciidanka shabaabul Mujaahidiin in ay kordhiyaan laynta maleeshiyaadka indhaha u ah ciidanka gumeysiga Kenya.

“Haddaan nahay qabaa’illada Jubbooyinka dega aad baan ugu riyaaqnay wixii Kudhaa ka dhacay,murtadiinta Kenya ku adeegato waa in si kadaran sida ciidanka Kenya loola dagaalamayo loo xanuujiyo sababtoo ah iyagaa dalka gumeystaha kusoo hoggaamiyay”ayuu yiri Ismaaciil Haaruun.

Gummaadkii Maleeshiyaadka ee Ceel-Waaq iyo Xayo Muxuu uga duwanyahay gummaadkii Kudhaa.

Sanaddii 2012 ayay cutubyo katirsan ciidamada mujaahidiinta Al Shabaab waxay weerar gaadmo ah ku qaadeen degmada Ceel-waaq oo xilligaasi ay ku sugnaayeen Maleeshiyaad Soomaali dabadhilifyo ah oo gudaha dalka Kenya lagusoo tababaray.

Dagaal saacado badan qaatay kadib ciidanka muslimiinta ayaa Ceel-Waaq qabsaday balse halkaasi waxaa ka dhacay gummaad loo geystay dabadhilifyada dagaalkaasi waxaa lagu dilay inkabadan 55 katirsan Maleeshiyaad uu taliye u ahaa Cabaas Gureey oo ku magacaaban Taliyaha ciidanka DF-ka ee gobolka Gedo.

isla sanaddii 2012 ayay mujaahidiintu dagaal culus oo ka dhacay tuulada Xayo waxay ku dileen 45 katirsanaa maleeshiyaadka Axmed Madoobe kuwaasi oo hor socday ciidanka gumeysiga Kenya ee waqtigaasi usii gurguuranayay dhanka magaalada Kismaayo.

sanadan 2013 bilaawgeed ayay mujaahidiintu maleeshiyaad DF-ka katirsan oo ku sugnaa degmada Mahadaay waxay gaarsiiyeen khasaara lixaad leh iyagoona gaadiid dagaal kasoo qabsaday.

sanaddan 2013 weerar ay ciidamada mujaahidiinta wilaayada Bay iyo Bakool ku qaadeen deegaanka Toosweyne ee duleedka Ceelbarde waxay ku dileen 25 maleeshiyaad amxaara Kalkaal ah iyagoona ka qaatay hubkii ay itoobiya soo siisay.

Dhammaan howlgalladaasi iyo kuwa kale oo Hiiraan iyo shabeelaha Hoose  ka dhacay ayaa ah edbin la edbinayo maleeshiyaadka Soomaalida ee gumeystaya Afrikaanta indhaha u ah iyadoona hoggaanka mujaahidiinta soomaaliya uu dhowr mar ku celceliyay in ay beegsanayaan cid walba oo cadawga soo duulay lashaqeeya heybta uu doono halahaatee.

Seeraar Ma wuxuu na leeyahay:-

Dagaal Mahadaay Reer hebel ayaa lagu laayay
Dagaalkii Ceelwaaq Reer hebel ayaa lagu laayay
Dagaalkii Buula Burde Reer Hebel ayaa lagu laayay
Dagaalkii Hoosweyne Reer Hebel ayaa lagu laayay.

Dabcan waxaa xaqiiq in Seeraar uu Aaminsan yahay in weeraradaas lagu xasuuqay Ciidamada DF ee ka kala dhacay Mahadaay, CeelWaaq, Buula-burde iyo Toosweyne lagu xasuuqay kuwa dowladeed, Aanu lagu tirineynin qabaa’ilada ay ka soo jeedaan sidaas darteed waa in uu isna uu ogolaadaa in Maleeshiyada laga laayey ay yihiin ciidam maamul, Maadama uu sheegtay maamulka “Jubbaland” ama uu Umadda u cadeeyaa in Maamulkiisa uu yahay Maamul Qabiil, Markaas waa ka ogolaan karnaa in waxa Kudhaa lagu laayey ay yihiin Maleeshiyo Qabiil.

Kaliya waxa aan ka sugnaa waa Burundigii Dayniile Lagu laayay iyo Itoobiyaankii Ceelbuur lagu laayay ama Kenyaatigii Faxfaxdhuun waxay ahaayeen Reer hebel oo Soomaali ah.

Markale “Nin Daad Qaaday Xuma Cuksay”
WD Warfaa Kheyrdoon

Yididiilo Been ah.‏ Qore- Idiris Axmed Dooxajoog

32543472

Bulshadu waa la hogaamiyayaal oo hagayaasha dadka ayaa horumar ama dib u dhac u kala horseeda dadkooda  , Hadaad aragto bulsho ku nagaatay goob mar hore dhigeeda oo ah dadyoow kale oo dunida ku nooli ka hayaameen looguna yeero dad dambeeya oo noloshoodu ciriiri ku jiro waxaa iska leh sababta hogaamiyayaasha .

Bulshada Soomaaliyeed waxay ku nooshahay nolol dhibaatadu dhex ceegaagto , nolosha dadka Soomaaliyeed waa tu adag , waxaan jirin dawlad dadkeeda adeeg siisa , Sida kala xukminta dhexdooda dhibaatooyinka ka dhaca  oo si cadaalad ah loogu kala gar naqo , sugida amniga dadka oo ah ka hor istaaga iswaxyeelaynta dhexdooda ah iyo ka ilaalinta cadoow dibadeed  , Xalinta baahi bulsheedyada ay la daalaa dhacayaa danyarta oo ah badanka Bulshada IQK oo dawlad u qabato dadkeeda .

Dalka Soomaaliya waa mid dib dhacsan si guud Dadka Soomaaliyeed waxay qabaan baahi dawladeed , dawlad la’aanta waxaa keenay damaca siyaasigi danaystaha ahaa ee dumiyeey dawladnimadi , ku isku macangagiya iyo mid ka marooqso maamulka usoo miciya listay .

Ku kala tagi wadaagi dawladnimada iyo dib ugu noqoshadi noloshi hore ee dawlad li’ jirka waxaa laga dhaxlay nolosha aynu garanayno ee marba  marka ka sii dambaysa sii adkaanaysa .

Ka sheegashada nolol xumaanta dalka ka jirta  dadka Soomaaliyeed way kuu tilmaamayaan dhamaantood , waxayse eedayn usoo jeedinayaan dad kale oo Soomaaliyeed oo iyaga la mid ah dhibkuna u haysto si isku mid ah  .

Dawlad la’aanta kuwaas ayaa u sabab ah iyo kooxdaas ayaa dawlad diid ahi waa mid dadka Soomaaliyeed intooda xaqiiqdu ka diimoon tahay ee siyaasiga u hayinsan reer hebelnimada aaminsani ay qabaan .

Taas ( Eedaynta) Dhigeeda waxay ku hima-gashan yihiin yididiilooyin been ah oo uu ugu baaqay siyaasi si koox odayeedsan  u haysta caqliyadooda ayna u yihiin adoomo isaga ayidsan  ase itaal daran oo nolol abaaraysan ku nool .

Aaminaada Yididiilada Beenta ah ee siyaasigu suuq gaysto waa tan bulshadan hoday , waa isaga oo ku leh annigu waan dhanaa Soomaalida soohdintaas dagan ee Koox odayeedkaas ah , Taraarkana (Mustaqbalka) waxaa  innoo soo socda horumar waxaase hor taagan reer Hebelkaas oo inna Nebec .

Waa Tan Yididiiladi beenta ahayd noqotay tu joogtaysan , dhibaatadina ka soo rayn daaye ka sii dar ay maalinba maalinta ka dambaysa horay ugu sii soconayso .

Yididiilada Beenta ahi dhowaanaha ma bilaaban ee waa mid ku lamaansan Sooyaalka Soomaalida , dhaqanka Soomaalidu kol hadii uu yahay mid samaha dhinac marsan , hogaamiyayaasha siyaasadu waxay adeegsadaan QABYAALADA , waxay kala qaybiyaan bulshada si ay u gaaraan danahooda gaar ah sida doonitaanka Xil laga dhaxlo Maal ama Maamuuska Maangaabku u hayo  kan noloshiisa silicsanaanta baday  .

Dhaqanka Soomaalida ka hor inta aan la baran dawlad dhulka Soomaalida waxaa jiray in Yididiilada beenta ah iyo Balaayo  ku baraarujinta uu qaabilsanaa Oday dhaqameedku , Waayadan dambe waxaa ku soo darsamay oo Bulshada dhanka noloshooda isbadalkeeda tilmaamay Siyaasiga , waxa uu ugu yeeraa dadka QABYAALADA oo ku dhisan isnacbaan iyo Isdagaalid

Baaqa balaysan iyo xumo ku hogaamintu waxay samaysay bulsho garasho gaab ah oo hab fakar liita  wacyi hooseeyana ku nool  , akhlaaq xun oo jecel ekeekanka iyo ilaaqda , dagaal badan oo isdilka u hamuun qaba .

Intaas ayuu ku dhiira galiyaa siyaasigu bulshada , si cad umagu  sheego , oo wax uu kula hadlaa afka Qabyaalada oo ah kay garanayaan una jeel baqaan , Qabyaalad ku hayntaas iyo horu sii wadkeeda siyaasigu sido ayaa samaynaysa bulshada qaabka daran ee qalafsan .

Siyaasiga oo ka faa’iidaysanaaya Bulshadaas liidata , Mala Qabyaaladu u adeegiduna dhab ka tahayba oo wax qalbiga kaga xardhan ay tahay oo uu u daacad yahay . ayaa tusinaaya rajo aan la gaarin dadka , Rajadaas aaan Imaan ayaa ah Yididiilo Been ah Aqriye ,iyaguna (Dadku ) way ku aamin qabaan hogaankooda siyaasadeed ee qabyaalada ay aaminsan yihiini usoo xirxirtay  .

Bulshadu eed ma leh oo waxay  hidaysanaaya wixi horeeyey , hataana la sii haysto , waxaase leh xuma oo dusha saaranaaya Hogaamiyayaasha xumaantaas faafinaaya ee midba kii ka horeeyey dariiqiisi qaaday .

Isbadal Soomaalida ku dhaca si u fakarkooda iyo wacyi nololeedkooda waxay u hoos fadhiyaan siyaasiyiin ka duwan kuwo hore , dunida maan-xirnaanshahana ka kaxeeya dadka oo u fura waa hor leh jiilasha soo aadan si aysan u daba haysan sooyaalka xumaantu ku xardhan tahay iyo aaminaadan Aduun iyo aakhiroba u xun .

Ugu dambayn Yididiilada beenta ahi waa tan ay la nool yihiin malaayiinka Soomaaliyeed ee kala hoos fadhiya siyaasiyiinta kala soohdimeeyey dhulka ee dawladnimada iyo qabyaalada is dhex qaadsiiyeey , iyagu nool nolol damiir lawayaasha dadnimada ka liitaa ay noolaadaan ee ah dadka aad  hogaanka siyaasiga ah u tahay xumo ku hogaami oo wax aan dantooda ahayn ugu baaq samayntiisa , ha ku noolaadaan nolol tan ugu hoosaysa adiguna dharag-sanoow ,

Malaha xayawaankaba kooda hogaamiyaa kuma daawado maxasta nolol mabacaysan oo waa arxan dhamaa siyaasiga Soomaaliyeed  !

Idiris Axmed Dooxajoog

 Dooxajog5@hotmail.com

 Dooxajoog5@gmail.com Facebook: Halkaan Riix Bog qoraalleed :Idirism

10801697_978978795452571_156810740729348485_n

Voice Of Somalia-Somali Leaks

DHAGEYSO:-Khatarta Xanta Iyo Sida Looga Hor Tagi Karo.

32536908 (1)

Xantu waxay kamid tahay dhibaatooyinka ugu badan ee ka taagan bulshada dhexdeeda, iyadoo dadka qaar ay dhaqan ka dhigteen.

Haddaba sidaa darteed ayuu Sheekh Cali Cabdullaahi (Katiin) ka hadlay khatarta ay leedahay Xanta, waxa u sababta u ah ee keena in qof uu xanto qof kale oo walaalkii ah iyo sida la isaga ilaalin karo.

Halkan Ka Dhageyso Sh Cali Katiin Iyo Khatarta Xanta

Xigasho:idaacadda Alfurqaan

Dhaawacyada Maleeshiyaadkii Axmed Madoobe ee Kudhaa la xasuuqay oo Gaalkacyo la geeyay.

Galkacyo Hosbital

 

 

 

 

 

Maleeshiyaad  fara badan maamulka Axmed madoobe dhimasho iyo dhaawac ay kaga noqday  dagaal ka dhacay jaziiradda Kudhaa waxaana la  magaalada Gaalkacyo la geeyay dhaawacyada tiro ka tirsan maleeshiyaada Axmed Madoobe.

Inta la xaqiijiyay ilaa 33 askari oo maamulka Axmed Madoobe kaga dhaawacantay dagaalkii Kudhaa iyo sidoo kale dagaaladii ugu dambeeyay ee ka dhacay deegaanada hoostaga Kismaayo ayaa maanta la dhigay isbitaalka Guud ee magaalada Gaalkacyo.

Dhaawacyadan oo ahaa kuwoo culus ayaa wax looga qaban waayay isbitaalka magaalada Kismaayo,yadoona sidoo kale dhaqaatiirta isbitaalka Gaalkacyo ay ka deeriyeen xaaladda qaar ka mid ah dhaawacyada askarta Axmed Madoobe ee maanta la gaarsiiyay isbitaalka magaaladaasi.

Dad badan ayaa is weydiiyay sababta Muqdisho Ama Nairobi loogu qaadi waayay dhaawacyada Ciidamada Axmed Madoobe.

Voice Of Somalia-Somali Leaks

MAQAAL:-Cabdi Cadde “Ninka Madaxa Xiiran Ma ogola in uu Gurguurte Ka Amar Qaato Khilaafku wuxuu ku dhammaan doonaa sidii Geedi iyo Yuusuf”.

32512982
SiyaasiyiintaiyowaxgaradkamagaaladaMuqdishoayaakahadlayisqab qabsiga markale soo kala dhax galay  madaxda kooxda Villa Somalia ee dabadhilifyada u ah shisheeyaha Soomaaliyakusooduulay.
CabdiCadde ookamid ahruugcadayaasha kudhaqanmagaaladaMuqdishoayaakhilaafkacusub eesoo kala dhaxgalay Gurguurte iyo C/WaliSheekh u arka mid  halis gelin kara jiritaanka waxuu ugu yeeray xukuumadda Kartoonka Villa Somalia.
“Waa wax lawada ogaa in dhabarka ay isku jeedin doonaan madaxda DF-ka sababtoo ah waxa isku keenay waa masaalix gaar ah ma ahan dan soomaaliyeed,maalmo ayay warbaahinta isku marin doonaan warar liddi isku ah kadibna waxaa kala xukmin doona madaxdooda oo uu ugu horreeyo N.Kay marka yaanan isku oomin ka hadalka kuwaan liita”ayuuyiriCabdiCadde.

Marka dib loo eego taariikhda DF-ka ee bishii October 2004 lagusoo dhisay xerada doofaareey ee duleedka magaalada Nairobi waxaa ku cad khilaafaad soo jireen ah oo soo kala dhaxgalay madaxweynaha iyo R/wasaaraha waxaana lafilayaa in madax ku sheegyadu ay kusii socdaan wadadii ay jeexeen Cali Geedi iyo Cabdullaahi Yuusuf!.

Qodobada ugu muhiimsan oo ay isku hayaan Gurguurte iyo Cabdi Wali Sheekh ayaa ah awoodda dhanka maamulidda golaha wasiirrada balse iskuma heystaan maamulidda dalka sababtoo ah iyaguba way ogyihiin in dal ay maamulaan uusan jirin.

“Ninka odayga ah ee madaxa xiiran ma ogola in uu wax uyeero xasan sheikh waxa kaliya oo ay isku hayaan waa maamulidda golaha wasiirada maadaama aysan jirin wadan ay maamulaan waxaan filayaa in wax ku dhammaan doonaan sidii Col.Yuusuf iyo Cali Geedi oo kale ama Shariif iyo Farmaajo”Cabdi Cadde.

32513046

Abuurista khilaafaadka waxaa ku lug leh qaar katirsan dowladaha gacanta ku haya DF-ka ee ciidamadoodu soomaaliya ku suganyihiin danta ay leeyihiin ayaa lagu sifeeyay helidda R/wasaara cusub oo ujeedooyinkooda fuliya.

Waxaa loo badinayaa in Cabdi Wali uu meesha ka bixi doono kadibna waxa beesha caalamka loogu yeero ay Nin kale keeni doonaan.

Shacabka soomaaliyeed ayaa isku raacsan in Hoggaamiyihii ugu liitay ee soo mara xukuumadda Villa Somalia uu yahay Xasan Sheekh marka dhan walba laga eego sida dabadhilifnimada,dadnimada waxaana Gurguurte lagu xusuustaa mawaaqiftiisii liidatay ee uu ka qaatay Xasuuqa shacabka Soomaalida ee xaafadda Islii iyo ciidanka gumeysiga Itoobiya oo uu ku tilmaamay walaalo shacabka soomaaliyeed leeyihiin sidoo kale kaabayaasha dhaqaalaka dalka ayuu shisheeye ugcan geliyay Tusaale ahaan Dekadda iyo Garoonka Muqdisho oo dowladda Turkigu maamusho!

 32512990
Voice Of Somalia-Somali Leaks.

 

XAQIIQ LA HELAY:-Xasan Sheekh Maxamud oo iibsaday Dhulkii EX Shineemo Equatore ‘KM4’

32506537

Madaxweynaha Soomaaliya ama Muqdisho Xasan Sheekh Maxamud  ayaa maalmo ka hor iibsaday   Dhulkii EX Shineemo Equatore’ Numbar 4′ kaas oo ah dhul caan ah  oo dadka  reer Muqdisho intiisa badan  yaqaanaan reerka iska leh iyo meesha oo kaga yaal Muqdisho ama beledkii berI la dhihi jiray Banaadir,wuxuuna beri ahaan jirey Shineemo caan ah oo Numbar 4 ku taal.

Warar la hubo ama laga soo xigtay dad la socda in dhulkaas Xasan Sheekh la wareegay,wuxuuna ku iibsaday lacag aan la  weli ahayn cadadka ay tahay……?

Reerka iska lahaa Dhulkii EX Shineemo Equatore‘ Numbar 4’ waa reer intiisa badan qurbaha ku nool waana dhul dhaxal ah,dad ka mid ah reerkan ayaa sheegay in  dhulka la iibshay mana sheegin qofka laga iibshay.

Dad ku dhow Madaxtooyada  ama Xasan Sheekh oo maalmahan ay ka jiraan xusul duub siyaasadeed ayaa sheegay in Xasan Sheekh iibsaday dhul caan oo Xamar kaga yaal meel muhiim ah.

Ma ahan markii ugu horeysey oo Xasan Sheekh dhul  iibsado,wuxuuna horey u iibsaday guri weyn “Qasri” oo ku yaal Turkiga.

Waxaa horey  Hoteel weyn oo ka mid ah hoteelada cusub ee magaalada Muqdisho u iibsaday madaxweynihii hore Shariif Sheekh Axmed ‘Ma rabno inaan sheegno hoteelka magaciisa’,wuxuuna maanta kaga noolyahay dibada iyo   guri yar isaga iyo labadiisa xaas!.

Xasan Sheekh Maxamud ma ku noolaan doonaa dhulkaas oo iibsaday markii oo ka dego kursiga saaran kaaraha Amisom,kana soo dhex baxo darbiga wareegsan ee Villa Somalia?

-Waxa loogu yeero beesha caalamku ma  u ogolaan doonaan inow ku noolaado dhulkaas oo iibsaday.kuwaas oo horey ugu diiday kuwii ka horeeyay inay ku noolaadaan dhulka Soomaaliyeed ,waa Cabdulaahi Yuusuf iyo Shariif Sheekh Axmed?

-Amaan ma ka heli doonaa Xarakada Shabaab Mujaahidiin  kuwaas oo aad u  raadsha inay qaarijiyaan Xasan Sheekh,dhowrna marna u gudbay darbiga wareegsan ee Villa Somalia,wuuna ka fakaday inay qaarijiyaan, Shabaab amaan ma uga heli doona guri aysan ilaalo ka ahayn Towyaasha Amisom?

Mohamed Deeq ‘Majaango’

Muqdisho-Somalia.

Voice Of Somalia-Somali Leaks.

Maleeshiyaadka Dowlada Xamar oo Nin Sheekh ah ku dilay Degmada Dharkeenley ee Gobolka Banaadir!

32506163

Howlgallo raaf ah oo maleeshiyo beeleedka  Dowladda Federaalka ay ka sameeyeen degmada Madiina ee magaalada Muqdisho ayay ku dileen macalim dugsi qur’aan.

Tobaneeyo qof oo u badan arday waxkabarata iskuullada Diiniga ah ayaa howlgalka lagusoo qabtay halka boqolaal kale ay guryahooda isaga carareen.

Xaafadda Kaawa Godeey ayay ciidanka howlgallada raafka ah waday waxay ku dileen macalim dugsi qur’aan oo lagu magacaabi jiray Sheekh Xasan Sheekh Axmed.

Askariga macalimka dilay ayaa xoog uga soo saaray Madaraso Diini ah oo qur’aanka uu ku barayay rag iyo dumar kadibna banaanka ayuu ku toogtay sida ay sheegeen dadka deegaanka.

Guddoomiyaha degmada Dharkeynleey Axmed Aadan Cumar ayaa warbaahinta u xaqiijiyay in toogashadu dhacday oo askari DF-ka katirsan uu weeraray dugsi qur’aan.

Shirkadaha reer galbeedka ee fadhigoodu yahay xerada Xalane ayaa maleeshiyaadka wajiyada duuban ee Alpha Group’Wacalada Soomaaliyeed’ oo ah magaca looga yaqaan Muqdisho iyo shabeelada hoose oo ay ka howl galaan ku amray in ay qaadaan howlgallo lagu beegsanayo dadka ahlu Towxiidka ah ama ehelka u ah Diinta Islaamka.

32506141

Voice Of Somalia-Somali Leaks.

QORMO XASAASI AH:-Qawmiyada Tigreega ee Itoobiya xukunta Bulsho aad u weyn oo Soomaali ah ayay Gumaysataa oo Madaxa kaga taagan tahay. Tobannaan Qawmiyadood oo kale ayay ku haysaa Xaalad aan dhaamin Addoonsi

photo

Waa dhab maahmaahda tiraahda ”Lax waliba shillalka ay is dhigto ayaa lagu qalaa”. Umadda Soomaalida dibindaabyo aanay iyadu sababsan shisheeye uma geysan. markii ay ahayd Ummad Hagaagsan oo si dabiici ah u dhaqan xataa iyada oo itaal yar ayaa laga haybaysan jiray.

Gumaysigii reer Yurub wuxuu kacay oo uu ka dhaqaajiyey markii uu xaqiiqsaday in aanu sii joogi Karin Soomaaliya.Sannadihii toddobaatannadii, markii ay Soomaalidu is yara abaabushay, Faransiis waa kii har Cad Baqoolay, Itoobbiya iyo Kiiniyana waxay qarka u saarnaayeen dhulalka ay haystaan in ay ka yaacaan. Maantana waa taas Qawmiyadda tirada yar ee Tigreegu Soomaalidii ku cayaaraysa. Odayadii, waxgaradkii, siyaasiyiintii iyo qabiilooyinkii Soomaaliyeed ee sharafta lahaa Maanta waa kuwaas u Gumoobay Tigreega Itoobiya xukuma.

Taliska Tigreega ee Qawmiyadaha Itoobiya gumaysta waxaa laga kari la yahay in uu Soomaalida faraha kala baxo. Haddii ay jiraan dalal arrimaha Soomaalida ugu jira in ay danahooda meel u helaan, Tigreegu waxay ugu jiraan oo keliya in ay ka shaqeeyaan in aan dadka Soomaalida lugi lug u raacin. Koox kasta oo u dhego nuglaata hub ayay siinayaan si ay koox kale oo dhego adaygtay ugu dilaan. Haddana cid kasta oo isu dhiibta tari mayaan taageero ka badan in ay ka dhigtaan ul ay Soomaalida kale la dhacaan.
Soomaalida oo dhami iyaga oo guuraya haddii ay u tegi lahaayeen Melez Zenaawi intuu noolaa oo ay oran lahaayeen ”Adiga ayaannu Addoomo kuu nahay ee Dawlad aad raalli ka tahay noo dhis” ma kula tahay in uu u dhisi lahaa? Ha ka yaabin, kuwaas Addoomaha u wada noqday ayuu sii kala qaybin lahaa oo isku Baabbi’in lahaa. Waa taas siyaasadda Tigreega ee Soomaalida ku saabsani. Soomaaliduna iyaga oo xaqiiqadaas wada og ayay haddana runta is diidsiiyaan oo aanay xataa naftooda u qiranayn. Qaybo badan oo umadda ka mid ahi iyaga oo runta sidaas u og ayay haddana isu sheegayayaan Tigreegu in uu iyaga saaxiib la yahay oo dantooda wado.Taliska Tigreegu wuxuu og yahay, aadna ugu faraxsan yahay, cadawtinnimo badan oo uu Soomaalida la damacsanaa in ay dad Soomaaliyeed u fulinayaan. Sidaas darteed Tigreega iyo maamulkiisa xaaraanta ah ee ku dhisan keli talisnimada, gumaysiga iyo cunsurinnimadu maanta naftiisa ayuu Bogaadinayaa oo u hambalyaynayaa. Soomaaliduna maalinba ta ka dambaysa ayay sii gumoobayaan. Gobol uu joogaba Faca Soomaaliyeed ee maanta Barbaarayaa wuxuu ku barbaarayaa Gunnimo iyo Daciifnimo. wuxuu ku Garaadsanayaa in ay isaga Tigreegu ka sarreeyaan mar haddii ay Sandulle ugu taliyaan.

Qawmiyadda Tigreegu waxay addoonsataa tobannaan Qawmiyadood oo qaarkood iyada aad uga tiro badan yihiin. Qawmiyadahaas ma jirto wax ka dhexeeya aan ahayn in dusha lagaga wada tuuray magac faalso ah oo la yiraado ”Itoobiya”. Waa Qawmiyado kala dad ah, kala diin ah, kala af ah oo kala dhaqan ah. Beri fog ayaa dhulkaas lagu naanaysay ”Madxafkii Ummadaha”. Itoobiyadaas faalsada ah ee xoogga la isugu hayaa daqiiqad kasta ayay kala daadan doontaa laguna kala dhaqaaqi doonaa. Cid walba oo si fir fircoon siyaasadda gudaha ee dalkaas dan ka lihi si aad u fudud ayay kacdoon iyo fawdo uga dhex abuuri kartaa. Magaca ”Itoobiya” waa doqon nasiib leh.

Haddaba Tigreegu mar haddi ay xaalad sidaas u nugul xoog iyo xaaraan kaga taliyaan, Guri Quraarad ama Muraayad ahna ku jiraan, waxay ahayd in ay ka dhawrsadaan faro gelinta iyo fidnada ay ka dhex wadaan bulshada Soomaalida ee isku aabbaha iyo hooyada ah. Taas in ay yeelaan daaye waxay caado ka dhigteen, awoodda oo dhanna saareen, soomaalida in ay isku baabbi’iyaan oo kala daadiyaan.Marka la eego dhulka Soomaalida laga haysto iyo Godobta Gaamurtay, ee la eego sida aanay Itoobiyaanku u ahayn dad wax isu ah, dhammaan waxyaalaha ay Tigreegu Soomaalida ka dhex wadaan waa waxyaalihii ay Soomaalidu Itoobbiya ka dhex samayn lahayd. Soomaalidu haddii ay ahaan lahayd ummad feker qumman oo talo habboon run ahaantii dalka loo yaqaan ”Itoobiya” beri fog ayaa lagu kala tegi lahaa. Laakiin Soomaalidu waxay ku shuqlan yihiin in ay sidii Foodlay Ari jir ah dhexdooda u Murmaan.

Maanta ciidammada Tigreegu iyaga oo aad u hubaysan ayay soohdinta iyo gudaha dhulka Soomaalida hoganayaan. Kun digniinood ayaa Tigreega loo diray. Xil kaska Soomaalida iyo ummadaha duniduba waxay kula taliyeen in ay dhulka Soomaalida ka baxaan, arrimaheedana faraha kala baxaan. Ha ahaatee waa tii hore loogu maahmaahay ”Rag i daa kuguma daayo ee aynu isdayno ayuu kugu daayaa”. Mid kalena waa tii ahayd ”Nin aan warankaagu gelin weedhaadu ma gasho”. Tigreegu Soomaalida ayay ka il heleen. Iyaga oo qaar innaga mid ah oo ay taladu ka xumaatay iska soo horraysiinaya waa kuwaas soo Maqiiqan ee soo Qamaamaya.
Bulsho aad u weyn oo Soomaali ah ayay Qawmiyadda Tigreegu Gumaysataa oo madaxa kaga taagan tahay. Tobannaan Qawmiyadood oo kale ayay ku haysaa xaalad aan dhaamin addoonsi. Malyuumaad bani aadam ah oo leh dhaqammo, diimo, afaf iyo isirro kala duwan ayaa taliskaas Arxanlaawaha ah ku Hoos dulman. Intaas oo fursadood ayaa jira haddii la doono in Tigreega looga jawaabo fawdada ay dhulka soomaalida ka wadaan.

Geeska Afrika waxaa nabad iyo xasillooni lagu celin karaa laguna ilaalin karaa haddii la isu dheellitiro awoodda Qawmiyadaha geyigan ku wada dhaqan. Taasina waa in ay ka bilaabataa Tigreega in si dhab ah loogu sheego in ay xushmeeyaan Qawmiyadaha kale, haddii ay yeeli waayaanna waa in la tusaa Muruq ay ka baqaan. Imika ka dib warqadda keliya ee Tigreega lala ciyaari karaa waa dagaalka ay Soomaalida ka dhex hurinayaan oo gudaha Itoobiya loo raro.

Qalinkii: Ibraahim Hawd.

Voice Of Somalia-Somali Leaks.