DAAWO:-Al-Kataa’ib oo baahisey Qeyb kamid ah Taariikh Nololeedka Sheekh Mukhtaar Abuu Zubeyr.

32582202

Mu’assasada Al-Kataa’ib garabka Warbaahineed ee Mujaahidiinta Al-Shabaab ayaa baahisey kalimad maqal iyo Muuqaal ah oo ku baxeysa Luuqadda Carabiga,taas oo uu jeedinayo Sheykh Cali Maxa’muud Raage Sh.Cali dheere oo ah Afahayeenka Xarkada Shabaabul Mujaahidiin.

Sheykh Cali Dheere ayaa ka Hadley Qeyb kamid ah Taariikhda Sheykh Mukhtaar Cabdi Raxmaan Abuu Zubeyr-Amiirkii hore ee Mujaahidiinta Soomaliya-wuxuuna ku dheeraadey ka hadalka halgankii Sheykh Mukhtaar uu u galey inuu dhiso Awood Islaami ah,taas oo u babac dhigi karta Duulaanada Shisheeyuhu kusoo qaadeen Soomaaliya.

Sheykh Cali Dheere wuxuu sheegey in Taariikhda Abuu Zubeyr loog sheekeyn Karin saacad iyo wax lamid ah,wuxuna ku tilmaamey in Abuu Zubeyr uu yimid Soomaaliya,iyadoo kala tag-tagsan,ugu dambeyntiina uu ku guuleystey inuu ku mideeyo Wilaayaadka Islaamiga ah.

Sheykh Abuu Zubeyr ayaa ahaa mid kormeera howlgallada Mujaahidiinta,wuxuun naftiisa geyn jirey Saaxaadka Dagaalka,iyadoo sidaas ay tahayna kama daalin inuu baahi tiro Qabaa’ilka Soomaaliyeed iyo Muslimiinta ee ku dhaqan Wilaayaadka,sida uu sheegey Sheykh Cali Dheere Afahayeenka Mujaahidiinta Al-Shabaab.

Sheykh Abuu Zubeyr wuxuu sidoo kale aad u mutaabaceyn jirey Axwaasha Muslimiinta Caalamka,sida kuwa Filastiin,Borma,iyo Afrikad dhexe,wadamaas oo dhamaantooda lagu dhibaateeyo Muslimiinta.

Gebegebada Filimka Sheykh Cali dheere wuxuu ugu baaqey Muslimiinta barig Afrika iyo Soomaaliya iney u aargudaan Sheykh Abuu Zubeyr,islamarkaana ay sii laba laabaan halka Jihaadka,isagoo dhanka kale wacad ku marey inuu sii socon doono Jihaadka Soomaaliya.

 Daawo Kalimadda oo uu jeedinayo Afahayeenka Xarakada Shabaabul Mujaahidiin.

Xigasho: Alfurqan Radio

Weerar Jidgal ah oo Xabashida loogu dhigay Duleedka Dhuusamareeb.

32474587

Wararka ka imaanaya gobalka Galgaduud waxey sheegayaan in saaka weerar jidgal ah uu ka dhacay duleedka magaalada Dhuusa-mareeb kaasi oo loo dhigay kolanyo ka tirsan ciidamada Itoobiya oo qeyb ka ah shisheeyaha kusoo duulay konfurta iyo bartamaha dalka Somalia.

Jidgalka ama Kamiinka waxa uu sigaar ah kaga dhacay wadada isku xirta deegaanka Ceel-lahelay iyo tuulada Bulacle oo ka mid ah deegaanada hoostaga Dhuusa-mareeb’iyadoona kolanyada Itoobiyaanka ah ee kamiinka loo dhigay ay kasoo baxeen Dhuusa-mareeb kuna sii jeedeen dhanka degmada Ceel-garas oo ka mid ah goobaha Xabashida duulaanka kaga sugan tahay gobalka Galgaduud.

Wali si rasmi ah looma oga khasaaraha ka dhashay kamiinka saaka ka dhacay duleedka Dhuusa-mareeb’iyadoona Xabashida Itoobiya muddo ay ku hakadeen goobta kamiinka adag saaka loogu dhigay.

Ciidama soo duulay oo dhan ayaa waxaa ku socda dhiigbax iyo dhib joogta ah oo gaaraya gadiidka ay wataan,waana sababta u diiday inay socdaan ama gaaraan meeshay doonaan.

Maanta barqadii ayaa sedax qarax laga maqlay agagaarka biya degeenka Suuqa Xoolaha halkaasi oo ay ku socdaalayeen ciidamo katirsan calooshood ushaqeystayaasha Afrikaanta ah.

Goob joogayaal ayaa sheegay in sedax katirsan ciidamada Uganda lagu dilay qaraxyada waxaana burbur xooggan uu gaaray gaadiid ay wateen ciidanka labeegsaday.

Magaalada Muqdisho saacadihii lasoo dhaafay waxaa ka dhacay dilal iyo qaraxyo khasaara dhaliyay waxaana muuqata in ammaanka caasimadda uu faraha kasii baxayo.

Voice Of Somalia-Somali leaks.

DHAGEYSO:-Gabaygii Gudban Gaalo Leged iyo Sayid Maxamed

32090082 (1)

Gabayada Sayidka’Raxiimulaah’ kuwa loogu jecel yahay mid ka mid ah waxaa ka mid  gabayga ‘Gudban’ amase ‘Gaalo-leged’ lagu magacaabo ee, aftahanimmada suugaaneed ka sokow, in badan inoo muujin karaya waayihii Daraawiishta iyo, xilligii isaga la tiriyey, welwelkii iyo hammigii hoggaamiyahooda.  Waa meerisyo tusaale kaa siin kara dhibaatooyinkii Ingiriis iyo Soomaalidii horkacaysey ay Daraawiish u geysteen, rag wixii ay ka laayeen, gardarradii ay hadba ula iman jireen Soomaalidii uu had iyo goor xoolaha iyo lacagta ku miisi jirey siday ugu gacan-sayreen.  Qalbi murugeysan isagoo wada ah oo Eebbe-weyne u cabanaya ayuu kuu tawaawacayaa:

“Eebbow, dhulkii aannu lahayn meel aan ka degno nalooga dhaarey. Eebbow gaalo iyo cawaankeed waa noo gooddiyaan. Eebbow, Giriigga aan aad u kala fog nahayba ha ku ahaatee, nin waliba birta naga aslay. Eebbow, eed kama aannu geline, waa gardarro waxa ay noo gumaadayaan. Eebbow, dhibaatooyinka ay nagu hayaan waan ka seexan kari lahayn, haddii utun aan ka qabnaa ay jiri lahayd. Eebbow, waa diinta ha la taageero oo jahaadka ha loo soo baxo. Eebbow, nabaddii iyo waanwaantii aan la ag-taagnaa la iga hoos-qaadi waa’.

Voice Of Somalia-Banaadir Post

DHAGEYSO-DIIRADA JIMCAHA- Hal sano kadib weerarkii Westgate

 

Barnaamijka Diiradda Jimcaha waxaa maanta lagu soo qaatay mowduuc muhim ah oo ku saabsan dhacdadii Westgate oo ay hal sano kasoo wareegatay.

https://soundcloud.com/bana-4/dhageyso-diirada-jimcaha-hal-sano-kadib-weerarkii-westgate

 

XOGTA  RADIO ALFURQAAN.

http://radioalfurqaan.com/?p=20646

Voice Of Somalia-Banaadir Post

GABAY:- CEELBUUR & Abwaan Yuusuf Dhageey “Kaafir lama Ciseeye ALAA laga cabsoodaahe”.

Image

26,March,2014 ayay ciidamada Xabashida Itoobiya duullaan gumeysi ku qabsadeen magaalada qadiimiga ah ee Ceelbuur oo dhacda gobolka Galguduud bartamaha dalka Soomaaliya.

Reer Ceelbuur qabsashada magaaladooda filanwaa kuma aheyn oo 20 maalmood ka hor ayay ogaayeen dhaq dhaqaaqa duullaanka Xabashida wayna u diyaar garoobeen.

Inkastoo Ceelbuur ay tahay magaalo Facweyn hadane qabsashadeeda Xabashida iyo xaabadeeda waxba uma faa’iideyn aan ka aheyn dhib iyo dhiigbax joogta ah,gaadiid dagaal oo burburay,saraakiil iyo askar ladilay , fuuqbax  iyo saad xumo joogta ah.

Image

 

Waa Sidee Xaaladda Ceelbuur:Dhammaan shacabkii ku noolaa magaalada ayaa isaga baxay waxayna u guureen dhanka degmooyinka iyo deegaanada kale ee Galguduud ee aan weli galin  gacanta Xabashida ee xorta ah.

Dadka soomaalida ah ee Ceelbuur ku nool waa 5 qof oo ka shaqeeya shirkadaha isgaarsiinta ,kumanaan katirsan ciidamada Itoobiya ayaa deggan waddooyinka degmada soo gala waxayna magaaladu u egtahay bahala galeen haawanaysa waxa kaliya ee waddooyinka Ceelbuur lagu arkayo waa xayawaanada kala ah dameeraha iyo Mukulaalaha.

Siyaasadda faarujinta magaalooyinka iyo go’doominta:Dhammaan magaalooyinka ay soo galeen cadawga Itoobiya iyo Afrikaanta kale ayay shacabka soomaalida isaga qaxeen sababta ay u qaxayaan ayaa ah baqdin ay ka baqayaan in Itoobiyaanku dilaan ama ay diinkooda ka ka fitneeyaan.

Ceelbuur waxba sooma galaan waxna kama baxaan aan ka aheyn gaari isbuuc walba fuusta shidaala ugeeya shirkadaha isgaarsiinta,ciidamada Itoobiya dhibaata xooggan ayay ku qabaan joogista magaalada marka lagasoo tago dagaalka ay shabaabul Mujaahidiin kala kulmayaan.

#Kaalinta Qabaa’illada:Beelaha Murusade iyo Duduble ayaa kaalin weyn ka qaadanaya dagaalka iska caabinta ah ee xabashida Itoobiya lagula jiro.

 

31217877

Voice Of Somalia-Banaadir Post

 

DHAGEYSO:-Hiirmooge “Itoobiya markii lagu jebiyay Bakool ayay Jawaasiisteedu ONLF ku Halqabsadeen”

Image

Jabhadda ONLF oo ka dagaalanta dhulka soomaaligalbeed ee Itoobiya gumeysato ayaa beenisay warar been abuur ahaa oo ay warbaahinta ka sheegeen saraakiil soomaali Amxaaro Kalkaal ah oo Bakool ku sugan.

Afhayeenka Jabhadda ONLF C/Qaadr Hiirmooge ayaa idaacadda VOA-da u sheegay in ciidankoodu aysan ka dagaalamin gobolka Bakool balse ay gobolka Afdheer kula dagaalameen Xabashida Itoobiya ee xoogga ku heysata dhulalka soomaaliyeed.

“Islaan dhalin wayday alleela ku waalatay weeye jawaasiista Itoobiya la shaqeeya markii looga adkaaday dagaalka ayay ONLF afka ku qabsanayaan cid walba oo xabadda looga itaal roonaado waligeebay ..”ayuu yiri Hiirmooge.

Jabhadda ONLF waxay wax aan jirin ku tilmaantay eedayn uga timid Dabadhilif Max’med Cabdi Tool oo aheyd in ciidanka ONLF iyo kuwa xarakada Al Shabaab ay iska kaashadeen dagaalkii Itoobiya lagu jebiyay ee deegaanka Caato.

C/qaadir Hiirmooge ayaa shacabka Soomaaliyeed ugu baaqay in dalkooda ay ka xoreystaan cadawga Itoobiya ayna ku tusaala qaataan dhibaatada gumeystuhu ku hayo muslimiinta Soomaaligalbeed.

HOOS KA DHEGAYSO.

Voice Of Somalia-Banaadir Post

MUUQAALO & MAQAL:-Maamulka Islaamiga ah Shabeelaha Hoose oo soo Bandhigay Dad Cudurada Dhimirka qabay oo Laga Daweeyay

Image

Munaasabad Balaaran oo lagu soo bandhigayay dad qabay Cudurka Dhimirka oo Mujaahidiinta Alshabaab daweynayeen Muddo 8 bil ah ayaa ka dhacday Degmada Baraawe ee Shabeelaha Hoose.

 

Maamulka islaamiga ah ee Shabeelaha Hoose ayaa xareeyay dadka qaba Cudurka Dhimirka ee ku dhibaateysnaa degmooyinka Buula mareer,Qoryooley iyo Baraawe.

 

Sadax qof oo kamid ah bukaanada ayaa xaaladooda caafimaad lala tacaalay kuwaasi oo haatan la sheegay in muddo kadib la fasaxayo iyagoo loo sameynayo shaqo abuuris.

 

Sheekh Cabdullaahi Raabi oo kamid ah culimada diinta islaamka ayaa hadal ka jeediyay Munaasabada.

 

Dhagayso Kalimada Sheekh Cabdullaahi Raabi

Sidoo kale goobta Munaasabada waxaynu ku wareysanay qaar kamid ah bukaanada cudurka dhimirka laga daweeyay.

 

Dhagayso Bukaanada Laga daweeyay Cudurka Dhimirka.

HOOS KA DAAWO SAWIRRO

somalimemo.netsomalimemo.netsomalimemo.netsomalimemo.netsomalimemo.netsomalimemo.netsomalimemo.netsomalimemo.netsomalimemo.net

somalimemo.net

Bukaanada Wali Xanuunka Dhimirka uu Hayo

somalimemo.net

Sadexda Ruux oo Caafimaadkoodu Hagaagay

Xigasho:Idaacadda Alfurqaan

AWOODDA ALSHABAAB IYO INDHO LA,AANTA DOWLADDA KENYA.

Image

Dowladda Kenya ayeey ciidamadeedu qabsadeen magaalada Kissmaayo ee gobolka Jubbada hoose ee dalkeenna Soomaaliya.

Ayadoo ay wehliyaan maleesho beeleed lamarin habaabiyey oo soomaali ah oo runtii dhiigooda laga iibsaday shirkado shisheeye oo doonaya inay xoog ku baartaan kheyraadka dalkeenna.

Haddaba ciidamada Kenya oo ay muddo sanad ah ku qaadatay inay soo gaaraan magaalada Kismaayo ayadoo ay kaabayaan ciidamada cirka ee dalalka (X iyoY) iyo maraakiibta dalal reer galbeedka katirsan ayaa degay DEKADDA iyo AIRBOORKA kismaayo oo labaduba ah ilaha dhaqaalaha ee gobolka.

Sikastaba ha ahaatee dowladda Kenya waa looga digay inay isku daydo inay ka faaiideysato kala daadsanaanta iyo daciifnimada Soomaalida qaarkeed kujirto,waxaana loosheegay inay weli jiraan qeybo kamid ah walaalaha soomaaliyeed oo weli nool,xayi ah islamarkaana aysan Kenya u baabac dhigi karin haddii ay isku doonato.

Hase yeeshee dowladda kenya way kadhego adeygtay digniinaha uga imaanayo dowladaha caalamka qaarkood iyo Xarakada Shabaabul Mujaahidiinba. waxaase maanta lays weydiinayaa maxay Kenya kadheeftay qabsashadii KISMAAYO looqabtay iyo iska indho tirkii awoodda Alshabaab.

Alshabaab inay tahay awood Soomaaliyeed oo jirta ayaa laysla wada qirsan yahay,mana aha wax ay Kenya iyo dowladaha yaryar ee lamidka ahi quursan karaan ama ay iska indho tiri karaan, balse waxaan aad loogu baqaa mustaqbalka shacabka reer Kenyo ee kusii baaba’ayo siyaasad xumada madaxdooda dambiilayaasha ah.
W/Q; Xagaleey.

DHAGEYSO-Gabay ku socda Xabashida Duulaanka ah”WARMOOG”

Image

Wuxuu gabaygan  shacabka xasuusinayaa  dhibaatooyinkii Guracnaa Itoobiya ka gaystay Muqdisho oo ah Caasimada Soomaaliyeed isagoo wax lala yaabo ku tilmaamay dadka haatan ku dhawaaqaya Itoobiya inaysan ahayn tii hore.

Wuxuu kale oo cadaynayaa inay jiraan rag  hor taagan cadowgan hororka ah ee raba inow weli xasuuqo shcabka Soomaaliyeed.

Voice Of Somalia-Banaadir Post.

GABAY:-Abwaan Wariye C/llaahi Soomaali oo Gabay ka tiriyay Jabkii Xabashida ku gaaray Dagaalkii Galguduud.

30540373

Abwaan Wariye Cabdullaahi Soomaali ayaa tiriyay Suugaan uu ka cabbariyo halaaggii Ciidanka Xabashida ku qabsaday dagaalkii cuslaa ee laba maalmood ka hor ka dhacay duleedka degmada Maxaas ee Gobolka Galguduud.

 

Hoos Ka Akhriso Gabayga uu tiriyay Abwaanka

 

goosaydii gorof iyo hibaad gaalo lagu laaye,

geesiyadii Islaamkaa heliyo ma gambada yaale,

gentaalaha markii lagu ridiyo gumaca baaruudda,

gala iyo takbiirtii iyo giririgtii yeedhay,

go’doonkiyo gadaamkiyo raggii gees walbaba joogay,

gariir iyo cabsida kuwaan goorna lagu sheegin,

xabashidu markay gorodiyo foodda geli weysay,

hubki ay geneysay markay gool ku dhali weysay,

sida geel dhurwaa galay dudday amase guulaabe,

dhul aanay garaneyn ayay orod is giijeenee,

ha yeeshee goshaa iyo goshaa looga garab roorye,

galawdiyo xariirtay rasaas uga gufeeyeene,

mid gamboon mid geeryoodiyo mid gal galaanaaya,

mid geedaha dhex jiiroo kurtii gees waliba dhiig leh,

meyd gebranoo gacal waayay oo haad ku geylamayo,

uural guban gadaal iyo horiyo guro iyo hoosba,

sidaasay gedigood noqdeen geshki cadawgiiye,

Alleylehe in aan gabay tirshaa igu garweeyaane,

bal aan gacaladeydii iyo dunida gaarsiiyo,

gondohood qabatiyo gerka kuma garaabaane,

waa cadaw go’aankiisu yahay inuu ku gaabshaaye,

kirishtaan haddii anad geleyn kuma gargaaraane,

golxobkiyo birtaa lagu kawshaa gaalo qurunleey’e,

jananadaan gudneynoo gubtee gibilku doorsoomay,

gerwadeenka duulaanka iyo gacanyarihiisi,

gelinkii horeetiyo wabxay galabta yiileene,

dadki gobalka meel aadaye gulufku saameeyay,

wara gibille gaashaan-rigliyo gewer ka soo yaace,

guri dheere qaar baa ka yimid gerdi agahiise,

gabdhihiyo raggaa daawanaa gumaarro weyntiiye,

gurboodkiyo waxaa jiidaya dumar gambooley ah.

Gardarada Ninkii daa’imaan Guul ku qabaneyne,

Gefka iyo xumaatida waxa y ugu garbeysaaba,

Guclo qalad cadaaniyo waxay gulufku taageerto,

Gaashaanbuur israacdiyo waxay gacal ahaadaanba,

Gaar waxay u showraan intey Ganafka taagaanba,

Wixii uu Gariifoo Naflaha Gooni ka ahaado,

Galoof olol isqaad qaad iyo Goodis laga yaabay,

Wuxuu geeda laayoo Magriyo godob Maleegaaba,

Gablamay wuxuu oran Markay Gebi ka tuurtaaye

Gedacad asiga oo u yaal God dheer jiridiisa,

Juxuda asiga oo ka jabay garba iyo feero,

Oo xariirtu dhowr Gobal tahoow Go’ay yiraahdaaye.

xabashina geddaasay maree gelinka maantaaye,

garaafiyo xanuun iyo hadaan godin la taabsiinin,

hadaan wiil lagdan garan hayaa gudub u soo laacin,

haddii aan gawaan lagu dibrine go’ay laga keenin,

hadaan garacu waa kibirsanyee gowrac lagu jiidin,

gaaabis iyo in aan liidaniyo waa gunimadeene,

Gobanimo si loo helo colaad geliya laabtiinna,

sidi guduri meyd helay wax badan nagu gadaamneede,

gashigiyo dhibkaad geysatiyo godobihii waagi,

gocondhaad abuurtiya waxaad guratay jiirteene,

gefki iyo dulmigeediyo gabanaday laysay,

gamboolay waxaad qalatiyo geesi iyo aabbe,

haddii aanan kaa gudunine gibir lagaa qaadin,

sidaadoo kaleynaan gudneyn gebi ahaanteenba.

geba gebada maansada ayaaan guda gelayaaye,

inastooy gob ay leeyihiin dad wax galoo fiican,

oo jihaadka gees kaga jireen gaabis lagu sheegin,

guri ceel nimankaa degnaa gaalo dili waaye,

tigreebey gogoshuu dhigeen una gudoonshaaye,

gabadhihii inuu fara xumeyn lana gedoodeynin,

inuu gibirka qaadee yiraa gini ha lay keeno,

barqadii inuu gaardiyee gaasas badan feylsho,

dabadeedna geel loo qalaa waa gunimo weyne,

ha yeeshee is geejiye dadkii guriga ceel buur’e,

Itoobiya gargaar umay falin waanay gubayaane,

garnayl iyo waxaa lagu ridaa gumaca qiiqaaye,

biyo looma geeyo iyo goolow qalataaye,

gasiin iyo rasaastii iyo gurmad heli waaye,

gaajo iyo rafaadbaa dilooy la gagabayaane,

gedo iyo bakool ilaa Gobalka hiiraanba,

goomanaan ku raagtoow kufrigu gelelefaayaaye,

gigta iyo gawdaa lagu hayaa goorti la arkaaye,

ninkaan gacanta qaadinow kolley waad is garanayee,

gamaankaada heenseey facaa ha u gadaaleyne.

W/T  Wariye Cabdulaahi soomaali.

Image

30549293

Fannaanoow Wax kale lagaama fillayn

Image

Heesaaga Soomaaliyeed horay iyo haatanba waxa uu ahaa mid bulshadda dhibaato ku haya , Fannaanka qofka loo yaqaan Soomaalida dhexdooda ee heesta qaadaa waxa uu bulshadda ku hoosaasiyaa dawlad maqaarsaar ah iyo nidaam mabda la’aan jirra oo waxyeelo mooyee aan marnaba laga filan karin dheef (Dawlad qabyaaladdeed) .

Haatan oo dalka Soomaaliya ku jiro xilli xun , dawlad guudna dalka Soomaaliya annu lahayn ,ciidamo shisheeye oo dib dawlad u helka la dagaalsanina ay dalkeena joogaan waxay fannaaniintu dhinac taagan yihiin cadoowga ummadda Soomaaliyeed ee ah ciidamadda soo duulay oo diin la dagaalka dalkeena u jooga .

 

Iswayddiinta ayaa ah maxaa u sabab ah in Fannaanka Soomaaliyeed dhinac taagan yahay cadoowga ummadda Soomaaliyeed , qaybtood (Fannaaniinta ) Inta ay soo xirtaan tuute ay innoogu yeeraan ciidamadda qaranka ayaan dhiiragalinaynaa , Aawaye ciidamadda qaranku ? Ma dawlad qabyaaladdeed ayaa ciidamo qaran alkumi karta ?
Inta aynnaan u dhaadhicin ka warcelinta wayddiinta ah maxaa ku sababaaya fannaanka Soomaaliyeed in uu cadoowga u durbaan tumo aynnu isla waddaagno inno ka sheega sooyaalka fanka Soomaaliyeed kiisa hees muusig lagu laray qof qaada .

Sooyaal Fanneed .
Heesaanimadda qof Soomaaliyeed ku heeso hees lagu laray muusig waxay ahayd aragti gumaystihi ingiriisku keenay dhulka Soomaaliyeed .
Sida sugan oo aan ka arkayno keenitaankiisuna waa in ay arrintu tahay mid dantiisu ku jirto , aynna ka dhan tahay tan Soomaalidu leeyihiin ee ah ku dhaqanka diintooda iyo horusocnimadda afka Soomaaliga .

Soo ifbixi heesaa Soomaaliyeed oo muusik ku dhex garaacaaya heesta waxa ka hor yimi culimaddi Soomaaliyeed ee xilligaas joogtay .

Si kasta oo ay culimadda diintu muusikadda u diido hadana ma hor istaagin hanaqaadki hees qaadayaasha muusikadda bulshadda ku asqaysiiyeey ee hadana la yimi fasahaadinta da’yarta rag iyo dummarba leh.
Ka gadaal dal xor ah noqoshadda dhulka Soomaalida qaybo ka mid ah ee dawlad yeesha waxaa isa soo taray soo kororka iyo kor u kaca fanka Soomaalida .
Xilligi dawladdi kacaanka ayuu fanku noqday mid bulaalay , waxaa ku soo biiray fannaanimadda dad tiro badan , waxaa samaysmay kooxo fanneed .
Dawladdi kacaanku waxay u addeegsatay ujjeedooyinkeedu guracnaa ee kalitalisnimo kursi sii haysashadda salka ku hayey iyo mabaa’diidi ka dhanka ahayn diinta ISLAAMKA .
21-sanno ayay fannaaniinta Soomaaliyeed jugta iyo jiibta u hayeen heeso dadka lagu dhaga barjeeyo oo looga gol leeyahay ku baraarujinta kacaan jeclaanta .

Haday meesha ka baxday dawladnimaddi ee dalka Soomaaliya soo istaagay dal aan dawlad lahayn fannaaniintu waxay noqdeen kuwo burbura , intooda badani waxay noqdeen dibad joog oo dalka waa ka hayaameen .

Waxaa xilliga burburka kuwi hore badalay kuwo hor leh oo tiro badan , jaantaa rogana ah , oo qof kasta oo ka hela in uu heesaa waxa uu soo qaaday hees

Goortaan iyo fanka .

Waxay noqdeen fannaaniinta goortaanu kuwo cadoowga ummadda Soomaaliyeed u sacaba tuma , bulshaddana been u sheega .

Ciidamo qaran oo aan jirin ee malayshiyaad koox odayeed ku dhisan oo dadka baarta oo barakiciya ayay innoogu sheegaan ciidamo qaran , waa gartoode iyaguba (fannaaniintu) ma yaqanaan ciidan qaran ciidamadda lagu magacaabi karo oo fannaaniintu waa kuwo ka mid ah bulshadda siiba kuwa ugu fahan nololeed hooseeya oo fannaanku waa qof garaad yar , sidaynnu hoos ugu tagi doonnona waa qof dammiirkiisu iib yahay fannaanku , dal iyo diin midnaba umma daneeyo , waxaynna u tahay noloshu tiisa , tabcashaddiisuna waa fannaanimo ku maal doonka .

U heesaayaal Maamulo koox odayeedsan oo jaantaa rogan ah oo tuula walba calan ha loo taago ku dhisan kana dhan ah aayyaha umadda Soomaaliyeed weeye fannaanka Soomaaliyeed ee goortaanu.

Dhinaca kale waxan fannaanka la tusi karin kooxda Soomaaliyeed ee Al-shabaab ee doonitaankoodu yahay dal xor ah oo ku dhaqma dawladnimo ku dhisan diin .

Tan weeye mida iswayddiinteeda sarraysa ee leh maxaa fannaanka ku kalifaaya in uu ahaado ku cadoowga ummadda Soomaaliyeed u durbaan tuma kana soo horjeesta dan sidaha dadka Soomaaliyeed ee u taagan diinta , dalka iyo dadka tooda .

Waxaynnu taas kaga wayddiin celin waa kuma fannaanku si kale qofkee weeye fannaan Soomaaliyeedku ,middaas ayaynnu ka ogaan say illa tahay sababta fannaanka u leh bulsho hoosaasinta .

Waa kee fannaanku ?.

Fannaanku waa qof aan lahayn asal ahaan mabda iyo aragti qoffeed , badanaa waxaa loo noqdaa magac iyo maal ku helid .
Intooda badan fannaaniintu waa kuwo aanba fanmin macnaha iyo ujjeedka heesta ay qaadayaan sababta oo ah ma ahan kuwa ay ka soo maaxdaan mirraha heestu .

Waxaa la socda fannaanimadda qofka Soomaaliyeed fusuq ah in rag iyo dummar is dhex dabaashaan , waana mid ay reebayso diinteenu .
Haddaba fannaanka oo magac iyo maaldoonimaddiisa ka duulaaya ahna qof mabda aan lagu malayn karin ayay isdiidan yihiin muusikadda uu heesta lagu laray qaadaayo iyo diinta islaamku .

Fannaanka oo heesaanimaddiisa u danaynaaya ayaa u arka koox diinta islaamka in la loo xakuntamo doonitaankoodu yahay ay tahay cadoowgiisa .
Waa sababta fannaanka Soomaaliyeed uu ulla safan yahay cadooga ummadda Soomaaliyeed ee haatan AMISOM loogu yeero ee ah ciidamadda shisheeye ee cadoowgeena ah .

Waxyeelaynta.
Waxyeelaynta Bulshadda ee fannaanku dhibaatadda gaarsiiyo dadka waa in fannaaniintu ay yihiin kuwo danta ummadda Soomaaliyeed gees marsan unna heesa cadoowga iyo nidaam dawladnimo ka fog oo soo socotadda ummadda Soomaaliyeed ku hagaaya dawladnimo la’aanta oo sii daba dheeraata .

Waa kan fannaanku maleeshiyaad koox odayeed dhex istaagay isaga oo dhar ciidan sida innagu leh ciidamadda qaranka ayaan la dhinac ah , cadoowga ayaanna lala dagaalamayaa .

Haa! Isaga cadoowgiisu waa inta diin isku xakunka doonitaankoodu yahay , maanta haddii dalka Soomaaliyeed gumaysti toos ah ay ugu dhawaaqaan kuwa dunnida haatan u tunka waynni fannaanku waxa uu ahaanayaa mid u sacbiya gumaystahaas .

Maxaynnu ku eedaynaa fannaankaba heesta muusikadda la huwiyey ku luuqaynaaya waxaa innoo keenay gumaystahee .
Kolkaas isma diidayaa gumaystaha iyo fannaanku , mar kastana fannaanku waxa uu ka dhan noqon diinta iyo danta dadka Soomaaliyeed .

Bulshaddi Soomaaliyeed oo ah kuwo wacyi hooseeya ee fahan nololeed ku nooli waxay u nugul yihiin maqalka dhawaaqa fannaanka .

Fannaanka oo ka faa’iiidaysanaaya bulshaddan burbursan ee tayyadda daddeed hoosaysaa waxa uu ugu yeerayaa wax ka dhan ah aayyahooda iyaguna (bulshaddu) waxay ahaan kuwo jeclaada fannaankaas ,cadoowga u heesaaya .

Dhamayn .
Fannaanka Soomaaliyeed waa mid dhan diineed iyo mid wadaniyaddeedna ka maran , waxyeelona ku ah bulshadda Soomaaliyeed .

Ugu dambayn Fannaaniintu waxay ka qayb yihiin inta bulshadda Soomaaliyeed xuma ku hayntooda u taagan ee u heelan in burburka dhan kasta ah ee dadka Soomaliyeed haystaa horay usii socdo .

Sababtuna waa in fannaanku yahay qof howsha uu ku jiro ee fannaanimo iyo diinta islaamku is diidan yihiin iyo isaga oo magac iyo maal doon ah taasna u dhumiyey waddaniyadda , dhanka kalena aaminsan qabyaaladda .

 

Qorre: Idiris A. Dooxa-joog.

DHAGEYSO:-Korneel Maxamed Cali”Shabaabka Tab iyo Xeeladba Way ka sareeyaan Amisom iyo Dowladda”

Image

Korneel Maxamed Cali Cismaan oo kamid ahaa Saraakiishii Ciidanka Milatariga Maamulkii Siyaad Barre kuna soo tababartay Wadanka Ruushka oo  wareysi siiyay Alfurqaan ayaa sheegay shabaabul Mujaahidiin in tab iyo xeeladba ay kasareeyaan shisheeyaha iyo dowladda Xasan Sheekh.
Wuxuu tibaaxay dhanka sirdoonka iyo war helist a ay kasareeyaan shabaabka shisheeyaha iyo Soomaalida.
Dagaalka xiligaan dhacaya ee islaamiyiinta ayuu sheegay inuu yahay mid tababar iyo qibrad ahaan ay sareeyaan mujahaidiinta isagoo tusaale usoo qaatay weerarkii Buula Burde.

HOOS KA DHAGEYSO

Voice Of Somalia-Banaadir Post

DHAGEYSO:-Sheekh Cali Dheere”Duulaankaan waa kii ugu tabar darnaa Gaaladuna way ku jabi doonnaan”

Image

Afhayeenka Xarakada Mujaahidiinta Alshabaab Sheekh Cali Maxamuud Raage Sheekh Cali Dheere ayaa sheegay in duulaanka cusub ee ciidamada shisheeye kusoo qaadeen dhulka  Soomaliyeed  oo yahay  in duulaankan u midkii ugu tabarta yaraa ee gaalada kusoo qaadaan dalka Soomaaliya.

Sheekh Cali Dheere waxa uu intaa ku daray in ciidamada Shisheeye ay ku jabi doonaan duulaankani waxaana uu tusaala u soo qaatay ciidamada Xabashida Itoobiya oo iyadu duulaanadii hore looga bartay inay dhaqso meel walba ku garaan  balse waxa uu sheekh Cali  tilmaamay in Xabashidu xiligaan dhuumasho ku jirta taasina qeyb ay ka tahay tabar darida gaalada soo duushay.

Voice Of Somalia-Banaadir Post

DHAGEYSO-Gabaygii Gudban Gaala Leged iyo Sayid Maxamed.

Image

Sayidku wuxuu in badan isku dayey inuu Soomaali oo dhan kasbado oo si uu ku kasbadaba uu ku guulaysto inay dhinac uga soo wada jeedsadaan gumaysiga.  Gabay ammaan ah, mid guubaabo ah, mid goodi ah iyo mararka qaarkood mid wax ka sheeg ah ayuu ku dayey.  Mar wuxuu ku dayey diin iyo wacdi iyo jeclaysiin uu isleeyahay diinta jeclaysii, cabsida iyo cibaadada Eebbena ku dhalaali.

Marar kale wuxuu isku dayey wax siin uu maal badan dhinac walba u diray isagoo qof kasta oo magac ama maamuus leh farqaha u buuxiyey.  Intaas oo dhan markii waxba Alle ka aabayn waayey, waxay Sayidka iyo Daraawiishba la ahaatay in bal ay xeelad kale ku dayaan.

Iyagoo diinta cuskanaya ayey waxay goosteen in dadku labo midkood yahay.  In jihaadka taageersan oo Daraawiishta la jirta iyo in gumaysiga taageersan oo Daraawiish kasoo horjeeda.  Mar haddaan gumaysiga la jahaadayno ninkii noo soo raaca ama si uun u kaalmeeya waa noola mid ayey ku qanceen.

Mar haddii ay sidaa is tuseen waxay noqotay inay Soomaali badan coloobaan, qof Alla qofkii gaalka usoo raacana ay sida gaalka ula xarbiyaan.

Haddaba Sayidku isagoo isku daraya taariikh hore iyo sifayn xumo badan oo Daraawiish iyo Soomaali idilkeedba lagu falay, xusid nin karmeed badan oo Daraawiish laga makalay iyo sida ay Daraawiishi arimahaa uga gilgilan doonto ayuu wuxuu tiriyey gabaygan hoose.  Gudban ayaa loo yaqaan gabayga, dadka qaarkiina Gaalolegad ayuu ugu yeedhaa.  Waxaa la sheegay in Daraawiish oo dhammi xafidsanayd gabaygan.  Wuxuu yidhi Sayidku:

Awal maanso waataan gudboo, gudhiyey waayaaye
Waataan galbeedkaas u diray, guga hortiisiiye
Aan gasheeyo tii xalay hurdada, gama’a ii diiday

Galladaha Illaahay ka badan, geedahaas baxaye
Guushuu inoo yeelay baan, idin garwaaqsiine
Guddiyey i maqal waxaa tihiin, gacaladaydiiye

Najiskii gurta xumaa hadduu, shalayto geeryooday
Godka lagu cadaabkii haddaan, gawrac ugu jiiday
Uu guduri cunay waa waxay, galabsanaayeene

Dhurwaagii ka giigaan u diri, gacan salaameede
Isagay gargaaroo dugaag, iiga goonniyahe
Haddaan garan gunaan siin lahaa, gooriyo ayaane

Gandal-dheere waataan wax badan, guuyaduu madhaye
Gef hadduu ku sii daray wixii, lagu gufeynaayey
Anigu wow garaad qabay inuu, gigi waraabuuye

Giriirixis aan jirin waa wixii, gaabshay oo rogaye
Gaaleyska waataan la dhacay, gucurradoodiiye
haddeynan abaal gadin sidaa, uma gadoodneene

Godolkiyo kasnaantaan u qabay, kama galgaaleene
Kumana gaagexeen abid hadday, nabad ku goohaane
Waxse mowd ku gaardiyey markay, ganafka taageene

Gobowgii Shuxle ahaa haddaan, gowsihii jebiyey
Gegida Yuusuf jiifuu tukuu, gabas-dhebaayaaye
Geesaaska dumarkaa sidii, galow la moodaaye

Geed-joogahoodii haddaan, guduridii siiyey
Gus-ku-taajir baa ii hadhoon, ugu gamuumaaye
Cismaan iyo waxaan gaadayaa, gabannadiisiiye

Majeerteenka kale inaan ku gudo, wayga garanuuge
Garacyada Bahdira haatanaa, guuto loo wiciye
Waa lagu galaal xoorayaa, gurigi Reer Nuure

gabagaba-rogaalkaa warmaha, lagu ganaayaaye
goobbay ku wada lee’an sidii, goosan weer helaye
Gafuurraxun sidee Eebbahay, guuldarra u raacshay

Afartaa geddii aan bartiyo, gololo’daydii dheh
Gerbidaan ka soo hoorin jiray, godol naqaygii dheh
Madfac gow yidhaahdiyo rasaas, gininigtoodii dheh

Guulaamo roob da’ahayiyo, gababaxdiisii dheh
Unkod guguguclayn iyo hillaac, galalacdoodii dheh
Gufaaciyo gudgude soo curtiyo, garamahoodii dheh

Guluuliciyo mayay laysku daray, galangalkoodkii dheh
Gal xareeda daad soo gabraday, gal iyo duufaan dheh
Bad gariirtay mowjada gurxamay, gacammadii Ayl dheh

Shir la gooday waayeel gab yidhi, garangartiisii dheh
Xariir lagu gimmaamadahayiyo, gole firaasheed dheh
Xaajada ninkii garanayiyo, gig iyo sheeggeed dheh

Gobo’ kalana waa aniga iyo, ged iska sheeggayga
Galiilyoodayeey cadho miyey, gubatay laabtaydu
Gogoshii la ii dhigay miyaan, geydh la qaban waayey

Gabbal dhiciyo waaberi miyaan, socod ku gaarraaday
Gadiid maalin oo idil miyaan, gaafka sare meeray
Sidii awr gabraareed miyaan, gululubluu rooray

Ma gudoodigiyo suudigaa, gubadka ii yeelay
Ma geddaabadhabadkaa sidii, geri i boodheeyey,
Gooxii aan yuururay miyaan, gibil madoobaadey

Raggii igu gadaannaa miyaa, aakhira u guuray
Goortaan garwaaqsaday miyaan, gocoshadii eeday
Gamiinkaan xanuunsaday miyaan, gorodda laadlaadshay

Gelin haddii aan foororay miyaan, giirka kor u qaaday
Guhaad iyo calool xumo miyaan, geydhtayoo diriray
Hadba gees miyaan deyay intaan, gownaxyada buuray

Guntigaan maroorsaday miyaan, labada low geeyay
Gaashaanka iyo tiirigiyo, gamas miyaan qaatay
Ma genbaan u taagnahay intay, gaadho noloshaydu

War ma Dhooddi baa gaamuroo, garabku weynaaday
Ma galaasyo miidaan ku shubay, gamashigii dayrta
Gorgor kacey la moodyow durduro, ma igu gooraamay

Godobtaydu way wada jirtaa, goonyohoo idile
Gashi niman ku leeyahayba waan, dabagelaayaaye
Waxaan goosan karo anigu waan, gurubsanaayaaye

Gardarradiyo maaggii i helay, waan ka geylamiye
Gartay weeye dunidaba inaan, galalafeeyaaye
Gayigaba waxaan doonayaa, inaan gumeeyaaye

Nin ganaananayaan ahaan, gabadhna dhaafayne
Waxaan geysto oo idili way, gun iyo rayrayne

Wixii guul darraystaba naflaha, wow gagabayaaye

Anigaba geddey igu faleen, waa gaggaab culuse
Gallad nimaan ka qabo laguma oga, gebiga Daaroode
Giddigoodba waatay girliga, nagu garaaceene

Anaa gaafahaaygii nadhaye, geyste nabarkiiye
Anna waxaan rasaasta u gingimay, gini colaadeede
Gabagabaha Bari waxaa ku xigi, go’aha Iidoore

Guban iyo Burciyo Looyo waa, gaalib weerar e
Gooddiga Arooraa fardaha, lagu garmaamayne
Gaaroodi iyo waa la tegi, buurihii Golise

Galaayuubta Hagar Aadan baan, gaaddow marine
Gembi wowgu ridi fulayadii, ganafka dheeraaye
Geeltoosiyaha waa la siin, gucurradoodiiye

Sidii garowhadhuudh baan kurtiis, guran Ogaadeene
Galaamaha haddii aanan ka deyn, goor walbaba jooga
Inshaa Allaahu way gudhahayaan, sida gal miireede

Gurraasiyo Iljeex waa la qaban, gooshka haatana e
Malahayga waa lagu galgalan, gaanka Reer Dalale
Gaas baa ku caran Reer Subeer, goborra weyntiiye

Kolaan Goora Cobolleey ka dayo, amase Geel-loo-kor
Huwan waa ka gabangaabsadaye, gelin ma waayaaye
Haaruun xaggee baa la geyn, Goha miyuu dhaafi

Afartaa gudbaye balaan mid kale, soo gadaal celiyo
Sidii goray garraar sare ka baxay, garabka maan taago
Waxa guudka iga fuushan iyo, galayax maan muujo

Gabgabtiyo galaydhyeyntu waa, godol hortiisiiye
Ninkii goomman wow shubahayaa, galaxa caanoode
Gabbaan laguma sooree nin raga, balaan ganuun siiyo

Waan gaaxsanaan jiray tan iyo, garashadaydiiye
Sidii goodir dhalay haatanaan, gaawa leeyahaye
Aan gafleeyo geerarshahaas, gaafan baan ahaye

Xaajada nin gunaan ahee, aan u garraardaayo
Markab aashi gaambiyi sidiis, balaan u guurreeyo
Meeshuu garraarkeedu jiro, gow aan kaga siiyo

Nimaan gedo yarayn baan ahoo, Gaadda Weyn jiraye
Waa ii garaad li’i dantay, inaan ka gaaftaaye
Gobo kalana waa Eebbahay, midaan galliimeystay

Eebbow geyiga oo dhan waa , nalaga guulaaye
Waa noo gedleeyaan dadkii, gaalada ahaaye
Eebbow Giriig kolay ku tahay, nala gamuunneeye

Go’na lagama qaadine dulmay, nagu gelaayaane
Gabbaad kale hadday noo helaan, waan gam’i lahaaye
Eebbow waxay nagu garbeen, diinta soo gala e

Eebbow gadhka haddaan qabsaday, gaaxshe nabaddiiye
Eebbow gammaan iyo waxaan, gini cas dhiibaayey
Eebbow garow kagama helin, goolashaan wadaye

Gambalaaligii bay warmaha, nagu garraaxeene
Eebbow way gumaadeen raggii, gaanaha ahaaye
Eebbow waxay gabawareen, Gaagguf iyo Xayde

Xirsigii garaaraha lahaa, gaarufkii dile e
Geydhaale Aw-Aadan bay, galowga taabteene
Eebbow geesigii Ina Dherey, ugu guduudsheene

Guxushaaga Baynaxa ilmadu, waatan gabaxleyne
Gorroska Muuse-taaganaa wadnuhu, ila gariiraaye
Eebbow ways gamaamaa markuu, gaarka soo maro e

Guuleedku wuxuu noo ahaa, guurti loo hiranne
Nimankii garaaddada ahaa, waa gadow jabane
Eebbow sidii gaanti maro, waa la gaasiraye

Eebbow gaadhi bay Reer Warfaa, guradiii saareene
Gubni baa ku dhacay reerihii, gaannanaan jiraye
Eebow goonni baa laga heliyo, guri qalaadeede

Gaaggii ka hadhay Reer Shawaa, caydh la golosleyne
Waxa goday sidii qaanso waa, gaajo iyo ciile
Eebbow waxaa gorof ku raray, duul Geshiiisha ahe

Cali-geri sidii loo gondolay, gobolba meel aadye
Waa gelengal nimankii fadhiyay, guriga Ciideede
Eebbow gurbood baa hadhiyo, gaban agoomeede

Eebbow goonji weyn iyo xaqbay, naga gullaafteene
Guullow ma helayaan waxay, nagu gubaayaane
Eebbow waxay naga gogtaan, waa galoof olole

Eebbow sidii guun haween, giidu waa aniye
Eebbow nin goba baan ahoo, guni rifaysaaye
Eebbow waxaa noo gurmaday, gaaya alifleeye

Ma garaysni Eebbow waxaa, guufanneyska ahe
Eebbow gabooddii dorraad, waan ka gar-Allayne
Eebbow markaan geyllamey, guulmiyo baqiye

Eebbow guddoonkii sharciga, gooye bahashiiye
Eebbow kufriga gedeftaley, gacanta haystaane
Eebow anaa kugu garlehe, guusha ha I seejin.

Voice Of Somalia-Banaadir Post

DHAGEYSO:- Sheekh Cali Dheere “Kenya ma istaahisho in loo jawaabo”

Afhayeenka Xarakada Shabaabul Mujaahidiin Sheekh Cali Maxamuud Raage Sheekh Dheere ayaa bixiyay Wareysi Cusub oo uu uga hadlayo arrimo muhiim ah sida dacaayadda Rakhiista ah oo ay Dowladda Kenya faafisay oo aheyd in ay dishay Sheekh Cali Dheere.

“Runtii qoladan gaalada Kenya in loo Jawaabo mamudnayn beenta intaas la eg in ay sheegaan waxaa ku khasbay ciidankooda Soomaaliya kusoo duulay ayaa dhibaata lakulmay,shacabka Kenya ayaa dowladda farqaha ku dhegan baaba’a iyo halaagga wiilashooda gaaraya ayay beenta maciin bideen oo ay yiraahdeen mujaahidiinti ayaan dilnay” Sheekh Cali Dheere.

Image

Voice Of Somalia-Banaadir Post

Al Shabab’s Irrigation Project improves Food Security in Somalia

Image

An ambitious plan to build canals to store and transport water to farms in Lower Shabelle has led to an increase in food production and a resurgence in farming.

Somalia is prone to cyclical droughts, but the effects of water shortages has been exacerbated by the prolonged war in the country.

Following one of the worst droughts in the nation’s history in 2011, Islamic terrorist group, al Shabab – who still control a considerable section of central and southern Somalia – unveiled plans of digging canals to supply farms water in 2012.

Droughts have forced many civilians to migrate from areas under the control of the terrorists in the past – threatening their power base.

The irrigation project – estimated to cost about $2 million – is reported to be part of the group’s strategies to improve the lives of people under its territories.

In Lower Shabelle where the project has reached an advanced stage, many farmers have expressed high hopes of its success.

According to a report by Al Jazeera, farmers noted that the canals have sustained their production and advanced them down the path of self sufficiency.

Last week, the United Nations also reported that Somali farmers have been able to supply high quality grains to the World Food Programme (WFP) for the first time in many years.

The United Nation’s Food and Agricultural Organization’s representative in Somalia, Luca Alinovi, is quoted saying this “shows that Somali farmers are not helpless.”

“With minimal assistance including agricultural inputs, tools, technical skills in storage, grading and marketing, they can make a difference,” she adds.

However, the FAO has noted that it cannot verify al Shabab’s role in the improvement of food security in southcentral Somalia.

Although al Shabab has set limits on the operations of aid agencies in Somalia, many organizations say they continue to run streamlined outfits through local agents.

Despite these improvements, the United Nations has indicated that up to a tenth of the Somali population are at risk of experiencing food crisis.

al Shabab has sought to promote farming by developing alluring tax packages for farmers and promoting locally produced food stuffs.

Nonetheless, reports indicate that Somali farmers are currently able to satisfy only 40% of the nation’s food demand.

al Shabab lose more towns
Over the weekend the Somali National Army and African Union forces successfully reclaimed five towns (Ted, Hudur, Wajid, Weel Dheyn and Buurdhubow) from al Shabab in Bakool, southern Somalia.

This followed the liberation of Rabdhure from the terrorists on Thursday, March 6th.

Sources indicate that the terrorists are retreating and that the campaign is set to continue.

Meanwhile, a recording of Ahmed Abdi Godane, a top ranking member of the terrorists, has been released.

On the short 12-minute recording, Godane, also known as Mukhtar Aby Zubayir, calls for attacks against Ethiopian troops and other AMISOM forces in the country.

“I call the mujahidens in the front lines to redouble the fight…” he said.

al Shabab is a vestige of the Joint Islamic Courts which exercised administrative control of Somalia for many years following a collapse of the central government in 1991.

The group has been in existence at least since 2006 and continues to battle the government to establish a state based on sharia law.

Photo by Somalia Newsroom: A man stands in front of one of the canals dug by al Shabab.

GABAY BALLAN AH:- Sheekh Abuu Subeyr”Naftu inay maqnaatiyo in ay mahad ku noolaato. Maaweelis weeyaan haddii mid u dhaxeeyaaye, Warankaadu ruuxuuno mudin weedh la mari waaye”

Image

GABAY BALLAN AH:- Sheekh Abuu Subeyr”Naftu inay maqnaatiyo in ay mahad ku noolaato. Maaweelis weeyaan haddii mid u dhaxeeyaaye, Warankaadu ruuxuuno mudin weedh la mari waaye”

Voice Of Somalia-Banaadir Post.

Dagaalo Maalintii 3aad ka Socda Qeybo Kamid ah Gobalka Bakool iyo Qasaaraha Xabashida oo sii Kordhaya.

30206407

Wararka ka imaanaya dhanka gobalka Bakool waxey sheegayaan in markale saaka dagaal dib uga qarxay wadada isku xirta Ceelbarde iyo Xudur halkaasi oo shalay ay ka dhaceen dagaallo xoogan  oo u dhaxeeyay ciidamada Alshabaabul Mujaahidiin  iyo kuwa gumeystaha Xabashida Itoobiya iyadoona ay sii kordhayaan qasaaraha Xabashida lagu gaarsiiyay dagaaladaasi.

Goob joogayaal ka dhaw goobaha dagaalka ayaa  xaqiijiyay  in ciidamada Mujaahidiinta saaka aroortii weeraro rogaal celis ah markale ku qaadeen ciidanka Xabashida oo xalay gabalku ugu dhacay duleedka tuulada Teed ee gobalka Bakool.

Dhawaaqa rasaasta iyo madaafiicda labada dhinac isweydaarsanayaan waxaa si aad ah looga maqlayaa dhulka howdka ah,dhinaca kale warar laysla dhaxmarayo oo aan wali la xaqiijin waxey sheegayaan in dagaalkii shalay ka dhacay duleedka Ceelbarde lagu dilay Max’med Cabdi Tool guddoomiyihii gobolka Bakool ugu magacaawnaa kaas oo dagaalka qeyn ka ahaa,Xabashidana miinobaar u ahaa.

Sidoo kale wararka qaar waxey  sheegayana in Tool uu saarnaa gaari Uuraal ah oo madfac nuuca garbaha laga tuura ah ay laheleen ciidanka Shabaabku, gaarigaasi iyo waxii saarnaay ayaa la xaqiijiyay iney baaba’een.

WIXII KA SOO KORDHA WAAN SUGAYNAA,INSHALLAH.

Voice Of Somalia-Banaadir Post

Image

DAAWO WAREYSIGA ALJAZEERA:-Sheekh Cali Dheere Dib ayaanu ula wareegi doonnaa Magaalooyinka Aynu Ka baxnay.

Image

Wariye Xamsa oo kamid ah wariyayaasha Tv-ga Aljazeera ayaa Soomaaliya mar uu tagay ku wareystay Afhayeenka Guud shabaabul Mujaahidiin Sheekh Cali Maxamuud Raagge oo loo yaqaano Cali Dheere.

Afhayeenka oo suaallo kala duwan la weydiiyay ayaa sheegay in Mujaahidiinta Magaalooyinka ay ka baxeen aanan looga saarin awood milatari islamarkaana ay badaleen taatiika dagaal haatan ay ku laabanayaan sida ugu dhaqsiyaha badan.

Afhayeenka Shabaabul Mujaahidiin ayaa ganafka ku dhuftay inay wada hadalo la galaan dowladda uu hogaamiyo Xasan Sheekh Maxamuud.

Aljazeera.

Voice Of Somalia-Banaadir Post.