Walaalkayga qayiloow aduunyadu way iswada haysataa waa latartamayaa, wa lays boobayaa xaqdaro badan ayaa ka dhacda aduunyada aan manta ku noolahay walaale waatii layiri ( War Meyd yaa u danbeeyey ,suuye kaa hada lasii sido ) dhibaato , xaqdaro iyo boob shacab islaameed loo geysto waxaa ugu danbeeyey midkaas hada kasocda Nairobi oo gabdheheenii lagu kufsanayo, hooyooyinkeen lagu gumaadayo ,caruurteeniina laga oohisiiyey, aabayaashuna calool xumo awgood ilmo gobo ka leedahay.

Waxaa isweydiin mudan maxaynu awoodnaa oo aan ku caawin karnaa si loo joojiyo gumaadka ka socda Nairobi, shaki kuma jiro hadaan caqliga saliimka ah isticmaalno inaan xal u heli karno, hana ka fakarin dowladaha tirada badan oo Soomaaliyeed iyo 11 ka madaxweyne waxa ay qaban karaan ee walaale adigu ma is weydiisey waxa aad ka qaban karto adigoo adeegsanaya maskaxdaada iyo maalkaaga;.

Walaale aan wax yar dib kuu celiyee aduunyadu waa iswada cunaysaa waa sidii aan ku bilaabay hadalkee waana xisaab tamaysaa ,Soomaalidu waxay ku maahmaahdaa ( qaniinyo qaniinyaa kaa fujisa ) laakiin walaale hadii aadan ilkaba lahayn kawaran, kama wado kuwa qaadku dadka ka rido,ee waxaan kawadaa tabar la’aanta dowladaha tirade badan oo Soomaaliyeed oo aan awood u lahayn ineey difaacaan maatada Soomaaliyeed ee la gumaadayo, xalka labaad ee lagu cad goosto waa in la la qaado dagaal dhaqaale oo afka qalaad lagu yiraahdo (Economical section) oo macneheedu yahay in cida kaa gardaran dagaal dhaqaale lagu qaado , ama aan kuusii reer mudugeeyee in qofka ama dowlada dagaalka kugula jirta halkaas dhuunta lagu dhago oo la ceejiyo ilaa labada lugood firig-firig kasiiyo oo ku waasho walaaloow hal mar isii daa mardanba u noqonmaayee.
Walaale aan u dhaadhaco ciwaanka horee aan warqadan kusoo xardhaye ma ogtahay hadaad qaadka Kenya cuntid inaad inaad qeyb weyn ka qaadaneeysid dulmiga , dilka, boobka ,kufsiga kasocda Nairobi , ma ogtahay in aad lacag doolar ah ku bixineeysid in gabar Soomaaliyeed oo walaashaa ah la kufsado oo weliba intaad hor fariisatid aad TVyada ka daawaneeysid sida walaashaa loo kufsanayo, Walaale mase ogtahay inaad joojin kartid kana qeyb qadan kartid adigoon far kor u qaadin, waxa kaliya oo lagaa rabaana ay tahay in lacagtii aad qaadka Kenya ku gadan jirtey aad caruurtaada dhar iyo kabo ugu gadid, oo wajiyadooda faraxsan intaad daawatid oo weliba xaajiyaduna dhoola cadays iyo ineey Cilaan kuu marsaatana filo.

walaale waxaa laga yaabaa inaad is dhahdid maxaa mijitayda xuntaa oo aan ku madadaasho iyo mashaakilka Kenya iska galay aan kaa qanciyee, walaale mijintaadu waxay kamid tahay boqolaal kun oo mijimood oo cagaaran oo raga Soomaaliyeed caadeeysteen ineey cunaan ,hadaan si kale kuugu dhigana boqolaalkaas kun oo mijimood waxay soo saaraan boqolaal Malyan oo doolarka Maraykanka ah oo Kenya loo dhoofiyo, Walaale waxaa laga yaabaa in xataa lagu bixiyo Mushaarka Askarta Kenyaaatiga ah ee gabdhaha Soomaalieed kufsanaya, walaale aan kuugu sii daree waxaa laga yaabaa in Mijintaadu masuul katahay hal askari Mushaarkiis, askarigaas hadii aad shaqada ka joojisidna waxaa laga yaabaa ineey gabar Soomaaliyeed badbaado. Walaale yaanan hadalka ku dheeraane Xisaabtan , naftaada u naso , jeebkaaga haku toogan walaashaa, wabilaahi towfiiq.
W/Q Abukar Awale ( Qaad –diid )