FADEEXAD:Tedros Adhanom Wasiirka Arimaha Dibada Ethiopia oo markii ugu horeysay ka Hadlay Gabadh uu kufsaday.

33485868

Wasiirka Arrimaha dibada Xukuumada Gumeysiga  Ethiopia  Tedros Adhanom, ayaa markii ugu horeesay  ka hadalay Faraxumeyn uu ku geystay Gabdhyar  ka Timid Wadanka Austrilai  Asal ahaana  ka soojeeda wadanka Ethiopia gaar ahaan Qoomiyada  Orimoya.

Faraxumeynta gabadha ayaa waxaa  siwayn maalmahan u hadal hayay warbaahinta dawlada Yurub iyo Maraykanka  su’aalo ka keenay sida gabadhan da’da yari  uu  u kufsaday Dr.Tedros Adhanom

hadaba  Wasiirka ku sheekga ayaa  markii ugu horeysay barta oo ku leeyahayFacebook  soo dhigay hadal kooban oo uu ku saabsan qaabka uu wax u dhacay, wuxuuna yidhi”Anigu gabdha waan la kulmay laakiin waxba ku masameynin ee ceebta haleyga daayo”

Voice Of Somalia-Somali Leaks.

FAALLO:-Maxay mar walba u fashilmaan Soomaalida kaalmeysata Xabashida ?

kaalmo

Waxaa waayadan caada u noqotay Soomaalida Kaalmeysata Xabashida fashil iyo guuldarooyin aan ka dhamaad lahayn,ha noqdeena Soomaalidaasi kuwa sheegta dowlad, urur ama qabiil. Qormadan, ayaa runtii noqon doonto mid xasaasi ah maxaa yeelay, Waxa ay ka jawaabi doontaa su’aal ay in badan isweydiiyaan dadka Soomaalida iyo waliba dadka daneeya arimahooda. Su’aashaasi oo ah maxay mar walba u fashilmaan Soomaalida kaalmeysta Xabashida ?
Su’aashani, ayaa waxa ay madax xanuun ku riday dhinacyo badan oo ay ka mid yihiin Soomaali iyo Ajaanibba, Waxa ayna dhinacyadaasi rabaan in ay jawaabo u helaan sababta keeneysa in ay mar walba laga adkaado kuwa Amxaarada Kaalmeysata xitta haddii ay helayaan taageero nooc walba ah.

Tusaale ahaan, Waxa ay dhinacyadaasi fahmi la’yihiin sababta ay u shaqeyn weysay Dowladdii uu Madaxweynaha ka ahaa C/laahi Yuusuf, taas oo ay gardaadin ku keeneen Magaalada Muqdisho ku dhawaad 50.000 oo Itoobiyaan ah.

Su’aashani, ayaa waxa ay sidoo kale ku lamaanan tahay su’aale kale oo la isweydiiyo, taas oo ah maxaa looga adkaan la’yahay kooxaha Islaamiyiinta Soomaalida, gaar ahaan marka la isticmaalayo ciidamada Itoobiya oo lagu tiriyo in ay yihiin ciidan dhisan, islamarkaana si fiican u yaqaana dagaalka Jabhadeynta ah laakiin aad hadda mooddo in laga qash dhacay. Waxaana isku dayi doonaa inta aan ku gudajiro qormada inaan keeno tusaalayaal dhowr ah oo muujinayo in ay guuli ka fog tahay mid kasta oo Amxaaro kalmeysta magaca uu doonaaba ha watee.

Hadabo si aan uga jawaabno su’aasha qormadeena ee nuxurkeedu yahay maxay mar walba la fashilmaan Soomaalida Kaalaameysata Xabashada ? Aan bal marka hore ka waranno sida ay Soomaalidu u aragto Xabashada iyo kuwa taageeraba, Maxaa yeelay aratidaasi, ayaa waxa ay sawir sax naga siineysa sabab ay guuldarooyinkan iyo fashilka u xanbaartaan Amxaaro Kalkaalada.
Dadka Soomaaliyeed, ayaa u arka Xabashada cadowgooda koowaad, Kaas oo sabab u ahaa dhibaatooyin badan oo soo gaaray Qoyskan Muslimka ah (Soomaali). Waxa ayna aaminsan yihiin in ay Iyadu masuul ka ahayd burburkii ku dhacay Qarankoodii xoogga badnaa, inkastoo ay shaqadaasi ku gacansiiyeen kuwa Soomaali ah. Waxa ay sidoo kale rumaysan yihiin in ay Amxaaradu tahay caqabadda ugu weyn ee hortaagan dhismaha qaran Soomaaliyeed oo leh ciidan xooggan.

Dad badan oo Soomaaliyeed oo taageersan Dowladda Federaalka, kuwaas oo aan la sheekeystay, ayaa waxa ay ii sheegeen marar badan in Xabashidu tahay caqabadda ugu weyn ee hortaagan dhismaha ciidan qaran. Tusaale ahaan, mid ka mid ah dadkaasi, ayaa waxa uu ii sheegay in ay adag tahay in la dhiso ciidan Soomaaliyeed oo xooggan inta ay jirto saameynta ay Itoobiya ku leedahay dalalka horboodda siyaasadda Caalamka.

Hadaba aragtidaasi ay dadka Soomaalidu ka qabaan Xabashida, ayaa waxa ay abuurtay jawi naceyb ah oo loo qaado qof kasta oo Soomaali ah, kaas oo jaal la noqda Iyada. Taasna, waxa ay ugu danbeyn keentay in goob kasta looga adkaado kuwaasi (Amxaaro-Kalkaalada) maadaama loo arkayo dabadhilifyo qatar ku ah jiritaanka Umaddooda. Aan soo qaadano tusaalayaal dhowr ah oo aan is leeyahay, waxa ay noo ifinayaan xaqiiqda aan ka waramayo maanta.

1- Hogaamiye Kooxeedyadii: Dagaaladii dhexmarayey Hogaamiye Kooxeedyadii dalka, Waxa inta badan gadaal ka riixayey Maamulka Xabashadida, Kaas oo doonayey in uu dalka u gacan geliyo kooxo Soomaali ah oo Isaga taageersan. Waxaana ka mid ahaa Hogaamiye kooxeedyadaasi Jen. Morgan, Kaas oo ay colaad ba’ani kala dhaxeysay Col. Barre Hiiraale oo ku aadan cidda maamuleysa Gobolada Jubooyinka.

Jen. Morgan, ayaa duulaamo dhowr ah ku qaaday gobolada Jubooyinka si uu u qabsado gaar ahaan Magaalada Kismaayo, Isagoo markaasi taageero dhinac walba ah ka helayey Taliskii Xabashida ee uu hormuudka u ahaa Malaz Zanawi. Waxa ayna duulaamadaasi dhamaantood ku soo dhamaadeen guuldaro iyo fashil ka dib markii ay ciiddu ka hiilisay Jen. Morgan iyo xulafadiisa, inkastoo ay saad iyo saanadba ka fiicnaayeen kooxda Barre Hiiraale. Ma is weydiin karta sababta looga adkaaday Jeneraalka iyo Xulafadiisa ?

Waa aan Nayroobi ku sugnaa 2006, ayaa waxa aan wareystay rag ka qeyb galay mid ka mid dagaaladaasi, Waxa aana weydiiyey raggaasi sababta mar walba looga adkaanayey. Waxa ayna si gooni gooni ah iigu sheegeen jawaab isku mid ah, taas oo ahayd “Adeer ciiddaa nala dagaalantay” Mar kale, waxa aan weydiiyey su’aal kale, taas oo ahayd side buu ahaa muraalkiina ? Mid ka mid ah, Waxa uu iigu jawaabay hadalkan “Nin ay Amxaaro kaalmeysneyso xagee muraal ka keenayaa”. Mar kale Barre Hiiraale, waxa uu dagaal kaga adkaaday kooxo ka kala socday SNF/SRRC, RRA iyo Kooxda Morgan. Dagaalkaasina, Waxa uu ka dhacay Magaalada Baardheere.

2- Maxkamadihii iyo Hogaamiye Kooxeedyadii Muqdisho: Dagaalkii dhexmaray Maxkamadihii islaamiga ahaa iyo Hogaamiye Kooxeedyadii, Waxa uu runtii ahaa tusaale kale oo cajiib ah, kaas oo banaanka u soo saaray in taageerada Shacabku tahay midda go’aamineysa natiijada loolanka. Waxa uu sidoo kale dagaalkaasi cadeeyey in taageerada Shisheeyaha aanu waxba qaadi Karin marka uu Shacabku istaago.

Maxkamadaha Islaamiga, ayaa muddo gaaban gudahood kaga adkaaday Hogaamiye Kooxeedyadii xoogga badnaa sida Muuse Suudi,Qanyare,Cabdi qaybdiid,Maxamed Dheere iyo waliba Bashiir Raage, Kuwaas oo taageero dhinacyo badan ah ka helayey dowlado ay Itoobiya ka mid ahayd. Guushii ay gaareen Maxkamadaha ayaa loo aaneeyaa taageeradii ay u fidiyeen Shacabka Soomaaliyeed, taas oo aad mooddo in ay oraneysay Shisheeye iyo Shaatigiisuba Shantaan kaga shaqeyneynaa.

3- Dowladdii C/laahi Yuusuf iyo Muqaawamadii: Dowladdii uu Madaxweynaha ka ahaa C/laahi Yuusuf Eebe ha u naxariistee, Ayaa Magaalada Muqdisho la keenay dhamaadkii 2007, Iyadoo lagu wado Uuraalo Itoobiyaan ah ka dib markii ay in mudda ah ku go’doonsaneyd Magaalada Baydhabo. Waxaana dheelmintaasi qar iska tuurka ka qeybqaatay Kumaanan Kun oo Itoobiyaan, Kuwaas oo dagaalkooda ka soo bilaabay Gobolada Dhexe (Bandiirley) ilaa ay ka soo gaareen Xaduud beeneedka Soomaaliya kala dhaxeeya Kenya sida Raaskaanbooni oo kale.

Sanad ka dib, Dowladdii C/laahi Yuusuf ee lagu galbiyey 50.000-ka Kun ee askari, Waxa ay dib ugu uruurtay Villa Soomaaliya, halka ciidamadii Itoobiyaanka ahaa ee keenay Magaalada Muqdishana ay dalka isaga carareen, Iyagoo waliba lugaynayo. Hadaba waxaa maxay sababta keentay in ay Dowladdaasi ku uruurto Xeyndaabka Villa Soomaaliya ? Adiga is weydii.
Tusaalayaashaasi aan soo sheegnay iyo kuwa kale oo badanba, Waxa ay noo cadeynayaan in ay guuli ka fog tahay qof kasta oo Soomaali ah magac kastaaba ha watee sida dowlad, urur iyo xisbi, Kaas oo miciinbida Amxaaro iyo taageeradeeda in wixiisu ku soo dhamaanayaan guuldaro iyo fashil. Hadaba aan is weydiine xagguu ka imaanayaa fashilka ? Su’aashani, Waxa ay leedahay labo Jawaabood oo kala duwan.

1- Fashilku, Waxa uu ka imaanayaa Shacabka Soomaalida oo iska bari yeelayo, islamarkaana iska diidayo cid walba oo kaalmeysata Xabasho magacay doonaanba ha wataanee. Taasna, Waxa ay ugu danbeyn keeneysaa in ay kooxdaasu dhaqaaqi weyso.
2- Xabashida oo ay caado u tahay in ay lugoyso, islamarkaana ay horumarka kala dagaalanto cid kasta oo ay ku shaqeysato. Tusaale ahaan, lama arag nin ay Amxaaro barbaarisay oo hadana guuleystay. Maxay ku sameysay C/laahi Yuusuf, Cumar Xaaji Masala,Maxamed Dheere,Maxamuud Sayid Aadan iyo kuwa kale oo badan. Aaway Raggii xilalka ka soo qabtay Soomaali Galbeed ? Dhamaantood waxa ay ku baxeen gacanteeda.

Labadan qodob, ee aan soo sheegnay marka ay isku raacaan qofka Soomaaliga ee jaalka la ah Xabashada, Waxa uu sugaba waa fashil iyo guuldaro aan dhamaad lahayn. Ninka inta Muqdisha ka orday ee Maqaley istaagay, Walibana gishtay Koofida injirta badan. Muxuu ka filayaa Shacabka Soomaaliyeed oo aan ahayn habaar iyo canaan ? Mase is weydiiyey dhibaatada ay arintaasi u keeni karto mustaqbalkiisa siyaasadeed iyo waliba taageerayaashiisa.

Waxaa Isaga (Xasan Sheekh) ka daran Atoorayaasha Maamul Beeleedyada, Kuwaas oo kala garan la’ Federaalka ay ka tirsan yihiin ma kan Soomaaliya mise kan Itoobiya. Midda kale, haddii Itoobiya la tago ma in la dhaanteeyaa ? Waa maxay dhaantadan joogtada ah !
Anigu, runtii waxa aan ka mid ahaa dadka taageera Xasan Sheekh iyo Dowladdiisa laakiin marka aan arkay meesha loo socdo, Waxa aan go’aansaday inaan iska aamuso waayo aamuska ayaa ii wanaagsan. Tusaale ahaan, Sidee damiirkeyga uu u aqbali karaa in uu gacal iyo gaashaan ka dhigto ninkii Shalay burburiyey Qarankeygii maantana mar kale hortaagan ?
Gaba gabadii, Waxa aan leeyahay fashil iyo guuldaro waa u diyaar kooxda Tuunjo Amxaaro ee ay hormuudka u yihiin Atoorayaasha Maamul Beeleedyada iyo waliba Dowladdooda fadhiidka ah inta ay Gabre iyo wax la mid garabsanayaan.

Gunaanudkii, Waxa aan leeyahay Soomaali ha noolaato hana israacdo.

W/Q: Abdullahi Ibrahim
Abdul2006@hotmail.com

11036485_651340598303179_4279413817735034350_n

Voice Of Somalia-Somali Leaks.

DHAGEYSO:-Sheekh C/lahi Raabi oo ka hadlay Taariikhda Madow ee Cumar Xaaji Masalle.

32671101

Sheekh Cabdulaahi Raabi oo ka mid ah culimada Soomaaliyeed kuwooda ugu caasan islamarkaana ah Sheekh si aad ah wax uga qora taariikhda ayuu faahfaahiyay taariikhda madow ee General Camar  Xaaji Masalle oo  ku geeriyooday dalka Ingiriiska.

Sheekha waxa uu xusay in ninkan uu ahaa qofkii ugu horeeyay ee ciidamada Xabashida Itoobiya soo galiyay dalka Somaliyeed’waxaana sidoo kale Sheekha uu taabtay in Cumar Xaaji  Masalle oo culimo  ku laayay gobalka Gedo.

Voice Of Somalia-Somali Leaks.

Al-Shabaab fighters re-take strategic Kudha island, after deadly battle

32520158

Fighters belonging to the Islamist Al-Shabaab movement have taken over the strategic island of Kudha in the Lower Jubba region this morning, after engaging in a heavy battle with forces loyal to the Jubba Interim Administration.

Heavily armed Al-Shabaab fighters commenced their attack on the island from two sides shortly after dawn, which resulted in fierce clashes lasting for about two hours, after which the militants overpowered the stationed Jubba troops present. “We awoke to the raging sound of gunfire, fearing for our lives we remained in our homes. At around 8:00 AM the fire ceased and we found out Al-Shabaab had taken over the place and were hoisting their black flag” a resident told Harar24. ”There were bodies, estimating around thirty, littering the streets. Most of them seemed to be from the Jubba forces” he added.

Kudha island, which lies around 130km south-west of the port town of Kismayo, had been taken over by JIA forces late last month after having been under Al-Shabaab control for seven years.

Al-Shabaab have been losing towns in the past months in the face of an AMISOM offensive, withdrawing most of the times without putting up much resistance, however concerns are high that counter-attacks such as today’s are more likely, especially in areas where Somali troops are left to fend on their own, who are often believed to be vulnerable without the AMISOM backing.

Voice Of Somalia-Somali Leaks.

GALGADUUD:-Xaalad Kacsanaan ah oo ka Taagan Magaalada Dhuusamareeb.

32490647

Wararka ka imaanaya degmada Dhuusa-mareeb ee gobalka Galgaduud waxey sheegayaan in xaalad kacsanaan ah ay ka taagan tahay gudaha degmada taasi oo timid kadib markii hub isku qaateen maleeshiyaadka dowladda iyo haraadigii maleeshiyaatkii Suufiyada oo kuwada sugan gudaha degmadaasi.

Goob joogayaal ayaa sheegay in xalay fiidkii bandaw lagusoo rogay Dhuusamareeb kadib markii maleeshiyaad colaadi ka dhaxayso ay hub lasoo galeen magaalada.

Wararka ayaa intaasi ku daraya in kooxo kawada tirsan taageerayaasha Itoobiya ay isku maandhaafsanyihiin maamulka magaalada waxaana fashilmay isku dayo dhowr ah oo ladoonayay in colaadda lagu xalliyo.

Ciidamada Xabashida Ithoobiya ee ku sugan Dhuusa-mareeb ayaa indhaha oo kaliya ka eeganayo maleeshiyaadka isku heysta gudaha degmada’waxaana suura gal ah in halkaasi uu ka qarxo dagaal u dhaxeeya labada maleeshiyo.

Voice Of Somalia-Somali Leaks.

GABAY:- Abwaan Heelaale muxuu ka yiri Gumaysiga ku Gabgable leh Gayiga Soomaaliyeed.

32235018

SAWIRO;-Aqoonsiyada Saraakiil Itoobiyaan ah oo Ceelgars Lagu Dilay.

Faah Faahin dheeri ah ayaa kasoo baxaysa dagaal dagaal khasaara badan dhaliyay oo maalmo ka hor degmada Ceelgaras ee gobolka Galguduud ku dhaxmaray ciidamada Shabaabul Mujaahidiin kuwa Xabashida Itoobiya.

25 Askar iyo saraakiil ah ayaa dagaalka lagu dilay sida uu xaqiijiyay Sheekh Xasan Yacquub Cali Waaliga Galguduud oo warbaahinta u sheegay.

Jeebabka ciidanka Itoobiya waxaa laga helay sawirka ay caanka ku yihiin Nasaarada Baadiyaysan oo ah wax ay ku sheegaan Nabi Ciise Caleyhi Salaam iyo Maryama waana wax lagu dagaal geliyo ciidamada kirishtanka Itoobiya ee duullaanka gardarrada ah kusoo qaaday dalka Soomaaliya.



https://i0.wp.com/wata.cc/up/2014/09/images/w-4c163f856b.jpg




DHAGEYSO:-Sida Itoobiya u Ciqaabto Dumarka Soomaaliyeed.

32161203

Wararaka naga soo gaaraaya dhulka Soomaalida ee Itoobiya gumeysato ayaa sheegaya in ciidamada Itoobiya ay kordhiyeen ugaarsiga ay ku hayaan dumarka Soomaaliyeed kuwaasi oo ay u geesanayaan dhibaatooyiin qof waliba oo Muslim ah uu ka qiiroonayo.

Itoobiya ayaa dhibaateenta dumarka Soomaaliyeed waxay garab kaga heleysaa maleeshiyaadka ay soo carbiyeen ee loo yaqaan  Liyu Boolis kuwaasi oo Itoobiya u farmuuqa isla markaana tusiya dadka Muslimiinta.

Dumarka kunool dhulka Itoobiya gumeysato looma ogala inay xirtaan Niqaabka iyo Xijaabka waxaa intaasi usii dheer kufsiga iyo dhibaatooyiinka kale ee hal Qormo lagu soo koobi karin.

1959280_582811375156102_1239755476785975357_n

Voice Of Somalia-Banaadir Post

VIDEO:-Afhayeenka AMISOM Jabuutiyaanka Cali Xaamud oo difaacay Kufsiga AMISOM, una gafay dadka Soomaaliyeed.

31998102

Su’aalo adag oo la xariira  Warbixiintii dhowaan soo baxday ee ku aadan Kufsiga iyo Galmada Khasabka ah ee Ciidamada Amisom ay u gaystaan Haweenka Soomaliyeed ee ku sugan magaalada Muqdisho.

Dooda ayaa waxay noqotay mid aad u kulul, Waxaana Afhayeenka Amisom uu gaashaanka ku dhuftay arintaasi, Wariyahaa ayaa u akhriiyey Warbixinta kadibna waydiiyey Maxaad Beeninaysaa In Ciidamada AMISOM ay kufsadeen Haween soomaliyeed adigoo Difaacaya SUMCADA Amisom !!.

Voice Of Somalia-Banaadir Post

DHAGEYSO:-Ciidanka Itoobiya oo Bilaabay in Ay Nolosha Ku Aasaan Shacabka Soomaaligalbeed.

31412006

Ciidamada gumeysiga Itoobiya ayaa xoojiyay gumaadka ay ku hayaan shacabka muslimiinta soomaaliyeed ee ku dhaqan dhulka Soomaaligalbeed. Falal dambiyeedyada ay geysanayaan ciidamada Itoobiya waxaa kamid ah in ay nolosha ku aasaan shacabka Soomaaligalbeed ee abriyada ah.

Warbaahinta u dhaq dhaqaaqda xoraynta Somaligalbeed ayaa baahisay wareysi lala yeeshay mid kamida dadkii kasoo badbaaday howlgal nolol aasid ah oo ay Itoobiyaan gaysanayeen.

HOOS KA DHAGEYSO

Voice Of Somalia-Banaadir Post

GABAY:- CEELBUUR & Abwaan Yuusuf Dhageey “Kaafir lama Ciseeye ALAA laga cabsoodaahe”.

Image

26,March,2014 ayay ciidamada Xabashida Itoobiya duullaan gumeysi ku qabsadeen magaalada qadiimiga ah ee Ceelbuur oo dhacda gobolka Galguduud bartamaha dalka Soomaaliya.

Reer Ceelbuur qabsashada magaaladooda filanwaa kuma aheyn oo 20 maalmood ka hor ayay ogaayeen dhaq dhaqaaqa duullaanka Xabashida wayna u diyaar garoobeen.

Inkastoo Ceelbuur ay tahay magaalo Facweyn hadane qabsashadeeda Xabashida iyo xaabadeeda waxba uma faa’iideyn aan ka aheyn dhib iyo dhiigbax joogta ah,gaadiid dagaal oo burburay,saraakiil iyo askar ladilay , fuuqbax  iyo saad xumo joogta ah.

Image

 

Waa Sidee Xaaladda Ceelbuur:Dhammaan shacabkii ku noolaa magaalada ayaa isaga baxay waxayna u guureen dhanka degmooyinka iyo deegaanada kale ee Galguduud ee aan weli galin  gacanta Xabashida ee xorta ah.

Dadka soomaalida ah ee Ceelbuur ku nool waa 5 qof oo ka shaqeeya shirkadaha isgaarsiinta ,kumanaan katirsan ciidamada Itoobiya ayaa deggan waddooyinka degmada soo gala waxayna magaaladu u egtahay bahala galeen haawanaysa waxa kaliya ee waddooyinka Ceelbuur lagu arkayo waa xayawaanada kala ah dameeraha iyo Mukulaalaha.

Siyaasadda faarujinta magaalooyinka iyo go’doominta:Dhammaan magaalooyinka ay soo galeen cadawga Itoobiya iyo Afrikaanta kale ayay shacabka soomaalida isaga qaxeen sababta ay u qaxayaan ayaa ah baqdin ay ka baqayaan in Itoobiyaanku dilaan ama ay diinkooda ka ka fitneeyaan.

Ceelbuur waxba sooma galaan waxna kama baxaan aan ka aheyn gaari isbuuc walba fuusta shidaala ugeeya shirkadaha isgaarsiinta,ciidamada Itoobiya dhibaata xooggan ayay ku qabaan joogista magaalada marka lagasoo tago dagaalka ay shabaabul Mujaahidiin kala kulmayaan.

#Kaalinta Qabaa’illada:Beelaha Murusade iyo Duduble ayaa kaalin weyn ka qaadanaya dagaalka iska caabinta ah ee xabashida Itoobiya lagula jiro.

 

31217877

Voice Of Somalia-Banaadir Post

 

DHAGEYSO WAREYSI GAAR AH:-Sheekh Cabdiraxmaan” in ka badan 100 Askari ayaa isa soo dhiibtay, Halka Ciidanka Kenya ay Bilaabeen inay Goostaan oo Soomaaliya ka cararaan.

 Image

Tan iyo Markii Ciidamada Kenya Duulaanka ay kusoo qaadeen Magaalooyin ka tirsan Gedo iyo Jubbooyinka sanadkii 2011 iyo maanta oo la joogo 2014 waxay wajahayaan dagaallo adag oo qasaaro ay ka dhexleen.

Wakiilka Shabaabul Mujaahidiin Wilaayadda Jubbooyinka oo wareysi gaar ah siiyay Idaacadda Alfurqaan ayaa usheegay in Mujaahidiintu ay kifaax ku jiraan marka loo eego dagaalada ay kula jiraan shisheeyaha kula duwan ee ku soo duulay Gobalka.

“Muddo ku dhaw sanad iyo bar waxaa dagaalka hogaan uhaya Mujaahidiinta Gaaladuna waa ay sii baaba’eysaa”ayuu yiri Sheekh Cabdiraxmaan Xudeyfa.

Sheekh Cabdiraxmaan Xudeyfe Wuxuu sheegay inay badanayaan Askarta Soomaalida ee isku doo dhiibaya maamulka islaamiga ah Jubooyinka.

“Bilihii ugu danbeeyay waxaa mujaahidiinta isku soo dhiibay in ka badan 100 Askari oo kamid ah  Soomaalida La socda Kenya”ayuu yiri Sheekh Xudeyfa.

Wareysiga ayuu sidoo kale ku sheegay in dagaalada socda ay ku niyad jabeen Ciidanka Kenya oo haatan bilaabay inay ka goostaan goobaha hardanka uu ka socdo.

XIGASHO WAREYSIGAN GAARKA AH WAXAA LEH  RADIO ALFURQAAN.

DHAGEYSO:-Dr Xanafi “Ciidamada Yugandha ee magaca cusub wata waxey Muujineysaa fashilka soo wajahay dowladda iyo Amisom”.

Image

Dr Xanafi Cabdi Sheekh oo kamid dhaqaatiirta Soomaaliyeed ayaa  ka hadlay ciidamada kasocda dhanka Yugandha ee soo gaaray magaalada Muqdisho kuwaasi oo wata magaca qaramada Midoobe”Koofida Buluuga ah ee UN”

Dr Xanafi waxa uu tilmaamay in ciidamada Yugandha ee ka madax banaan taliska Amisom  ay marqaati cad u tahay sida ay u fashilmeen dowladda Garguurte iyo taliska shisheeyaha ee kusoo duulay dalka Soomaaliya,waxaana uu intaasi raaciyay in sababta ciidamadaan looga keenay dalka Yugandha oo kaliya ay tahay in ciidamada Yugaandha si aad ah ugu halaagsameen gudaha dalka Soomaaliya.

Voice Of Somalia-Banaadir Post

MAANSO (XADGUDUB) Waxay ka hadlaysaa Duullaanka Xabashido ku qaaday Gayiga Soomaaliyeed.

Image

Xornimada dalkeena inteey Xabashi dhaameysay
xusul duubka orodkiyo waxay nagu xad dhaafeysay
inay xeerka aadmiga aqoon xaalna qabaneynin
waa taan xasuusiyey dadkeey xiin falkeediiye
xakamayn haddaan lagu deyeyn xoogna loo sheegan
oon xarigga lagu dhuujin waa soo xad gudubtaaye
xilkasnimo mayeeshaan ilaa laga xanuunjaahe.
xisbiyada shisheeyiyo waxay xulufo noo gooban
xurguf iyo colaad bay rinayd xeelad moodaaye
waa xiisaheedii inay nagu xakaartaaye

Xirfadaha galbeedkaan aqaan xaasid weeyaane
Xabashida ayaa u qoray xeebaheeniiye
xaar xaaro baa lagu yiraa lagu xushmeeyaahe
haddii aan xanaaqniyo haddaan xaraf sammaanaaba
xan unbaa naraaciye dagaal xaadir weeyaane
ku xisaabtan soomaaliyeey weys xagxagatiine

Nuur Xayle duulkii xirxiray ee kusoo xoomay
ee xaabaduu shiday intuu xabbadda raacsiiyey
haddaan lays xis beeleynin waa Xabashi gaaleede
la xarbiya xasuuqoo daldala xaaqa gebigeedba
walleey xarunta CEELBUUR dhexdeed xoor ku daaceyne

Xawaaraha horeeteey dagaal xanaf leh nuurshaane
xisbada markii ay kulmaan talo xaraaraato
oo lays xujeeyeey hadhoow xeyn is dhiibtaaye
inta taallo xaanadi daceed xananka hoostiisa
baan cidi xabaaleynin waa xuunsho ubadkeede
xagjir gaalo weeyoon lahayn duul xilqaamaahe
xarbigii WABXOOD iyo wixii xamar kasoo gaaray
xasharaad Tigreegii maqorin lama xisaabeyne

Xagaagiyo gugoo idilba waa duul xubeyraahe
xardhan maynin xayaatada nafluhu waa xarshaashaahe
xulashada xameytiyo baqtaa lagu xanaaneyne
xigsan maynin guushaba xaggood Xaawo dabadeede
intaa waa xasuuqnaa haddana waa xulxulataaye
markay xagasha jeedshaan ayeey xarago moodaane
xayn daabki roomay ahayd woow xog haynaaye
bal waxay ka xaaxaabiyeen xalayto weydiiya
xabsiyada imisaa kujira oo xanaaq beeshay
oo lagu xamaalaayo weli Xabashi weydiiya.
W/Tiriyey Xagaleey.

Voice Of Somalia-Banaadir Post

DHAGEYSO:-Odayaasha Beesha Murusade oo Bayaan adag kasoo saaray Duulaanka Itoobiya iyo gayiga Soomaaliyeed.

Image

Kadib kulan ballaaran oo beesha Mursade ku yeesheen deegaanka Diri oo hoostaga degmada Ceelbuur waxey si aad ah kaga hadleen duulaanka Xabashida Itoobiya kusoo qaadeen qeybo kamid ah gobalka Galgaduud.

Beesha waxey si kulul uga hadashay tacadiyo naxdin leh oo xabashida Ithoobiya ka geysteen qeybo kamid ah gobalka Galgaduud waxeyn beesha bayaan kulankooda kasoo saareen ku sheegeen in rag iyo dumar beesha si wada jir ah ay ula dagaalamayaan Xabashida Itoobiya ee duulaanka kusoo qaaday qeybo kamid ah gobalka Galgaduud.

Voice Of Somalia-Banaadir Post

MAQAAL:-Ethiopia oo dooneysa inay Galmudug ku darto Puntland.

Image

Fashilka ay dowladda Itoobiya kala kulantay qabaailka dega gobolada dalka ayaa gebi ahaanba lumiyey rajadii ay kaqabtay inay maamul goboleed kadhisto gobolada dhexe ee dalka.

Sidaas daraadeed ayeey dowladda Itoobiya ula muuqatay inay lasoo baxdo kaarkeedii labaad ee ahaa qorshihii lagu dhisay magaalada Garoowe bishii febraayo sanadkii 2011 ee kusaabsanaa heshiiskii waagaa dhexmaray madaxweynihii markaa katalinaayey Puntland Cabdiraxmaan Faroole iyo Cabdi Qeybdiid oo aan markaas wax xil ah ka heyn dowlad goboleedka Galmudug maadaama uu markaa xukunka Galmudug hayey madaxweyne Caalin.

Heshiiskaas oo ahaa kii sababay inuu Cabdi Qeybdiid xukunka boobo oo uu xoog kuqabsado 1/8/2912 ayadoo ay weliba maalintaa ahayd maalin murugo u ah dadka reer Galmudug maadaama ay ku beegnayd maalintii uu geeriyooday Janeraal Ceydiid (AUN).

Sikastaba ha ahaatee heshiiskaas ayaa dhigayey in labada dowladood ee Galmudug iyo Puntland ay yeelan doonaan ciidamo amni oo mideysan , siyaasad mideysan iyo wax wada qabsi sida uu Cabdi Qeybdiid laftiisa afkiisa kasheegay.

Haddaba waqtigan xaadirka ah waxaa yaraaday rajadii ay itoobiya kaqabtay isticmaalka ciidamada Ahlusunna Waljameeca labaxay oo aad u kala daatay una kala baxay jufooyin is diidan oo aan hogaan mideysan lahayn.

Sidoo kale waxaa aad isugu soo dhowaaday oo xiriir fiican fiican yeeshay beelaha walaalaha ah ee ay Itoobiya markii hore kala dishay ee wada dega gobolada Galguduud iyo mudug qaas ahaan beesha Ceyr iyo qabiiladii markii hore isqoonsanaa,taas oo keentay in beesha Ceyr gebi ahaanba faraha kalaabato colaadaha ay horineyso Amxaarada ee kuwajahan degmooyinka Ceelbuur, Ceelqooxle iyo Ceeldheer.

Sidaas daraadeed ayeey Itoobiya ka niyad jabtay qorshihii duulaankeeda ee ahaa inay maleeshiyaad beeleedyo Soomaaliyeed ku qabsato dhulka Soomaaliya,waxayna taa bedelkeeda hadda xoogga saareysaa inay badbaadsato maamulada ayada gacan saarka laleh sida Puntland iyo Galmudug oo ay difaacato.

Warar aan weli soo shaac bixin ayaa sheegaya in shir ay isugu imaan lahaayeen Cabdiweli gGas iyo Cabdi Qeybdiid oo kadhici lahaa magaalada Gaalkacyo uu baaqday kadib markii labadii nin ee sirdoonka caddaanka ahaa lagu dilay garoonka Gaalkacyo, waxayna wararku intaas ku darayaan in qorshuhu ahaa in laga wada hadlo sidii talaabadii ugu horeysay ee isku biirada looqaadi lahaa. laakiin lama oga kaalinta ay ragga ladilay kulahaayeen wadahadalkaas fashilmay.

W/Q; Nuurshe.

DHAGEYSO:- ODAY XAAD oo si fulaynimo ah kaga hadlay Oday Da’ah oo ay qaraabo yihiin Itoobiyana ku dishay Tuulo CEELBUUR ku dhaw!!

Image

 Maxamed Xasan Xaad oo kamid ah odayaasha xiligaan Taageersan Dowladda iyo Shisheeyaha ayaa si cabsi leh kaga hadlay dilka Itoobiya ugaysatay Nuur Xeyle Dhicisow oo ah 85 sano jir lagu gubay tuulada Dab Qurun ee Galguduud.

Maxamed Xasan Xaad isagoo og Itoobiya inay dishay Odayga ayuu hadana qarinayaa isagoo eeganaya inaysan waxyeeloobin xeriirka kala dhaxeeya Itoobiya sida hadalkiisa aad ka dareemi doontaan.

“Waan Maqlay Alaha inaxariisto shalay ayay dileen ayaa la dhahay inaga ma maqlin in Shabaab ay dileen”ayuu yiri Nabadoon Xaad.

Xaad iyo odayga la dilay waa isku beel oo waxa ay kasoo wada jeedaan Beesha Murusade gaar ahaan Habar Ceyne oo ay kasii yihiin Uurgaale.

Voice Of Somalia-Banaadir Post

DHAGEYSO:-Ciidamada Itoobiya oo tuulo Ceelbuur u dhaw ku Dilay ka dibna maydkiisa gubay Oday 80 Sanno Jir ah.

 Image

Warar dheeraad ah ayaa kasoo baxaya gumaad ay ciidamada xabashida itoobiya ka geysteen deegaanno katirsan gobolka galguduud ee bartamaha dalka soomaaliya.

Nuur Xeylle Dhicisoow ayay ciidanka Itoobiya ku gowraceen tuulada Dab qurun oo Ceelbuur hoos timaad kadibna meydkiisa ayay dab qabadsiiyeen sidoo kale wiil dhalinyara ah ayay ciidamada itoobiya ku dileen deegaanka Dac oo dhaca duleedka degmada Ceelbuur.

Mid kamida ehelada Odayga ladilay oo 85 sana jir ahaa oo lahadlay warbaahinta ayaa ka sheekeeye qaabka ay ciidanka gumeysiga itoobiya u dileen adeerkii wuxuuna xaqiijiyay in saacad kadib markii falkaasi dhacay ay tuulada dabqurun kasoo qaadeen meydka Nuur xeylle oo hilibkiisa iyo lafihiisa isdaayeen.

FADLAN HOOS KA DHAGEYSO

Voice Of Somalia-Banaadir Post

DHAGEYSO-GABAY: Abwaan Qamaan Bulxan iyo Xabsigii Itoobiya

Qarnigii 19-aad bilawgiisii (1913) ayay ahayd Markuu Dhintay Ninkii Abasiinya Xukumi jiray Mudada dheer (Minilik-2). Waxaana la’aaminsan yahay Minilik inuu ahaa Ninka Abasiniya Sida Rasmiga ah Dhidibada ugu taagay Wuxuuna ku Caan baxay Dhul balaadhisi iyo inuu Shucuubtii dariska la ahayd Maalinba Qolo kuduulo.

Hadaba Minilik Taariikhdaa Kor kuxusan Markuu Dhintay waxaa Xukunkii Lawareegay oo Abasiiniya Boqor ka noqday Nin Muslim ah waxaana Xarun u noqotay Magaalada Herer oo Horay Xabashida iyo Boortaqiisku ugala wareegeen Soomaalida.

Waxaana aad ugu farxay Dhimashada Minilik iyo Xukunka Gacanta usoo galay Ninka Muslimka ah Dhamaan Shucuubtii Islaamka ahayd ee Ethiopia Dariska la ahayd oo ay Kamid tahay Umada Soomaaliyeed gaar ahaan Soomaalida Galbeed ee Dagan Ogadenia waxayna u arkayeen inay karaysan doonaan Gulufkii Colaadeed ee uu kuhayay Geeska Africa Minilik-ga bakhtiyay, Boqorkan Cusub-na waxay u arkayeen inuu Noqon doono Nin ay daris wanaag ku wada noolaan doonaan Maadaama uu yahay Nin Muslim ah.

Waxaana Xusid Mudan oo kamid ahaa Dadkii Soodhaweeyay isbadalka Ka dhacay Abasiniya Al-mujahid Sayid Mohamed C. Xassan oo isagu Halgan kulul kula jiray Gumaystaha Xabashida ee uu Minilik Madaxa ka ahaa iyo Gumaystihii reer Yuruba.

Inay ku Farxeen Arinta dhacday oo kaliya kuma Ekaanin Hawshu ee Dhamaan Wadamadii iyo Shucuubtii islaamka ahayd ee Dariska la ahayd Ethiopia waxay usoo direen waftiyo si ay Calaaqaad wanaagsan u yeeshaan Boqorkan Cusub ee Muslimka ah waxaana Kamid ahaa wufuudii sida isdaba jooga ah u imanaysay Magaalada herer si ay ula kulmaan Boqorka Cusub wafti Balaadhan oo kasocday Soomaalida Galbeed oo ka kooban Ugaasyo iyo wax garadkii kale, Waxaana kamid ahaa Waftigaas Abwaan Qamaan Bulxan.

Markii uu Talada Ethiopia lawareegay Nin Muslim ah waxaa ka Hinaasay arintaa oo Fajac iyo ama kaag ay ku noqotay Madaxdii Kaniisadaha Ethiopia iyo Madaxdii Ciidanka waxayna u arkeen Dhaxal wareeg inay tahay arintan Dhacday.

Hadaba waftigii kasocday Soomaalida Galbeed oo kusugan Herer ayaa waxaa lagu Fuliyay Boqorkii Muslimka ahaa Afganbi Mudadii yarayd ee uu Xukunka hayayba laga shaqaynayay. Dadkii Magaalada Herer ku noolaana Qolyahan inqilaabka Sameeyay waxay ka dhigeen wax ay laayaan iyo wax ay Nolol ku Qabtaan Kadibna ay Xabsi Ciqaab kulul ku ridaan Waxaana kamid ahaa dadka Nolosha Lagu qabtay waftigii kasocday Soomaalida Galbeed waxaana loo taxaabay Xabsi ay Dhibaatooyin badan ku muteen sida aan Tixda Qamaan ku arki doono.

Abwaan Qamaan Bulxan oo sidaan soo sheegnayba Kamid ahaa Waftiga Soomaalida ah ayaa ku Tiriyay Xabsiga dhexdiisa Gabayga Hoos ku Qoran oo ah Dhanbaal uu Abwaanku Allah sw udirayo ama kula Khidhaabayo, wuxuuna kahadlay Xabsigu Nooca uu yahay iyo sida loogu Ciqaabay iyo Cadawtinimada Ethiopia aynu isu hayno iyo inaan wax isir iyo Dhalasho ah ayna Abasiniya inoo galin abid keen ama inaga Dhaxaynin. Gabaygan oo Abwaanku uu Allah sw ugu Dacwoonayo ayaa Wuxuu waydiistay allah sw inuu u gar-gaaro oo uu Xabsigan Ciqaabta badan iyo Gacanta Cadawga kasii daayo ama uu Xagiisa u oofsado oo Nafta ka qaado si uu udhaafo Silica ay ku noolyihiin isaga iyo Saaxiibadii illeen “ Nafey naf Matahay looma noolaado way kugu Jirtaana looguma Mintido ee”

Wuxuuna ilaahay ka aqbalay Ducada Qaybta Hore oo Xabsigii wuu Kasiidaayay wuxuuna dib usii noolaa 12 Sano.

 Waanakan Dhanbaalkii uu Qamaan uu Allah sw u Diray ee Akhris Wacan.

Gabayga Xabsiyada.
• Eebow Dhistiyo ways hayaan, Dhagaxda waaweyne
•Eebow in dhuub la’eg Cirkay, nagaga Dhaar teene
• Eebow Dhulkay naga qarsheen, dherarka loo yaale
• Dhudhumadiyo eebow nin xidhan, Dhaadadkaan ahaye
• Eebow bir lays dhaafshay bay, Dhab igu siiyeene
• Eebow kolkay dhababi waan, Dhogor Xumaadaaye
• Eebow Axmaar dhirifsan baan, dhab ula seex daaye
• Dhiigayga eebow ka jecel, dhadiyo Hoobaane
• Oo Dhalasho laysugu naxaa, Nama dhex taal gaale
• Eebow dharkiyo way marshaan, Dhex-xidhka naaguhuye
• Eebow dhaqaaq maleh ninkii, lagu dhidbaa daare
• Eebow dhalaan sidii galbaan, Dhadan dhateeyaaye
• Eebow ma dheelmado intii, dhagax latuuraaye
• Eebow Dhurwaa sidii hadaan, dhibi lahaa ruuxa
• Eebow dhir baan mari lahaa, dhacamyo oo deede
• Hadaad dharagto Eebow baryaad, dhaxal ka haysaaye
• Eebow dhadhamo fool-xun waa, lagu dhukaanaaye
• Eebow waxaan dhuun yanaa, labo dhar baanoode
• Eebow masoo kala dhacaan, labada dhoomoode
• Dhan uun noorid Aakhiro janaan Dhagag sanaynaaye.

Axmed Faarax Idaajaa oo ah Ninka aan Kasoo Xigtay Gabayga iyo Qisadaba Wuxuu Magac uga Dhigay Gabaygan Qamaan “Maansada Xabsiyada” Aniga oo Qalin u badalayna waxaan Hadiyad uga Dhigayaa Maansadan Dhamaan Maxaabiista Xaqdarrada ugu Xidhan Xabsiyada Ku yaalla Ogadenia Gaar ahaan kuwa lagu Ciqaabo Jeel Ogaden. Maansadan wuxuu Curiyay Qamaan Sanadkii 1916, wakhtigaas oo hada Laga joogo 98 Sano iyo ilaamanta Shacabkeenu wuxuu iska dhaxlaa Raadinta Xaqiisa iyo inuu Xabsiyada Cadawga ka Buuxo.

W/Q Abdihakim.

Voice Of Somalia-SOMALI LEAKS