Maxamed Sheekh Axmed “Farmaajo wadani waa yahay laakiin waa waddani Maraykan ah”

imageedit_2_2870057981.jpg

Soomaaliya waa dal gumeystuhu qeybiyay isla markaana amni ahaan iyo siyaasad ahaan maamulo marka laga reebo meelaaha Alshabaab ka taliso waxaa iminka lagu dhawaaqay in Maxamed Cabdulaahi Farmaajo madaxweyne ka yahay asiga oo bedelay Xasan Sheekh Maxamuud.

Dadka gumeysi raac ah waxay iska indha tirayaan xaqiiqada waxaanay umadda ka iibinayaan fikrad foorarta oo ummadda god iyo booraan ku sii rideysa sababtoo ah dal la haysto ayay u sheegayaan in uu xor yahay laakiin waxaa jira kuwa runta jirideeda soo taabanaya si ay noogu digaan dabedeedna uga bad baadno bohosha laynaku wado.

Aqoon yahan maxamed sheekh axmed waa xog ogaal indhaha ku haya waxa soomaaliya ka socda goob joogna u ahaa tilaabooyinka badan oo gurracan oo cadawgu qaaday si xidadaha loogu siibo dalka iyo dadka soomaaliyeed diinta islaamkana meesha looga saaro.

 Wuxuu sheegayaa iminka in aanay Soomaaliya doorasha ka dhicin asigoo tilmaamay in dalku yahay mid la haysto oo aan madax banaaneyn .“is bedel umbaa dhacay, gaalada ayaa markii ay ogaatay in daba dhilifkii hore aanuu wax tar ahayn waxay ku bedeshay daba dhilif kale” sidaasi waxaa yiri aqoonyahan Maxamed Sheekh Axmed oo ay ka muuqatay in uu ka xun yahay halka Soomaalida maanta xaalkeedu marayo iyo sida qaar ka mid ahu dhagarta loo maleegay wanaag ugu maleeyaan.

Dadka oranaya Farmaajo waa wadani, waxaanu oraneynaa warkii hadda ka hor uu yiri abwaankii caanka ahaa ee careys ciise kaarshe oo ahaa,

“Soomaalaay dhaga la’eey,cagliga tii laga dhaceey,

Middii lagu dhaatayeey, waxaan laga dhalinineey,

Dhaadhaan meel yuurariyo, caryaa dhagax la hadli kara?”

Ayuu hadalkiisa ku daray Maxamed Sheekh Axmed.

Wuxuu intaas ku daray “Farmaajo in uu qirtay in aanuu wadani ahayn maxaa yeelay waa ninkii yiri dagaalka aan Muqdisho uga jiraa waa mid aan ku difaacayo Maraykanka”.

“Farmaajo wadani waa yahay laakiin wadani Soomaali ah ma ahan waa waddani Maraykan ah oo maraykanimadu kala weyn tahay masiirka umadda Soomaaliyeed ” ayuu yiri aqoon yahan Maxamed Sheekh Axmed.

wuxuu tilmamay in dalka ay mas’uul ka tahay oo ay dowlad ka tahay Xarakada Mujaahidiinta Alshabaab asigoo hoosta ka xariiqay in ay umadda shareecada islaamka ku maamusho geesta kalena dagaal kula jirto shisheeyaha jensiyadaha kala duwan leh ee duulaanka ku gardarada ah ku yimid.

W/D Warfaa Kheyrdoon

Voice Of Somalia-SOMALI LEAKS

DHAGEYSO:-Halkee Ku Danbeyn Doonaa Xasan Sheekh

Xasan Sheekh ayay maanta ugu dhamaatay Villa Somalia, waxaa la sheegaya in Xasan ku wahajan yahay Tansaaniya iyo Turkiga oo hanti badan oo gaystay ,walow oo ogaa in maalin uun la soo dhigi doono banaanka,waxaana qaada dhigaya halka Xasan ku danbeyn doono  Wariye Cabdifitaax Filipin oo ka tirsan Radio Alfurqaan oo ka mid ah Raadiyaasha loogu dhagaysiga badan yahay dal iyo dibadba.

Xasan iyo kuwii kala shaqeynayay  Villa Somalia ayaa dhamaantood sii joogi doonin Soomaaliya,waxayna ku sii jeedaan qurbaha,sidii ka horeeyay.

Voice Of Somalia-SOMALI LEAKS.

Hanti-Dhowraha Federaalka Somaliya oo Heshiiska Saldhiga Milateri ee Berbera Ku Tilmaamay Khiyaamo Qaran.

37475494.jpg

Hanti-dhowraha guud ee dowladda federaalka Soomaaliya Nuur Faarax Jimcaale ayaa ku tilmaamay waxba kama jiraan heshiiskii maamulka Somaliland ay kaga kireeyeen Garoonka diyaaradaha Berbera Dowladda Imaraadka Carabta.

Jimcaale oo shir jaraa’id ku qabtay Muqdisho ayaa sheegay in heshiiskaasi uu dagaal ka dhex abuuri karo dadka Soomaaliyeed, islamarkaan uu culays nabadgelyo  iyo dhaqan dhaqaale uu sababi karo

“Reer Saaxil, dhibka soo gaaraya waxaa ka mid ah meeshaasi waxaa ay noqon doontaa meel militariga ma ahee, waxa kale ka caagan, dadkii ka shaqeysan jiray, oo quutul-yoomka ka heli jiray dhib ayaa ka soo gaaraya, guud ahaan reer Somaliland dhib ayaa soo gaaraya, dhammaan umadda Soomaaliyeed meel walbo oo ay joogto dhib ayaa soo gaaraya, gobolka uma baahna xasarad iyo dagaal abuur”.

Wuxuu ku eedeeyay dowladda Imaraadka carabta inay ka shaqaynayaan kala qaybin shacabka Soomaaliyeed, isagoo ka dalbaday inay joojiyaan oo ka waantoobaan ficiladaas.

“Shalay DP Wold ayay ahayd, maanta waa saldhig milateri, waa markii 2aad oo heshiis gacan ku rimis ah, oo Hotellada Imaaraadka dad ka mid ah dowladda ama maamulka Somaliland ay hadba heshiis la soo saxiixanayso, heshiiskaan oo qabyo qoraal ah oo aan dadka la tuseynin, heshiiska haddii uu xalaal yahay, maa heshiiska oo dhameystiran la daabacao oo dadka la tuso” ayuu yiri

Dhinaca kale, Wuxuu ku eedeeyay xubno ka tirsan xukuumadii Federaalka ee waqtigeedii dhammaaday in ay qeyb ka aheyd heshiiska iyo heshiisyo kale ay dowladd Imaraadka la soo galeen.

“Heshiiskan inuu ahaa musuqmaasuq  waxaa kugu daliil ah looma tartamin, hunfaan ma marin, wax alle waxaa uu heshiikan u qotomo sharci ma aha cid qiimaysa iyo xisaabtan ku samaysay ma jirto” ayuu yiri wuxuuna sii raaciyay

“mar waxaa weeye labo ruux oo federaalka ka tirsanbaa Dubai lagula shirayaa, waxaa la leeyahay heshiis ayaanu la galnay, 3 kale ayaa lagu shirinayaa imaaraadka, waxaa lala yeeyahay dekadda Berbera ayaan kala shirnay. Reer saaxil, Somaliland iyo Soomaaliya guud ahaan waxaa arrinkaasi ku keeneysaa caqabad lama eegin maxaa umadda dan u ah” ayuu yiri.

Ugu dambayntii, hanti-dhoruhu  wuxuu sheegay inay qoraal ashkato ah u gubinayaan Ururkada Jaamacada Carabta iyo Qaramadda Midoobay oo kaga cabanayaan xadgudubka imaraadku uu ku sameeyay qaranimadii iyo madaxbanaanidii Soomaaliya.

Gabagabadii, Madaxweynaha cusub ee Soomaaliya Maxamed Cabdullaahi Farmaajo ayaan weli ka hadlin hehiiska imaraadka iyo maamulka Somaliland, hase yeeshee sida ay ogaatay horseedmedia heshiiskan waxaa dalka imaraadka ku soo saxiixay Ra’isul Wasaaraha Soomaaliya Cumar Cabdirashiid Cali Sharma’arke doorashada ka hor.

Voice Of Somalia-SOMALI LEAKS.

Isbar-bardhig Ku Saabsan Farmaajo iyo Siyaad Barre

37468362

Allaah Baa Mahad leh. Ammaan Iyo Nabadgelyo Nabi Muxamed Korkiisa Ha Ahaato!

Markii usbuucii lasoo dhaafay madaxweynaha DF loo doortay Maxamad Cabdullaahi Farmaaj, waxaan war baahinta qaar ka daalacday dad siyaasiyiin u nasab sheegta oo tilmaamaya inuu yahay nin wadani ah mudan in loo sacba tumo, sidaa darteed ayaan u dhabba galay iney dhab tahay arrintaas iyo in kale, waxaana jeclahay inaan is barbardhig ku sameeyo isaga iyo madaxweynihii hore ee Soomaaliya Maxamad Siyaad Barre.

Siyaad Barre wuxuu ahaa madaxweyne aaminsan mabda’a Shuuciyadda isagoo marar badan ku xad gudbay diinta islaamka, laakin dhanka kale wuxuu ahaa wadani iskala weyn inuu qaato jinsiyad shisheeye, halka Farmaajo uu yahay nin Dimuqraadiyadi ah islamarkaana heysta dhalashada Mareykanka.

Siyaad wuxuu ahaa nin aqoon wanaagsan u leh dhanka milatariga iyadoo la xusuusto inuu dalka ku qabsaday af-gambi aan dhiig ku daadan, wuxuu ahaa hogaamiyaha ciidan awood leh oo darsi lama illaawaan ah u dhigay Itoobiya, halka Farmaajo ay garab u yihiin Itoobiyaankaas iyo shisheeye kale.

Hadalada taariikhiga ah ee laga hayo Maxamad Siyaad Barre ayaa waxaa kamid ah: “Calan kaliya oo meel ka lushaahi lama yiraahdo gumeysi, gumeysigu wuxuu ku fadhiyaa dhaqaalaha, wuxuu ku fadhiyaa mabaadi’da in lagaa dilo, waxaan idin leeyahay Soomaaliyey aan difaacano dalkeena”.

Geesta kale hadalada taariikhiga ah ee laga hayo Farmaajo ayaa waxaa kamid ah in markii uu ra’iisul wasaaraha ahaa uu yiri’ “Dagaalka aan Muqdisho ka wadno waxaan ku difaacaynaa shacabka magaalada New York

Siyaad wuxuu ahaa nin iskala weyn madaxda Itoobiya, wuxuu si gaar ah uga faani jiray inuu qaabilo dadka aan isaga u dhigmin, halka Farmaajo uu kulankiisii ugu horeeyay la qaatay General Gabre oo ah dib lumaasi ay darajadiisu hooseyso, kuna caan baxay hagar-daamada ummada Soomaaliyeed.

Madaxweynihii dowladii Kacaanka wuxuu wadamo shisheeye u diiday iney qaataan bacaadkii Shalaambood, isagoo ku yiri’ “wuxuu anfici doonaa jiilkeena dambe” laakin Farmaajo ayaa xilligii uu ra’iisul wasaaraha ahaa dalka soo galiyay shirkado calooshood u shaqeystayaal ah oo ay Saracen kamid tahay, kuwaasoo boob ku haya kheyraadka wadanka.

Madaxweynihii hore ee Soomaaliya ayaa lagu xusuustaa inuu ahaa nin aanan isku dulleyn shisheeyaha, hase ahaatee Farmaajo ayay taariikhdu daabacday in madaxweynaha Uganda uu ka casilay xilkii ra’iisulwasaaraha ee uu ka hayay DKMG ee Shariif.

Halkan waxaa laga fahmi karaa inaanu wadani ahayn Farmaajo, kana fog yahay madaxweynihii hore ee dalka Maxamad Siyaad Barre.

Farmaajo ayaa waxaa ku hor gudboon caqabado badan oo ay ka gudbi waayeen madaxweynayaashii isaga ka horreeyay iyo ciidamada shisheeye ee wadanka kusoo duulay, wuxuuna ku dambeyn doonaa fashil iyo qoomamo.

{إِنَّ اللَّهَ لا يُصْلِحُ عَمَلَ الْمُفْسِدِينَ}

W/D Ridwaan Hassan Ali

FINANCIAL TIMES:-Caqabadaha Adag ee Wajihi Doona Farmaajo

Wargayska Fianancial Times ee ka soo baxa Ingiriiska ayaa ka hadlay caqabada oo la kulmi doono Farmaajo.

Caqabadaha ugu waaweyn waa,Musuqmusaaqa dhinaca dhaqaalaha,awood darida dhinaca dowladda,amaan darida,awood yarida ciidanka,Somaaliya ma helin dowlad awood leh oo waxtarta 25sano.

“Somalia ma lahan ciidan  qaran, mana ka maarmaan ciidamada shisheeye”

 

Voice Of Somalia-SOMALI LEAKS.

 

WAR CUSUB-Kuwa Gaaloobay Oo Ku Farxay Guusha Farmaajo!

Guusha madaxweyne ee Farmaajo waxaa aad ugu farxay Soomaalida gaaloowday kuwooda aan is qarin ee qurbaha ee kunool.Kuwa gaaloobay ayaa si toos ula hadlay Farmaajo kana codsaday inow la shaqeeyo.

Waxaa jira waxyaabo badan oo  qarsoon Soomaaliduna la socon.waxaa si dadban  u socday gaalaysiinta Soomaalida mudo fog,waxayna bilaabeen inay soo dhiiradaan maalmahan danbe,waana halis dhibkeeda leh.

MAXAA ISKU KEENAY KUWAN FARMAAJO?

Voice Of Somalia-SOMALI LEAKES

Kullankiisii Ugu Horreeyay Ayuu Farmaajo La yeeshay Jeneraal Gabre iyo Safiirka Turkiga Ee Soomaaliya.

37461303.jpg

Hoggaamiyaha cusub ee dowladda Federaalka Soomaaliya Max’med Cabdullaahi Farmaajo ayaa sare uqaaday kulamada uu la qaadanayo saraakiisha shisheeye ee hoggaaminaysa duullaanka lagusoo qaaday dalka Soomaaliya.

Farmaajo oo la sheegi jiray in uu necebyahay dowaldaha shisheeye ayaa kulankiisii ugu horreeyay Hoteelka Jaziira ee magaalada Muqdisho kula yeeshay saraakiil Itoobiyaan ah iyo kuwa caddaan ah.

Jeneraal Gabre oo ah madaxa sirdoonka Itoobiya ee Soomaaliya iyo Ergayga Q.Midoobe uqaabilsan arrimaha Soomaaliya ayaa kamid ahaa madaxda Farmaajo ku qaabilay Muqdisho.

Sidoo kale Farmaajo wuxuu la kulmay safiirka dowladda Turkiga u qaabilsan Soomaaliya, labadan dowladood ee Itoobiya iyo Turkiga waa kuwa ugu daran ee gumeysiga ku haaya shacabka Soomaaliya.

 Shacabka Soomaalida ee kunool gudaha dalka iyo dibaddiisa ayaa maamulkii Xasan Gurguurte waxay ku naceen soo dhoweysashada Turkiga iyo Itoobiya oo dhan walba ka bahdilay soomaalida.

Turkiga ayaa la wareegay kaabayaasha dhaqaalaha dalka sida Garoonka diyaaradaha iyo dekadda caalamiga Muqdisho halka Itoobiya ay ciidamadeedu qabsadeen magaalooyinka dhaca Koonfurta iyo bartamaha dalka.

Lakulanka saraakiisha dowladaha shisheeye ee Soomaaliya gumeysiga ku jooga waxay ka dhigantahay in Max’med Cabdullaahi Farmaajo uusan wax sidaas uweyn dhaamin Xasan Sheekh Maxamuud Madaxii hore ee DF-ka.

Falanqeeyayaal ayaa sheegaya in Farmaajo uu durbadiiba dowladda Itoobiya ku bilaabay wadashaqeyn ku aaddan la dagaalanka waxa loogu yeero Argagaxisada.