DHAGEYSO:-Sheekh Shariif Cabdi Nuur Iyo Xukunka U Dabaal Dagida Dhalashada Nabi Muxamed صلى الله عليه وسلم.

Muxaadaradaan oo cinwaankeedu yahay xukunka U Dabaal dagidda dhalashada Nabi Muxamed صلى الله عليه وسلم waxaa soo jeedinayo Allaah ha u Naxariisto Sheykhul Callaamah Shariif Cabdi Nuur.
Voice Of Somalia-SOMALI LEAKS

Aqriso Qodobo Halis Ku Ah Villa Soomaaliya oo Laga Soo Saaray Shirkii Garowe .

Voice Of Somalia

irkii magaalada Garowe uga socday Madax goboleedyada kala ah: Puntland, Galmudug, Koofur Galbeed iyo Jubbaland, ayaa waxaa ugu dambeyntii saacad ka hor laga soo saaray qodobo halis ku ah nidaamka taagta daran ee Villa Soomaaliya.

Qodobada Bayaanka ayaa waxaa kamid ah in ay Maamul Goboleedyadu ku heshiiyeen iney sameystaan ciidamo isku dhaf ah iyo guddi ah, iyagoo sheegay in xukuumadda Kheyrre ay ku fashilantay ammaanka.

Sidoo kale waxay sheegeen iney sameysanayaan Gudi amni iyo hal taliye oo ay ciidamadoodu wada hoos yimaadaan tan kasoo hor jeeda gudiga Amniga Qaranka ee uu hogaanka u yahay Farmaajo iyo taliyaha ciidanka Xoogga waxa loogu yeeray.

HADDABA HOOS KA AKHRISO BAYAANKA

View original post

Aqriso Qodobo Halis Ku Ah Villa Soomaaliya oo Laga Soo Saaray Shirkii Garowe .

irkii magaalada Garowe uga socday Madax goboleedyada kala ah: Puntland, Galmudug, Koofur Galbeed iyo Jubbaland, ayaa waxaa ugu dambeyntii saacad ka hor laga soo saaray qodobo halis ku ah nidaamka taagta daran ee Villa Soomaaliya.

Qodobada Bayaanka ayaa waxaa kamid ah in ay Maamul Goboleedyadu ku heshiiyeen iney sameystaan ciidamo isku dhaf ah iyo guddi ah, iyagoo sheegay in xukuumadda Kheyrre ay ku fashilantay ammaanka.

Sidoo kale waxay sheegeen iney sameysanayaan Gudi amni iyo hal taliye oo ay ciidamadoodu wada hoos yimaadaan tan kasoo hor jeeda gudiga Amniga Qaranka ee uu hogaanka u yahay Farmaajo iyo taliyaha ciidanka Xoogga waxa loogu yeeray.

HADDABA HOOS KA AKHRISO BAYAANKA

 

Kenya Oo Amar Yaab Leh Dul-dhigtay Soomaalida NFD.

Dowladda Kenya ee xooga iyo gumeysiga ku heysato dhulka soomaaliyeed ee NFD ayaa soo rogtay amar cusub oo la yaab leh, kaas oo sii kordhinaya gumeysiga lagu hayo dadkaas Soomaalida ah.

Kulan dhex-maray guddi ka socda gobollada NFD Iyo dowladda dhexe ee Kenya, lagagana hadlayay arimaha amaanka ayaa waxaa kasoo baxay qodob la yaab leh oo aan horey loo maqal.

Gebogebada kulankan dhex-maray labada dhinac waxaa hoosta laga wada xariiqay in shacabka Soomaaliyeed ay dhiibaan Magta qof kasta oo Kirishtaan kenyaati ah oo ciidamada Al-Shabaab ku dilaan NFD.

Cali Roobo oo ah guddoomiyaha gobolka Mandheera ayaa warbaahinta u sheegay in qodobada lasoo saaray ay ka mid yihiin in shacabka Soomaalida ee dhulka NFD ay bixiyaan Magta qofkii Kenyaati Kirishtan ah ee lagu dilo dhulkooda, tallaabadaas oo uu ku sifeeyay mid lagu yaraynayo weerarrada Argagaxisada sida uu hadalka u dhigay.

Arinkan ayaa ah mid la yaab leh, muujinaysana xaaladda gumeysi ee ay ku nool yihiin Soomaalida NFD, waxaana qorshahan uu yimi xilli ay kordheen weerarada ay ciidamada Al-Shabaab ku beegsanayaan dadka kirishtaanka ah ee xoogga lagu dejiyay dhulka Soomaaliyeed.

Ha’yadduhu Miyey Inoo Daneeyaan Mise Way Inagga Daneystaan?

imageedit_1_7462084311

Hordhac: “Qormadan kooban waxaynu ku falanqayn doonaa dhinacayo badana ka eegi doonaa Ha’yaddaha Caalamiga ah ee dalkeena sida raxan-raxanta ah u imanaaya iyo waxqabadyada ay ka geystaan gudaha dalkeena. Hadaba Ha’yadahani ma yihiin kuwo wax inoogu qabta sida aynu u rabno, isla markaana ma yihiin kuwo inoo daneeya mise waa kuwo danno gaar ah iyo ujeedooyin ay wataan u fuliya arimaha caawimadda ah ee ay inoo qabtaan”.

Tiro kor u dhaafaysa boqolaal Ha’yaddood oo caalami ah oo aan dawli ahayn (NGO), ayaa ka xafiisyo iyo xarumo ku leh gudaha caasimadda iyo magaalooyinka kale ee waaweyn, Ha’yaddahani waxay inta badan barahooda Internetka ku faafiyaan waxqabadyadda iyo deeqaha ay doonayaan in ay ka geystaan hadba shaqadda quseysa ee ay lacagaha kusoo qaateen, Isla markaana waxay isla barahoodda Internet-ka ku faafiyaan mashaariic ay sheegaan inta badan boqolkiiba sagaashan (90%) in ay iyagu gacan ka geysteen oo ay ka hirgeliyeen Magaalooyinka iyo tuulooyinka dalka, isla markaana goob kasta oo wax-yar oo ribad leeg ay ka fuliyaan, waxay ku dhejiyaan boodhadh, isla markaana waxay ku faafiyaan Internet-ka iyo caalamka, iyaga oo tusaaya in horumar ka wadaan gobolka iyo guud ahaan qaaradda Afrika.

Haddaba su’aasha isweydiinta mudan ayaa waxay tahay, “Ha’yaddaha Caalamigu miyey inoo daneeyaan mise way inagga daneystaan?”, laakiin inta aanan idinla wadaagin cilmi baadhis aan si shakhsiyan ah u sameeyey, aan idin xasuusiyo qodob muhiim ah oo la xidhiidha xogta iyo halka ay ka keenaan lacagaha ay inta badan sheegaan in ay ku bixiyaan ama ku fuliyaan mashaariicda Waddamada soo koraaya oo aynu ka mid nahay, kuwaas oo sheega in ay bulshada ra’yidka ah iyo Dawlada ka caawiyaan.

Halkay Ka Helaan Lacagaha: Inta badan Ha’yadaha Caalamiga ah (NGO), oo ay sida inoo sheegaan sumadoodu ama astaan-toodu tahay “Kuwo aan faa’ido doon ahayn(Non-profit Oriented)”, waxay inta badan lacaguhu kusoo galaan laba hab oo waaweyn :-

  1. Xafiisyada Arimaha Dibada Ee Waddamada Horumaray: Ha’yadana inta badan deeqaha iyo mashaariicada ka fuliya inta badan waddamada soo kor’aaya ee Afrika oo aynu kamid nahay, waxay Xafiisyada arimaha dibadda ee waddamada horumaray u gudbiyaan nuqulo ay ku sharaxayaan ujeedooyinka ay u samaysan yihiin iyo hiigsiga ay rabaan in ay gaadhaan mustaqbalka dhaw, waxa ayna si kalsooni ku jirto uga dhaadhicyaan ahmiyadahooda guud, halka ay xafiisyadaas arimaha dibada ku qanciyaan in xafiiska laftiisa iyo wadankiisuba ay sumacad iyo taariikh u noqon doonto hadii ay bixiyaan xadiga lacagta ah ee ay ka codsanayaan, iyagoo u balan-qaadaya in xafiisyadaas arimaha dibada ay ugu noqon lahaayeen waddo ay u adeegsadaan sidii ay u gaadhi la’ahaayeen dalka ay Ha’yadahani caawimada ka geysanayaan waa hadii arimo muhiim ahi kasoo galaan wadankaas.
  2. Sadaqo Iyo Lacago Lagasoo Uruuriyo Kiniisadaha Iyo Dadka Hantida Leh:Ha’yaddahan mashaariicada caawimadda ah ka fuliya gudaha dalkeenu waxay sawiro iyo muuqaalo u gudbiyaan inta badan dadka hantida leh iyo goobaha kiristaanku ku cibadeystaan ee Kiniisaddaha, sawirada iyo muuqaalada ayey kusoo bandhigaan dad baahan, Afrikaan ah, misna gaajo, abaaro, xanuuno iyo caqbado kae oo badani haystaan, taas waxaa tusaale la taaban karo u aha Maal-qabeenka Bill Gate oo caawimadda dartii u furay Ha’yad isaga hoos timaada oo la yidhaah “Bill & Melinda Gates Foundation” Ha’yaddan isagu uu maamul ayaa dhawaan soo bandhigtay ilaa mudadii la aasaasay oo ahayd 2000 in hanti kor u dhaafaysa 4.6 bilyan oo doolar ka geysatay wadamada soo koraaya ee u badan Afrika. Dhanka kale wax ay ku tilmaamaan sadaqo ayaa inta badan Kiniisadaha wadamada horumaray ay kasoo uruuriyaan iyagoo u sheega in ay ugu gar-gaarayaan dad iyo dalal baahan.

Hadaba hadii aynu labadaas qodob kusoo koobno hababka ay lacagaha iyo deeqaha ku helaan Ha’yadaha caalamiga ah ee aan dawliga ahayn (NGO), aan ku xasuusiyo in ay jiraan habab kale oo wadamada soo koraaya ee aynu kamidka nahay ay ku helaan lacago iyo deeqo sharciyeysan, hababkaas kale oo ka madax-banaan Ha’yadaha aan dawliga ahayn ayaa ah in dawaladaha horumaray si toos ah lacago iyo mashaariic ugu yaboohaan, halka lacagahaas ama mashariicdaasi yihiin kuwo dalkaas soo koraaya loogu deeqay ama kuwo ku ah amaa(deyn) oo hadhow laga rabo in wadamada soo korayaa dib iskagasoo celiyaan, mashaariicaha iyo deeqaha noocan ahi waa kuwa inta badan si rasmi ah uga hirgala wadankaas ay ugu deeqeen, isla markaana marka la dhameystiro waa mashaariic noqoda kuwo dhaxal-gal ah oo sanado badan loo aayo, inta badana wadamada ku deeqay kuma faafiyaan warbaahinta, keliya marka ay deeqahaas wareejinayaan iyo marka ay dhamaystiraan mooyaane.

Hadaba hadii aynu hoos ugu daadegno ujeedada qormadaydan, bal aynu dhinacyo badan ka istaagno mashaariicaha iyo deeqaha ay Ha’yadduhu sheegaan in ay ka fuliyeen gudaha dalkeena, iyo dhibaatooyinkii laga dhaxlay wixii ay fuliyeen.

BEERAHA: Inta badan beeraha iyo deegaanka ayaa ah meelaha sida aadka u ba’an ay saameyn iyo waxyeelo kaga tagaan Ha’yaddaha caalamiga ahi, Waxa ay siidh iyo bacramiyayaal u qaybiyaan inta badan beeralleyda tuulayaasha miyaga, waa wax fiican in siidh iyo bacramiyayaal ay helaan beeralleyda dalkeenu, laakiin natiijadii laga dhaxlay ayaa waxay noqotay in siidhkaasi uu noqodo mid hal mar uun beerma ama bax, kaas oo aan dib u baxahayn, isla markaana nabaad guur iyo xaaluf ku rida dhulkii irmaanaa ee lahaa ciida dihin ee waxsoosaarka sanaddo badan lugu yaqaanay. Midhaha kasoo baxa shiidhkaas iyo bacramiyaashaas ayaa gadaal laga ogaadey in aanay lahayn faaidadii hore ee lugu yaqaanay cuntadaas, taas oo bulshada ka dhigi karta kuwo aan nafaqo iyo awood buuxda ama koritaan dhamaystiran aan helin.

Waxyeeladda iyo nabaad guurka ay deegaanka iyo beeraha kaga tageen siidhka iyo iniinyaha ay Ha’yadduhu beeralleyda dalkeena ugu deeqaan, waxay gaadhey heer dalagii yaryaraa ee wakhtiga kooban ku bixi jiray, ahaana kuwa ugu muhiimsan ee sida maalinlaha ah dalka looga quuto ay noqodeen kuwo meesha ka baxa, waxaana tusaale u ah in Xabuubta iyo khudaarta lamidka ahi ay maanta inooga yimadaan wadamadda jaarka siiba Itoobiya,

WAX-BARASHADDA: Dhanka waxbarashada hadii aynu eegno, inta badan Ha’yaddahan caalamiga ah ee aan dawliga ahayn waxay deegaano badan oo dalka kamid ah ka fuliyeen mashaariic dib u dayac tir iyo dhismayaal cusub labadaba inta badan dugsiyadda kuyaal deegaano badan oo dalka ah.

Ilaa hadda ma jiraan dhismayaal buuxa oo ay Ha’yaddahani ka fuliyaan dugsiyada, laakiin inta ugu badan ayaa ah dhismayaal kookooban sida Suuliyadda iyo hal-hal fasal oo ay ku biiriyaan dugsiyadaas, sida ay Ha’yaddahani ku caan baxeen inta badan isma laha tirada dhismaha ee ay goob ka sameeyeen iyo sidda ay xayeysiisyo ugu sameynayaan, iyagoo ka dhigaaya in guud ahaan dhismaha dugsigaas ay gacantooda ku qabteen, isla markaana boodhadh waaweyn ku dhejinaaya dugsiyadda ay dayac-tireen, taasina waxay meesha ka saaraysaa jiritaankii Wasaaradda waxbarashada, waxayna indhaheena iyo indhaha caalamkaba arkayaan in idil ahaanteenba dalkeenu yahay mid caawimo ku dhisan, kol hadii aynaan laba suuli iyo hal fasal dhisan kari weynay. Maaha dhanka waxbarashada oo keliya ee sidoo kale waxay tanoo kale ka dhacadaa Sariibadaha degmooyinka iyo cisbitaaladaba.

XOGTA: Tusaale ha inoogu filnaadaan labadaas qodob ee aadka u muhiimka ah, kana hadlaaya muhiimadda iyo jiritaanka guud ahaan bulshadadeena.

Haddaba “Ha’yadduhu miyey inoo daneeyaan mise way inagga daneystaan?”, aynu isbarbar dhigno dhaqaalaha xoogan ee ay kusoo qaataan Ha’yaddaha aan dawliga ahayn ee caalamku iyo waxqabadyada muuqda ee ay inoo qabtaan, waa kala-maan iyo laba aan isbarbardhigi karin kharashka ama lacagta (Fund-ka) kuwaas oo kor u dhaafaya Balaayiin doolar oo lacag ah iyo waxqabadkoodii oo ku kooban kuwo aad u yar oo tiro ahaan kooban misna aan faaido badan laga dhaxlin jiritaankooda iyo manafacaadkii looga fadhiyey waxqabadkaas ay fuliyeen.

Xogtan waxaan ku cadeynayaa in ay meesha ka maqantahay gebi ahaanba la xisaabtankii Ha’yadaha NGO-yadda ah ee inooga yimaada caalamka, taasina waata keenaysa in waxqabadka Ha’yaduhu noqodaan  “Qawda maqashii, waxna ha u qaban”, taasna waxaa dayacay oo aan ka daba-shaqayn cidii masuuliyad u lahayd in ay la xisaabtamaan, halka madaxweynaha iyo golaha wasiiradu ay kow ka yihiin kuwii la xisaabtami lahaa.

 

Wabilahi tawfiiq.

Mr. Hamse Bashe (Wiyeer-yare)

Qoraa / Saxafi madax banaan

E-mail: Xamse18@gmail.com

www.wiyeeryare.blogspot.com

www.twitter.com/wiyeeryare

www.facebook.com/wiyeeer

 

DHAGEYSO:-Waa kuma Jamaal Khaashoqji?

Dhawaan waxaa caalamka hareeyay qadiyadda wariye u dhashey dalka Sucuudiga, oo lagu magacaabo Jamaal Khaasqoji, kaas oo lagu dhex dilay dhismaha qunsuliyadda maamulka Aala-sucuud uu ku leeyahay magaalada Istanbuul ee wadanka Turkiga.

Hadaba warbixintan, waxaan ku eegi doonnaa taariikhda wariyahan, iyo sababta ka dambeysa in warbaahinta reer galbeedka iyo kuwa carabta ay sidan u buun buuniyaan, iyadoo maalin weliba ay caalamka ku dhintaan tobanaan ruux oo aan waxba galabsan.

Jamaal Khaashoqji, wuxuu 13-kii Octobar1958-dii ku dhashay magaalada Madiinatul Munawara, wuxuuna asal ahaan kasoo jeedaa qoys turki ah  oo degay Xarameynka shan qarni kahor.

Wuxuu ka qalin jabiyay dugsiga sare ee Dheyba, isagoona markaa kadib ku biiray kulliyadda saxaafadda ee Jaamacadda Indiyana ee dalka Maraykanka, wuxuuna ka baxay sanadkii 1983-dii miilaadiyada.

Wuxuu shaqadiisa wariyanimada ka billaabay wargeyska Saudi gazet, oo ku hadli jiray luuqadda Englishka, kadibna wuxuu wariye ka noqday dhowr wargeys oo kasoo baxa wadamada carabta, uuna kamid yaha wargeyska Sharqul Awsad ee fadhigiisu yahay magaalada Lodon ee wadanka Ingiriiska.

Xilliyadii dalka Afqaanistaan uu ka socday dagaalka jihaadka ah ee lagula jiray midowga Soofiyeet, ayuu wariye Jamaal Khaasqoji si aad ah usoo caan baxay, isagoo xilligaas soo tabin jiray dagaallada Afqaanistaan, wuxuuna dhowr jeer waraysiyo la yeeshey Sheikh Usaama bin laadin.

Voice Of Somalia-SOMALI LEAKS

Wasiirka Amniga Jubaland: “Kenya Dhul Boob Ayay Gedo Ka Wadaa”

Image may contain: one or more people

Wasiirka Amniga Jubbaland, C/rashiid Xasan C/nuur (Janan), ayaa si adag kaga hadlay xadgudubka Kenya ee ku aadan Degmada Baled Xaawo ee Gobolka Gedo, ka dib markii darbiga ay ka dhiseyso xuduuda labada dal, ay gudaha u soo gelisay qaybo ka mid ah degmadaasi.

Janan oo Isniintii gaaray degmada Baled Xaawo, ayaa kula kulmay maamulka Degmada iyo qaybaha bulshada, waxaana uu u sheegay inaanan Kenya looga aamusi doonin xad gudubkeeda ka dhanka ah dhulka Somaliya.

Wasiirka, ayaa sheegay ka shakhsi ahaan, Maamulka Jubbaland iyo DF kuba aanay jirin wax ay kala socdaan dhul cabirka ay Ciidanka Kenya ka sameeyeen qaar ka mid ah xaafadaha degmadaasi.

 

Bulshada ku dhaqan magaalada Baladxaawo ayaa kacdoon kala hor tagay ciidamada Kenya oo maalinba maalinta ka dambeysa boobaya dhul ka tirsan degmada Beledxaawo xilli ay horey u qabsadeen dhulka Soomaaliyeed ee NFD.

Ma jirto dowlad ilaalineysa xuduudaha wadanka, taa badalkeedana waxaa xuduudihii dalka jooga dadkii loogu tala galay in iyagaba laga ilaaliyo kuwaaso haatan sidey doonaan ka yeelaya.